Pratham Adhyakshta ka Sandesh, January 2016
Unke Liye Khushiyaan Jinhe Hum Prem Karte Hain
Pradhaan Henry B. Eyring dwara
Pratham Adhyakshta ke Pratham Salahkaar
Hum sab apne priyejanon ke liye khushiyaan chahate hain, aur hum chahate hai ki unhe kam se kam takleef ho. Jab hum khushi ki kahaniyaan—aur takleef—ki kahani padhte hai Mormon Dharamshaastra mein, hamare hirday jhanjhod jaate hai jab hum apne priyejanon ke baare mein sochte hai. Yeh ek sachchi kahani hai khushiyaali ke ek samay ka:
“Aur logon ke hridayon mein Parmeshwar ka jo prem niwaas kar raha tha, uske kaaran desh mein koi vivaad nahin tha.
“Aur logon mein irshaya, daraar, halchal, vaybhichaar, asatyata, hatya aur kisi bhi prakaar ki kaamukta nahin thi; aur nishchay hi Parmeshwar ke haathon dwara rache gaye saare logon mein in logon ki tarah anandmay aur koi nahin tha.”
Aage hum padhte hai:
“Aur weh kitne dhanye the! Kyunki Prabhu ne unke har ek kaam mein unhe ashirvaad diya, haan yahan tak ki ek sao das varsh guzarne tak unhe ashirvaad praapt hota raha aur weh pragati karte rahe, aur Maseeh ke samay se pehli peedhi guzar gayi aur pure desh mein kahin koi vivaad nahin hua” (4 Nephi 1:15–16, 18).
Maseeh se prem karne waale chelein auron aur apne liye is tarah ke ashirvaad ke liye prarthna aur kaam karte hain. Mormon Dharamshaastra ke kahaniyon se aur, hamare, apne anubhavon se, hum jaante hai ki khushiyaali ka uphaar paaya jaa sakta hai. Hum jaante hai ki khushiyaali ka maarg tay kiya gaya hai. Hum yeh bhi jaante hai ki khushiyaali ko barkaraar rakhna aasaan nahin hai, jabtak jaise Uddhaarkarta ke Nephitiyon se bhent karne ke baad, “Parmeshwar ka prem” hamare hridayoa bas jaaye.
Woh prem Nephitiyon ke hridayon mein tha kyunki unhonne us kaanoon ka paalan kiya jisse woh mumkin tha. Is kaanoon ka ek sanchep prabhubojh ke prarthnaaon mein bhi hai, jo ki hamare Swarg ke Pita se narm niwedan se shuru hota hai. Hum apne hi Uddhaarkarta se vishwaas se bhare hriday aur unke prati gehra prem se prarthna karte. Hum sachche dil se vaada karte hai ki hum Unka naam apne upar lenge, Unhe yaad rakhenge, aur Unke sabhi aagyaaon ka paalan karenge. Aakhri mein, hum apne vishwaas anusaar Pavitra Aatma ko, Pitratav ka teesra sadasye maante hai, chahate hai ki woh hamesha hamare saath rahe, hamare dilon ko Pita aur Unke Priye Putra ki gawahi deta rahe. (Dekhiye D&C 20:77, 79.)
Pavitra Aatma ke saath, hamare hriday badal sakte hai taaki hum Swarg ke Pita aur Prabhu Ishu Maseeh ke prem ko chaahe aur apnaaye. Parmeshwar ke prem ko apne hriday mein basana aasaan hai, jaisa ki us prem ko apne hriday se khona bhi aasaan hai. Uddharan ke taur par, shaayad koi Swarg ke Pita se kam baar prarthna karne lage ya pura daswa hissa na bhare ya Parmeshwar ke vachan na padhe ya gareeb aur zarooratmand ko na sahayta karne ki chune.
Koi bhi chunaao ho Prabhu ke aagyaaon ko na maanne ka, usse Aatma hamare hriday se chali jaate hai. Aatma ke chale jaane se, khushiyaali kam ho jaati hai.
Jo khushiyaali hum apne priyejanon ke liye chahate hai unke chunawon par nirbhar hoga. Chaahe hum ek bachche, girja ke baare mein jaanch karne waale, ya apne doston se kitna bhi prem kare, hum unpar dabaao nahin daal sakte ki woh aagyaaon ka paalan karein taaki Pavitra Aatma unke hriday ko chuwe aur badle.
Isliye sabse behtar sahayta jo hum de sakte hai woh hai ki hamare priyejan kisi bhi tarah apne hi chunawon par gaur karne lage. Alma ki tarah tum bhi is nimantran se shuruaat kar sakte ho:
“Prabhu ke saamne tum apne aapko deen bana lo, aur uske pavitra naam ko pukaro, jaagte raho aur lagataar prarthna karte raho jisse ki tum laalach mein na pado, apitu un par vijay paao; aur is tarah Pavitra Aatma ke saath chalo aur tum deen, vineet, aagyakaari, prem se paripurn aur ati sahansheel bano;
“Prabhu mein vishwaas hone ke kaaran; anant jiwan praapt hone ki aasha ke kaaran; apne hridayon mein sadeo Parmeshwar ke prati prem hone ke kaaran tum antim din upar uthaae jaaoge aur uske vishraam grah mein prawesh kar sakoge”(Alma 13:28–29).
Mai prarthna karta hoon ki jinhe aap prem karte hai woh aapke prerna bhare nimantran ko apnaaye taaki woh anant khushiyaali ke maarg ko chunn sake.
© 2016 Intellectual Reserve, Inc dwara. Sabhi adhikaar surakshit. USA mein chaapa gaya. Angrezi swikriti: 6/15 Anuwaad swikriti: 6/15 First Presidency Message, January 2016 ka anuwaad. Fiji Hindi. 12861 298
Is Sandesh Mein se Shikshan
Pradhaan Eyring sikhlaata hai ki jo khushiyaali hum is jiwan mein mehsoos karte hai hamare chunawon par nirbhar hota hai. Jab tum is sandesh par baate karoge, un cheezon par baate karna jo Pradhaan Eyring kehta hai hamein chunna chahiye (jaise ki prarthna, kaam, vishwaas ko amal mein laana, aur sachi lagan se jut jaana) taaki hum khushiyaali ke maarg ko paa sake. Tum un logon ko do ya teen kaarye likhne ko kaho jiske dwara woh “anant khushiyaali ke maarg” ko paa sake.