Mulwol ni Ngan Fil ni Ngan Nang, August 2015
Pangin nib Machalbog rok Yesus Kristus: Muding mab Sobutaen’
Mmeybil nge bi’eg fapi babyor mu piry’eg e tin ngam mog. Urogon e gonop marnga’agen e yafos nge murwel rok Somoel ra gelnag e mich rom ulanginn Ir nge yibliy pi’in ni ngam fil nge visit teach? Ra tin ni ga ba’adag ni ngam nang, man ko reliefsociety.lds.org.
Mich, Tabinaew, Ayuw
Yesus ke yoeg, “en ni Ir e th’abi tolang u fithik’med e thangri par ni bod rogon e en th’abi bitir u fithik’med, ma cha’ ni ir e ngi i yog e thin romed e thangri par ni bod rogon e en tapigpig. I mini’ e ba ga’, en nike par nga but’ ni nge abich fa en ni be fek e ggan ngi i pi’ ngak? bmuduwgil ni fa’anem ni ir e ke par nga but’ machane Gag e tapigpig ni gu bay u fithik’med” (Luke 22:26–27).
“Thathapeg e bin fel’ e wok rodad ko fare gelingin e pangin nib muding mab sobutaen’. Ya, nap’an ni Ke ngongoliy e tin nib fel’ u waen’ Chitaman ni ke fek e bin th’abi fel, ma bin tha’abi gel, e tin ni ke buch u lan gubin e chep. Sana’ boech ko bin tha’abi thothup e thin ni bay u lan fapi chep nib thothup e thin ni, ‘gathi tin nib m’agan’ug ngay e ngam rin’, ya tin nib m’agan’um ngay’ (Luke 22:42).”1
Gadad ni pi gachalpen Yesus Kristus e thingarda boed Ir. “Pangiy nib sobutaen’ ab t’uf ni ngad boeded Kristus,” e thin rok Elder Ulisses Soares ko fare Medlipi Ragag. Fa’anre dariy’ ma dabiyog ni ngeyag boech e n’en nib ga’fan nib mangil. Pangin nib sobutaen’ e gathi ba mo’owaer, machane ba ngongol u fithik e fel’ mab bugol, ni ngam dag e gelingin, gapas, adag dakanam, min gonop rogon pi ar’ar rom.”2 Nap’an ni gadaed ra murwel ninge yag e biney e pangiy, ma gadaed ra pir’eg ni “nap’an gadadma sobutaen’ min rin’ tin ba’adag Chitamangdad ra yoeg ngodad gelngin Got—fare gelngin e sobutaen’. Ni’ir e gelngin ni nggu gel ko pi sik’eng ko yafos, gelngin e gapas, gelingin e athap, gelingin e gumircha’ ni ke suguy ko t’ufeg nge michaen’ ngak fare Somoel ni Yesus Kristus, ni’ir fare gelngin e ta thap.”3
Yug Pithin nib Thothup
Keb ko pi Chep nib Thothup
Reb e ngiyal’ ni rib sug ko gapas nge gelngin ko machib rok Kristus e nap’an ni Ke lukuy tunguni aye e pi gachalpen. “Ma aram me sak’iy Jesus ngalang u tebel, me luf e thal ni wuru’ e mad rok; me bachiy bangi tawol nga lukngun. Me pu’og boch e ran ngalan baraba’ i ban’en ni yima maluknag ayiy ngay me tabab i maluknag e rifrif u ay pi gachalpen me faley e rifrif u ayrad ko fa gi tawol nike bachiy nga lukngun” (John 13:4–5).
Nap’an ni dag Tathapeg e biney e gam’ing, ma pi gachalpen e sana kar gin’ owechrad ni Somoel nib Masta rorad e ke ragbug nga but’ u pow’chen rad me rrin’ u fithik e muding nge sobutaen’. Me arame weliy Yesus e pi tin ni ba’adag raed nge gadaed ni ngad filed:
“I Gag e Somol romed nge Tamachib romed, ma ka fini gu mu’ i luknag e rifrif u aymed; ere nge bigimed mi i luknag e rifrif u ay bigimed.
Ya Kug dag ngomed e n’en ni ngu’um rin’ed ngomed, ya nge yag ni mrin’ed nri bod rogon e n’en ni ka fini Gu rin’ ngomed” (John 13:14–15).
© 2015 rok Intellectual Reserve, Inc. Gubin mabay matwon. Kan yoloey u Mariken. Kan micheg nag ko thin nu Ngalis: 6/15. Micheg nag i pilyeg: 6/15. Pilyeg thin ko Visiting Teaching Message, August 2015. Yapese. 12588 905
Mu Lemnag e Ren’ey
Urogon ni sobutaen’ e rayog ninge ayuwegdad ngad tu’feged rogon ni rrin’ Tathapeg?