Mbabun

Fa Ngo Gu Wo Kandzea mu: Nda-30 Nsɔhwɛ no

Asɔrmba mbabun a wonnyi hɔn bra mu adagyer no, obotum ayɛ mberɛw dɛ wɔbɛyɛ ndzeyɛɛ ara kɛkɛ, nkankara sunsum mu ndzɛmba. Yɛkenkan hɛn kyerɛwsɛm, yɛbɔ mpaa, na yɛsor daa daa wɔ kwan kor noara do na nkyii ɔyɛ hɛn nwanwa dɛ yerunntu mpon wɔ sunsum mu.

Kwan kor a oye koraa a yebotum ama hɛn sunsum mu kandzea akɔ do ahyerɛn yie nye dɛ yɛbɛyɛ ahwɛyie dɛ yerinya sunsum mu suahu a ɔfata. Ne nkãe yɛ mberɛw kyɛn ne nyɛe, ntsi esusudze wɔ ha a ɔbɔboa wo ma akɔ do etu mpon sunsum mu: Dwen asɛmpa-ahokekãdze a nnyɛɛ bi da (anaa ntaa koraa nnyɛ) na si pi dɛ ebɛyɛ no dabiara bosoom kor. Ibotum ahyɛase nkakrankakra osiandɛ ibohu dɛ ɔyɛ mberɛw dɛ ibɛdan nsesã nkakramba no ma wɔabɛyɛ daapem dze. Yɛreyɛ sunsum mu ndzɛmba a yɛnntaa nnyɛ no hia gyedzi na mbɔdzembɔ mbordo wɔ hɛn afamu, mbom sɛ yɛyɛ a, nna yɛroto nsa frɛ Sunsum Krɔnkrɔn no ba hɛn nkyɛn, na yɛrekyerɛ gyedzi kɛse wɔ Ɔsor Egya no mu na pɛ dɛ yɛbɔtwe abɛn No. Adwenkyerɛ kumaa a ɔbɔboa wo ma ahyɛ ase nyi:

• Yɛ botae dɛ ebɔbɔ mpaa anapa biara na anafua biara. Ma wo ndze do bɔ mpaa.

• Soɛr ntsɛm bɛyɛ minitsi 15 na kenkan wo kyerɛwsɛm ana akɔ skuul.

• Kenkan wiadze mfɛndzanan ehyiadzi a wɔabasen no mu nsɛm.

• Fa Mormon Nwoma mu nsɛm to internet social media do.

• Tsie Asɔr ndwom anaa Asɔr ho ndwom kyɛn wo ndwom a etaa tsie.