2015
Jekjek in Mour eo an Jisōs Kraist: Jeorļo̧k an ro jet bōd im Tiriam̧o̧
Juļae 2015

Naan in Katak an Kōrā, JUĻAE 2015

Jekjek in Mour eo an Jisōs Kraist: Jeorļo̧k an ro jet bōd im Tiriam̧o̧

Kanooj jar ilo ekkatak kōn katak in im pukōt n̄an jeļā ta eo n̄an kwaļo̧k. Ekōjkan ami naaj meļeļe mour eo im mijen eo an Rilo̧mo̧o̧r eo, eo ej kōļapļo̧k tōmak eo ami ilo E im kōjeram̧m̧an ro kwoj (bōk eddoier) mije er kōn naan in katak an kōrā? N̄an meļeļe ko reļļapļo̧k, etal n̄an reliefsociety.lds.org.

Tōmak, Baam̧le, Deeor

Meļeļe bwe Jisōs Kraist ekar jeorļo̧k an ro jet bōd im tiriam̧o̧ n̄an kōj emaron̄ jipan̄ kōj jeorļo̧k an ro jet bōd im leļo̧k tiriam̧o̧ n̄an ro jet. “Jisōs Kraist ej Ad Riwaanjon̄ak,” Būreejtōn Thomas S. Monson ekar ba. “Mour eo An ekar juon bwebwenato in iakwe. Eaar kemour rinan̄inmej; Eaar jipan̄ im kōketak ro raar kakkure er; Eaar lo̧mo̧o̧ren rijerawiwi eo. Ilo jem̧ļo̧kin rinana ro raar bōk mour eo An. Im ej wōt jān naan kein jen toļ Golgotha: ‘Jema, Kwōn joļo̧k ruer; bwe re jaje ta eo rej kōm̧m̧ane’—juon kairoojoj ilo mour in kōn tiriam̧o̧ im iakwe.”1

Bwe eļan̄n̄e kom̧ij jeorļo̧k bōd ko an armej innām Jemedwōj Ilan̄ enaaj barāinwōt jeorļo̧k bōd ko ami. Jisōs ekar kajjitōk ippād n̄an “kom̧win tūriam̧okake im āinwōt Jememwōj ej tūriam̧okake” (Luk 6:36). “Jeorļo̧k bōd kōn jerawiwi ko ad ej itok ilo elōn̄ jekjek ko,” Būreejtōn Dieter F. Uchtdorf ekar ba, Rikakpilōklōk eo Kein Karuo ilo Būreejtōnji eo Kein Kajuon. “Jej aikuj in ukweļo̧k. … Kōj aolep aikuj ke, ilo juon iien ak bar juon iien, ineem̧m̧an ilo pukōt jikin tūriam̧o im akweļap kōn jouj? Jej ke kōņaan kōn aolepān ad kajoor in jetōb ko ad kōn tūriam̧o—n̄an bōk jeorļo̧k bōd kōn bōd ko jekar kōm̧m̧ani im jerawiwi ko jekar kōm̧m̧ani? … Kōtļo̧k bwe Pinmuur eo an Kraist en ukōt im kōmour būruōm̧. Iakwe doon. Jeorļo̧k an doon bōd.”2

Bar Jet Eoon Ko

Matu 6:14–15; Luk 6:36–37; Alma 34:14–16

Jān Jeje ko Rekwojarjar

“Jej aikuj jeorļo̧k an ro jet bōd āinwōt An jeorļo̧k aō bōd,” Elder Jeffrey R. Holland ekar ba jen Doulul eo an Jon̄oulruo Rijilōk ro.3 Bwebwenato in nejin eo ejerwaan ej kwaļo̧k jim̧or an ruo armej jeorļo̧k an doon bōd: juon ļaddik eo ej jeorļo̧k bōd im ļaddik eo juon ej en̄taan ilo an jeorļo̧k an bōd.

Ļaddik eo edik ekar kōjerbali, menin jolet ko an, innām ke juon n̄itta ekar waļo̧k, ekar jerbal im naajdik menin mour. Jeje ko Rekwojarjar rej ba “ke ej ian̄aktok an,” ekar jepļaak n̄an kapijuknen eo an im naaj ba n̄an Jemān bwe ej patkake bwe ren likūt etan nejin. Ak jemān ej tūriam̧okake im m̧an koon in kau e matōk. Ļaddik eo nejin erūtto ke ej itok jān jerbal ilo jikin kallib im ekar illu. Ej uwaak im ba n̄an jemān, lo “ejjeļo̧k juon iien kwaar letok n̄an eō juon koon in got, bwe in lan̄lōn̄ n̄ān ro jera.” Jemān ekar uwaak, “Nejū, iien otemjej kwōj pād ippa, im men otemjej aō am̧. A em̧m̧an bwe jen lan̄lōn̄, im lioeo kake: bwe e in jatūm̧ e kar mej, im ej bar mour; im e kar jako, im ej waļo̧k.” (lale Luk 15:11–32).

© 2015 jān Intellectual Reserve, Inc. Aolep jim̧we ko rej pād ippān. Jeje ilo USA. Kōmālim ilo kajin English: 6/14. Kōmālim an ukook: 6/14. Ukook eo an Visiting Teaching Message, July 2015. Marshallese. 12587 874

Kakeememej ko

  1. Thomas S. Monson, “Iakwe, ej Pedped in Katak ko an Gospel,” Kweilo̧k eo Eļap, Eprōļ 2014, 91.

  2. Dieter F. Uchtdorf, “The Merciful Obtain Mercy,” Liahona, May 2012, 70, 75, 77; emphasis in original.

  3. Jeffrey R. Holland, “The Peaceable Things of the Kingdom,” Ensign, Nov. 1996, 83.

Ļōmņak kōn Menin

Ewi wāween ad jeram̧m̧an jān jeorļo̧k an juon armej bōd?