Agtutubo

Panangidulin iti Kasuratan

Idilig ni Presidente Uchtdorf ti panawentayo kadagiti panawen dagiti nagkauna a kameng. Idinto a dikayo nakapaglasat kadagiti kapatagan, ad-adda a maipadakayo kadagiti nagkauna a kameng ngem iti mabalin a panagkunayo! Mabalinyo met ti mangipakita iti kaasi, napasnek nga aramid, ken panangnamnama iti nasayaat. kas iti pannakammotayo nga naipakita dagiti nagkauna a kameng dagitoy a kababalin gapu kadagiti kasuratan nga indulinda, maam-ammodakayo met dagiti kaputotanyo babaen kadagiti journal wenno listaan ti padpadasyo.

Mangala iti sumagmamano a minuto a mangisurati iti sangkabassit maipapan iti bagiyo iti journalyo. mabalinyo nga isurat maipapan kadagiti naespirituan a bambanag, kas koma iti no kasano aa nagun-odyo ti pammaneknekyo wenno kasano a narimbawanyo dagiti pannubok babaen ti tulong ti Nailangitan nga Ama. Mabalinyo pay a tulongan dagiti appokoyo iti tumeng (a mabalin a mangbasanto ti journalyo iti maysa nga aldaw) tapno maammuanda no ania idi ti inaldaw a panagbiagyo. Ania dagiti proyekto nga ar-aramidenyo iti pagadalan? Ania ti langa ti siledyo? Ania ti paggugustoyo a lagip maipapan itii pamiliayo?

Bayat ti panangirugiyo nga agsurat iti sangkabassit iti inaldaw, saan laeng a kabaelanyonto ti kumita a nasaysayaat no kasano a tultulongannnakayo ti Nailangitan nga Ama iti inaldaw a panagbiagyo, kas met laeng iti panangtarabayna kadagiti nagkauna a kameng, ngem ketdi makaibatikayto pay iti maysa a tawid para iti masakbayan a kaputotanyo.