Parau poroʻi na te mau tuahine hahaere, fepuare 2016
Ua haapa’ohia te faaipoiporaa e te Atua
A tuatapapa na roto i te pure i teie materia ma te imi ia ite e aha te faaite atu. Nahea te maramaramaraa i « Te utuafare : E Poro’i i to te Ao nei » e faarahi i to tatou faaroo i te Atua e e haamaitai i te feia ta outou e haapa’o nei na roto i te tere hahaereraa ? No te mau haamaramaramaraa hau atu, a haere i ni’a i te reliefsociety.lds.org.
Te Faaroo, Te Utuafare, Te Totauturu
Te tamau nei te mau peropheta, te mau aposetolo e te feia faatere ia « faaite papû… e, ua haamauhia te faaipoiporaa i rotopu i te tane e i te vahine e te Atua e ua riro te utuafare ei tumu no te opuaraa a Tei Hamani ».1
Ua parau Elder D. Todd Christofferson no te Pupu no te Tino Ahuru ma Piti Aposetolo : « E horoʻa mai te hoê utuafare tei patuhia i niʻa i te faaipoiporaa o te tane e te vahine i te faanahoraa maitai roaʻe no te faatupu-maite-raa i te opuaraa a te Atua …
« Eita e nehenehe ia tatou aore râ i te tahi atu taata ora e taui i teie faanahoraa hanahana no te faaipoiporaa ».2
Ua parau o Bonnie L. Oscarson, peresideni rahi no te Feia Apî Tamahine : « Ua faaipoipo anei e aore râ aita, ua rahi anei te tamarii e aore râ aita, e ti’a i te taatoaraa ia riro ei tino paruru i te opuaraa a te Fatu tei faataahia i roto i te poro’i no ni’a i te utuafare. Mai te peu e opuaraa na te Fatu, ei opuaraa atoa ïa na tatou e ti’a’i ! »3
Te parau faahou nei Elder Christofferson : « Ua ere te tahi o outou i te haamaitairaa no te faaipoiporaa no te mau tumu mai te ereraa te tane aore râ te vahine maitai no te faaipoipo atu, te faahinaaroraa te tane i te tane, te mau hapepa i te pae tino e te pae feruriraa, aore râ te mataʻu i te manuïa ore… Ua faaipoipo paha outou, ua hope râ taua faaipoiporaa… Te vai nei te tahi o outou tei faaipoipohia e tei ore i fanau …
Noa’tu â te reira… e nehenehe ta te mau taata atoa ia tauturu i te faatupuraa i te opuaraa a te Atua i roto i te mau uʻi tataʻitahi ».4
Te tahi atu mau irava papa’iraa mo’a
Genese 2:18–24; 1 Korinetia 11:11; Te Parau Haapiiraa e Te mau Parau Fafau 49:15–17
Aamu mau
Te haamana’o ra te taea’e Larry M. Gibson, tei riro ei tauturu matamua i roto i te Peresideniraa rahi o te Feia Apî Tamaroa, i parau na Shirley, ta’na vahine i teie nei :
« Ua here au ia oe no te mea e mea here a’e oe i te Fatu i ia’u » …
« Putapû roa to’u aau …
« … [E] mai reira ua hinaaro noa vau ia’na ia ite e, e mea here au i te Fatu na ni’a i te mau mea atoa ».5
Ua haapii Elder David A. Bednar no te Pupu no te Tino Ahuru ma Piti Aposetolo : « O te Fatu Iesu Mesia te tutonuraa tumu i roto i te auraa o te hoê fafauraa faaipoiporaa … [A feruri na] tei te poro ni’a te Faaora o te hoê poro toru, e tei te hoê poro te vahine e tei te tahi poro te tane. A hi’o na ra e aha te tupu i roto i te auraa o te hoê tane e te hoê vahine ia haere tata’itahi raua ma te tamau maite, ’ia haere mai i te Mesia’ e ia tutava ho’i ’ia maitai roa… ia’na’ (Moroni 10:32). Maoti e na roto ho’i i to tatou Taraehara te tane e te vahine e piri roa ai ».6
© 2016 na Intellectual Reserve, Inc. Faturaa paruruhia. Nene’ihia i te Mau Hau Amui no Marite. Parau faati’a no te reo peretane : 6/15. Parau faati’a no te iritiraa : 6/15. Iritiraa no te Visiting Teaching Message, February 2016. Tahitian 12862 895
A feruri i teie
Nahea vau i te haere iho ma te tamau maite « ia haere mai i te Mesia ra » ?