Naan in Katak an Kōrā, O̧kwōj 2015
Kadkad in Mour ko Rekwojarjar an Jisōs Kraist: Ineem̧m̧an im Ettā Bōro
Kanooj jar im ekkatak kōn katak in im pukōt n̄an jeļā ta eo n̄an kwaļo̧k. Ekōjkan ami naaj meļeļe mour eo im mijen eo an Rilo̧mo̧o̧r eo ej kōļapļo̧k tōmak eo ami ilo E im kōjeram̧m̧an ro kwoj (bōk eddoier) mije er kōn naan in katak an kōrā? N̄an meļeļe ko reļļapļo̧k, etal n̄an reliefsociety.lds.org.
Tōmak, Baam̧le, Deeor
Jisōs ekar ba, “A eo e kōņaan en ļaptata ippemi; en āinwōt eo e dik; im eo ej irooj en āinwōt eo ej ri karijer. Bwe ewi eo eļap, eo ej jibadek im m̧ōn̄ā, ak eo ej jerbal? E jab eo ej jibadek im m̧ōn̄ā ke? A N̄a Ij pād ippemi āinwōt eo ej jerbal” (Luk 22:26–27).
“Rilo̧mo̧o̧r eo ej ad waanjon̄ok eļap kōn kajoor in ettā im wūjlepļo̧k. Āliktata, Ekar wūjlepļo̧k Anikilaan n̄an Jemān im kar bōktok m̧akūtkūt eo ļaptata, aaet kajoortata, in aolep bwebwenato. Bōlen jet iaan naan ko rekwojarjartata ilo jeje ko rekwojarjar im repidodo, “A en jab ankil Aō, a Am̧ wōt” (Luk 22:42).”1
Āinwōt rikanaan ro an Jisōs Kraist, jej aolep iien pukōt n̄an erom āinwōt E. “Bwe inem̧m̧an eaorōk n̄an kōj n̄an ļapļo̧k ad erom āinwōt Kraist,” Elder Ulisses Soares jen Jiljilimjuonn̄oul eo ekar ba. N̄e ejjeļo̧k inem̧m̧an jejjab maron̄ ejaak bar jet kain mour wānōk ko raorōk. Jino ineem̧m̧an ejjab meļeļein m̧ōjņo̧, ak ej meļeļein m̧wil em̧m̧an kōn jouj, meanwōd, kwaļo̧k kajoor, aenōm̧m̧an, tokje, im kemmaanwa.”2 Ilo ad jerbal n̄an ejaake wāween mour in, jenaaj loe bwe “ettā im wūjlepļo̧k ankilaad n̄an Jemād ej bōktok n̄an kōj mālim eo an Anij—kajoor in ettā bōro. Ej kajoor eo n̄an jelm̧ae apan̄ ko an mour, kajoor in aenōm̧m̧an, kajoor in kōjatdikdik, kajoor in juon bōro erub kōn iakwe eo kōn im naan in kam̧ool eo an Rilo̧mo̧o̧r Jisōs Kraist, aaet kajoor eo an pinmuur eo.”3
Bar Jet Eoon Ko
Jān Jeje ko Rekwojarjar
Juon iaan iien ko rem̧m̧antata im kajoortata ilo iien jerbal eo an Kraist ke Ekar kwaļ neen rikaļoor ro An. “E jutak jān kōjota, im utūk nuknuk ko An; im Ej bōk nuknuk in kōm̧ōrā im kan̄ūrn̄rūr kake. Innām Ej lutōk dān ilo jāpe, im jino An kwaļe neen ro rū kaļoran, im kōm̧ōrāik kōn nuknuk in kōm̧ōrā eo Ear kan̄ūrn̄ūr kake” (Jon 13:4–5).
Ilo an Rilo̧mo̧o̧r eo kwaļo̧k kadkad in kain̄i in, rikaļoor ro raar maron̄ ļo̧kjenaer bwe Irooj eo aer im aer Maajta ekar būkwelōlō im̧aan mejāer im kwaļo̧k juon jerbal ettā. Jisōs ekar kōmeļeļe katak ko Ekar kōņaan bwe er im kōj aolep ren ekkatak:
“Innām eļan̄n̄e N̄a, ami Irooj im Ri kaki, Iar kwaļe neimi, em̧m̧an kom̧win kwaļe neen doon.
“Bwe Iar lewōj n̄an kom̧ juon jon̄ak, bwe kom̧win barāinwōt kōm̧m̧an āinwōt Iar kōm̧m̧an n̄an kom̧” (Jon 13:14–15).
© 2015 jān Intellectual Reserve, Inc. Aolep jim̧we ko rej pād ippān. Jeje ilo USA. Kōmālim ilo kajin English: 6/15. Kōmālim an ukook: 6/15. Ukook eo an Visiting Teaching Message, August 2015. Marshallese. 12588 874
Ļōmņak kōn Menin
Ewi wāween an ettā bōro maron̄ jipan̄ kōj iakwe āinwōt kar Rilo̧mo̧o̧r eo?