Pratham Adhyakshta ka Sandesh, December 2014
Duniya ko Maseeh ke Prem se Bhar Dein
Jab hum Bada Din ke baare mein sochte hai, hum aksar uphaar dene aur lene ki sochte hai. Uphaarein ek chahita parampara ho sakte hain, magar woh avsar ke saadharan mahatva se hamein dur kar sakte hai aur Uddhaarkarta ke janam ko arthpurn tarike se manaane se rok sakte hai.
Main niji anubhav se jaanta hoon ki sabse yaadgaar Bada Din woh ho sakte hai jo sabse vinamra hote hai. Mere bachpan ke samay ke uphaar bahut saadhaaran the aaj ke star ke mukaable mein. Kabhi kabhi mujhe milta ek phati shet silaai karke ya ek joda glavs ya moze. Mujhe ek khaas Bada Din yaad hai jab mere bhaai ne apne haathon se taraash ke ek lakdi waali churi banaya tha.
Bada Din ko arthpurn banane ke liye keemti uphaaron ki zaroorat nahin hai. Mujhe ek kahani yaad hai jo Elder Glen L. Rudd, jo Sattar ki sadasye mein sewa pradaan karte the 1987 se 1992 tak. Kuch saal pehle Bada Din se ek din pehle, jab woh ek bishop ke bhandaar ka sanchaalan kar rahe the, usne ek girjaghar ke neta se seekha tha ek zarooratman parivaar ke baare mein jo haal hi mein shahar mein aaye the. Jab woh unke chote se kiraae ke makaan mein gaya, use paaya ek jawaan akeli maa chaar bachchon ke saath jo 10 saal se kam umra ke the.
Parivaar ki zarooratein itni zyaada thi ki maa Bada Din par apne bachchon ke liye khaane ki cheezein aur uphaar nahin le sakti thi—woh ek ped bhi nahin laga sakti thi. Bhaai Rudd ne parivaar se baatein ki aur seekha ki jo teen choti bachiyaan thi ko ek gudiyaan ya narm khilaona pasand hoga. Jab usne cheh-saal ke bete se pucha use kya chahiye tha, us woh bhukha baalak ne kaha, “Mujhe ek pyaali porij pasand hoga.”
Bhaai Rudd ne us chote baalak se vaada kiya use porridge milega aur kuch aur bhi. Phir woh bishop ke bhandaar mein gaya aur bhojan aur anye saamaan ikattha kiya taaki parivaar ke abhi ki zarooraton ki purti ho sake.
Usi din subha ek dayalu Antim-din Sant ne use 50 dolar diya tha “kisi zarooratmand ke liye.” Us daan ka istemaal karke, Bhaai Rudd apne teen bachcho ko lekar Bada Din ka kharedbeen karne gaye —uske bachche zarooratmand bachchon ke liye khilaone dhoondh rahe the.
Gaadi ko bhojan, kapde, uphaar, ek Bada Din ka ped, aur kuch sajawat ke samaan lekar, Rudd aur unke bachche us parivaar ke kiraae ke makaan mein pahunche. Wahan unhonne maa aur uske bachchon ko ped sajaane mein madad kiya. Uske baad unhonne ped ke niche uphaar rakkhein aur chote bachche ko ek bhaari pekaj mein porij diya.
Maa ro padi, bachche khush huwe, aur un sab ne milkar ek Bada Din ka geet gaaya. Us raat jab Rudd parivaar raatri ke bhojan ke liye ikattha hue, unhonne dhanyevaad diya ki woh Bada Din ki khushi kisi aur parivaar ke saath baat sakein the aur ek chote bachche ko ek pyaali porij diya tha.1
Maseeh aur Daan Karne ki Bhaavna
Sochiye ki kis saral samaanit dhang se Swarg ke Pita ne Apne Putra ke janam ko sammaanit karne ko chuna tha. Us pavitra raatri ko, devdut ameer ko nahin par gadadiyon ko prakat huwe. Woh Maseeh putra bangle mein nahin par ek charni mein paeda hua. Use resham mein nahin par kapde ke tukdon mein lapeta gaya.
Us pehle Bada Din ke saralta se Uddhaarkarta ka jiwan ka shuruaat hua. Bhale hi Usne dharti ko banaya tha, mahima bhare raajyon mein chala tha, aur Pita ke daahine or khada tha, Woh dharti par ek laachaar bachche ki tarah aaya tha. Uska jiwan saadhaaran unchepan ka uddharan tha, aur Woh gareebon, beemaaron, thukraae huwon aur bojh se dabe logon ke beech rehta tha.
Bhale hi Woh ek raaja tha, Woh manushye ki tarah sammaan ya dhan ki parwaah nahin karta tha. Uska jiwan, Uski vaani, aur Uske daenik gatividhiyaan saadharan par logpriye maan-maryaada ke udharan the.
Ishu woh Maseeh, achchi tarah se jaante the kaise daan karna chahiye, ne hamare liye daan karne ka tarika dikhlaya. Unke liye jinke hriday bhaari hai akelepan aur dukh se, Woh unhe daya aur sahanubhuti deta hai. Un logon ke liye jinke shareer aur mann beemaari aur takleefon se bhare hai, Woh prem aur changaai laata hai. Woh log jinke aatma paap ke bojh se dabe hai, Woh aasha, chama, aur mukti deta hai.
Agar aaj Uddhaarkarta hamare samaksh hote, hum Use wahan paate jahan Woh hamesha hua karta tha—deen, bojh se dabe, vineet, dukhit, aur aatma se gareeb logon se prachaar karta hua. Bada Din ke avsar ke samay aur hamesha, hum Usse prem karein jaise Woh hamein prem karta tha. Hum Unke janam, uphaaron, aur jiwan ke vineet maan-maryada ko yaad karein. Aur hum, daya, dayaluta, aur sahanubhuti ke saral kaaryon se, duniya ko Unke prem aur changaai ke shakti se bhar dein.
© 2014 dwara Intellectual Reserve, Inc. Pure adhikaar surakshit. USA mein chaapa gaya. Angrezi swikriti: 6/14 Anuwaad swikriti: 6/14. First Presidency Message, December 2014. Language. 10872 298 ka anuwaad
Is Sandesh Mein se Shikshan
Pradhaan Uchtdorf sikhlata hai ki hamein Uddhaaran ke daan karne ke tarike ko apnaana chahiye. Jin logon se aap bhent karte ho unhe kahiye ki woh baari baari se ek Uphaar ka naam dein jo Uddhaarkarta ne unhein diya hai, aur yeh baat karein ki woh kaise us uphaar ka istemaal karein auron ki sewa karne ke liye. Uddhaaran ke taur par, agar ek sadasye ko achchi tarah se gaana aata hai, woh apne kuch padosiyon mein geet gaane ke liye jaa sakte hai. Aap jinse bhent karte ho unke saath prarthna kar sakte hai ghutno par hoke, prerna ki maang karein ki kaun se uphaar woh baant sakte hai, kaise, aur kisse. Jo prerna aap paaye uske baare mein puchte rahiye.