UMyalezo wabaNdwendweli Makhaya, eyeDwarha 2015
Iimpawu Zobuthixo zikaYesu Krestu: Ukuzaliswa Luthando Lwenene kunye Nothando
Funda ngokuthandaza ezi zinto kwaye uphande ukwazi ukuba yintoni na onokuyaba. Ukuqonda kabanzi iimpawu zobuthixo zoMsindisi kuza kulwandisa kanjani ukholo lwakho KuYe kwaye kuza kubasikelela kanjani abo ubagadisiweyo ngokubafundisa ngokubandwendwela? Ngenkcukacha ethe vetshe, yiya ku reliefsociety.lds.org.
Ukholo, Usapho, Uncedo
Isalathisi Sezibhalo sichaza uthando lwenene njengo “hlobo lothando oluphezulu kakhulu, lobunene obukhulu, nolwameleleyo kakhulu” (“‘Uthando Lwenene”). Lona luthando olumsulwa lukaYesu Krestu. Njengoko sifunda ngoYesu Krestu kwaye sizama ukufana naYe, siyakuqala ukuva uthando lwaKhe olumsulwa ebomini bethu kwaye sichukunyiswe ukuba sithande kwaye sisebenzele abanye njengoko enokwenza naYe. “Uthando lwenene kukubanomonde nomntu othe wasiphoxa,” watsho uMongameli Thomas S. Monson. “Kukuchasana nomzwa wesaquphe wokukhutyekiswa ngokulula. Kukwamkela ubuthathaka kunye nokusilela. Kukwamkela abantu ngendlela abayiyo ngenene. Kukujonga ngaphaya kweembonakalo zenyama ukuya kutsho kwiimpawu ezingenakuba luzizi exesheni. Kukuchasana nomzwa wesaquphe wokubekana nabantu ngokwamanqanaba.”1
KwiNcwadi kaMormoni, sifunda inyaniso enkulu yokuba thina “siyathandaza kuye uBawo ngayo yonke inkuthalo yentliziyo, ukuze [sibe] nokuzaliswa ngolu thando, olo alusasaze phezu kwabo bonke abangabalandeli bokwenyani boNyana wakhe, uYesu Krestu; ukuze [sibe] nokuba ngoonyana [kunye neentombi] zikaThixo; ukuze xa sukuba eya kubonakala siya kuba njengaye, kuba siya kumbona njengokuba enjalo; ukuze sibe nokubanalo eli themba; ukuze sibe nokuhlanjululwa kwananjengokuba emsulwa” (Moronayi 7:48).
IziBhalo Ezongezelelweyo
Yohane 13:34–35; 1 AbaseKorinte 13:1–13; 1 Nifayi 11:21–23; Etere 12:33–34
Okuphuma Kwimbali Yethu
“Udade owayesandula ukuba ngumhlolokazi kamva nje waye wabulela kubandwendweli makhaya abalila naye kwaye bamthuthuzela. Yena wabhala: ‘Ndandidinga umntu endandinokufikelela kuye; umntu owayenokundimamela. … Kwaye bamamela. Bandithuthuzela. Bakhala nam. Kwaye bandiwola … [kwaye] bandinceda bandikhupha kwisimo sokungabina themba esinzulu kunye nokudambuluka kwezonyanga zokuqala zomva ndedwa.’
“Omnye wasetyhini waququmbela imizwa yakhe xa wayengu mzuzi wothando lwenene kumndwendweli makhaya: ‘Ndandisazi ukuba ndandingaphezulu kwenani kwiincwadi zakhe zokundwendwela. Ndandisazi ukuba wayekhathala ngam.’”2
Njengabaa dade, Abangcwele Bemihla Yokugqibela abaninzi kwilizwe jikelele bangangqina kule nyani yale ngxelo kaMongameli Boyd K. Packer (1924–2015), uMongameli WeQumrhu Labapostile Abalishumi Elinambini: “Kuthuthuzela kanjani ukwazi ukuba nokuba [usapho] lungaya phi na, usapho lweBandla lubalindele. Ukusukela ngemini abafika ngayo, yena oyindoda uyakuba yinxalenye yequmrhu lobubingeleli kwaye yena obhinqileyo uyakuba yinxalenye yeQumrhu Lamanina.”3
© 2015 ngo Intellectual Reserve, Inc. Onke amalungelo agciniwe. Kushicilelwe e-USA. Isivumelo sesiNgesi: 6/15. Isivumelo senguqulelo: 6/15. Inguqulelo ye Visiting Teaching Message, October 2015. Xhosa. 12590 774
Cingisisa Ngoku
Ingaba uKrestu ungumzekelo wethu ogqibeleleyo wothando kunye nothando lwenene kanjani?