Mesazhi i Vizitave Mësimore, Janar 2016

Familja: Një Proklamatë drejtuar Botës

Studiojeni këtë material me lutje dhe kërkoni të dini se çfarë të tregoni. Në ç’mënyrë të kuptuarit e doktrinës së familjes do t’i bekojë ato për të cilat kujdeseni nëpërmjet vizitës mësimore? Për më tepër informacion, shkoni te reliefsociety.lds.org.

Besim, Familje, Ndihmë

Për mbledhjen e përgjithshme të Shoqatës së Ndihmës në vitin 1995, kur Presidenti Gordon B. Hinkli (1910–2008) e lexoi për herë të parë proklamatën “Familja: Një Proklamatë drejtuar Botës”, Boni L. Oskarson, presidentja e përgjithshme e Të Rejave, tha: “Ne ishim mirënjohëse dhe e vlerësuam qartësinë, thjeshtësinë dhe të vërtetat e këtij dokumenti të frymëzuar nga zbulesa. … Proklamata mbi familjen është bërë standardi ynë për gjykimin e filozofive të botës dhe unë dëshmoj se parimet e parashtruara … janë po aq të vërteta sot saç ishin kur na u dhanë nga një profet i Perëndisë afro 20 vjet më parë.”¹

“Nga proklamata për familjen”, shton Karol M. Stivens, këshilltarja e parë në presidencën e përgjithshme të Shoqatës së Ndihmës, “ne mësojmë: ‘Në mbretërinë paratokësore, bijtë dhe bijat shpirtërore e njihnin dhe e adhuronin Perëndinë si Atin e tyre të Amshuar’² …

… Secila prej nesh bën pjesë në një familje të Perëndisë dhe është e nevojshme në atë familje.”³

Ne jetojmë në një kohë kur prindërit duhet t’i mbrojnë shtëpitë dhe familjet e tyre. “Familja: Një Proklamatë drejtuar Botës” mund të na drejtojë.

Shkrime të Shenjta Shtesë

Mosia 8:16–17; Doktrina e Besëlidhje 1:38

Ngjarje Aktuale

“Li Mei Çen Ho nga Lagjja e Tretë e Tao Juanit, në Kunjin e Tao Juanit në Tajvan, tha se proklamata i ka mësuar asaj se marrëdhëniet familjare ndihmojnë në zhvillimin e karakteristikave hyjnore të tilla si besimi, durimi dhe dashuria. ‘Kur përpiqem ta përmirësoj veten sipas proklamatës, mund të përjetoj lumturi të vërtetë’, tha ajo.”⁴

Barbara Tompson, e cila ishte e pranishme kur proklamata u lexua për herë të parë dhe më vonë shërbeu si këshilltare në presidencën e përgjithshme të Shoqatës së Ndihmës, tha: “Mendova për një çast se [proklamata e familjes] nuk më përkiste shumë mua në të vërtetë, duke qenë se nuk isha e martuar dhe nuk kisha fëmijë. Por pothuajse po aq shpejt mendova: ‘Por njëmend më përket mua. Unë jam pjesëtare e një familjeje. Jam një bijë, një motër, një emtë, një kushërirë, një mbesë. … Madje edhe po të isha pjesëtarja e vetme e gjallë e familjes sime, prapëseprapë jam ende një pjesëtare e familjes së Perëndisë.’”⁵

© 2016 nga Intellectual Reserve, Inc. I rezervohen të gjitha të drejtat. Shtypur në Gjermani. Miratuar për anglisht: 6/15. Miratuar për përkthim: 6/15. Përkthim i Visiting Teaching Message, January 2016. Albanian. 12861 101

Merreni Parasysh Këtë

Si është “Familja: Një Proklamatë drejtuar Botës” një dokument për kohën tonë?