Etop eke Visiting Teaching, Ofiong Inang ke isua 2016

Ndito-iban eke Nsinsi Ete Nnyin

Tim bong akam kot nwed ndien yom usung ndifiok se ekpebuanade. Didie ke ndifiok Ufokemana, Etop emi enode Ererimbot anam mbuotidem nnyin ke Abasi okori onyung odiong mbon-owo emi mbufo esede-enyin eto ke visiting teaching? Ke oyomde ndifiok awak, ka ke reliefsociety.lds.org.

Mbuotidem, Ufok idung, Unwam

Nwed Abasi ekpeb nnyin ete ke nnyin idi ndito Abasi (Acts 17:29). Abasi okokot Emma Smith, nnwan-ndo eke Prophet Joseph Smith, ete, eyen-anwan mi (D&C 25:1). Etop eke ufokemana ekpeb nnyin ete ke nnyin kiet-kiet idi edima eyen-anwan … spirit eke mme ete ye eka eke enyong.”¹

Carole M. Stephens, akpa onoitem ke general presidency eke Relief Society okodoho ete, Ke uwem eke nnyin [iketode idi], ke nnyin ima ikpeb-nkpo ibanga nsinsi mbiet nnyin nte nnwan.

“Isang uwem nnyin ke isong emi ikekpuhoke mme akpaniko oro.”²

Elder Jeffrey R. Holland eke Eboho mme Apostle Duopeba okodoho ete ke, Ete mbufo ke Enyong odiongo enying mbufo onyung odiongo ndaha mbufo. Enye esikop akam mbufo. Enye odiongo udong ye ebenge mbufo, dian ye mme ndik ye ubiongo mbufo.”³

Sister Stephens “odoho ete ke, Nnyin kiet-kiet idu ke nko ke eyoyom nnyin ke ufokemana eke Abasi.” Ofuri mme ufokemana ke ererimbot edi nsio-nsio. Ndien kini nnyin inamde ofuri ukeme nnyin ndibop nti oruk ufokemana, ndiduk ke ufokemana eke Abasi ikongoke ke oruk-ndaha ndomo kiet—ndaha ndo, ndaha ete ye eka, ndaha okuk, ndaha uworo-etop, mme eke oruk ndaha eke nnyin isinde ke social media.⁴

Mme iko nwed Abasi efen

Jeremiah 1:5; Romans 8:16: Doctrine ye Covenants 76:23–24

Nte ewetde ke Mbuk Eset Nnyin

Ke mbuk eke Akpa Nkukut esie⁵ Prophet Joseph Smith okosongo mme ediwak akpaniko—ke esit edide ete ke Ete nnyin ke Enyong odiongo enying nnyin.

Ekpri Joseph ama odomo man odiongo ewe Ufok Abasi ndiduk onyung edibo ndausung ke Nwed James 1:5. Joseph ama ebiere ete ke imo iyebup Abasi.

Usenubok kiet kini editongo nsehe-ikong ke isua 1820, enye ama aka ke ikot-eto ndibong akam edi ke ndo-ndo oro odudu ekim ama omum enye. Kabanga emi enye ediwet ete,

“Ke ata ukem-ukem ini akwa ndik emi, ami mma nkut adaha unwana ke ata enyong ibuot mi, emi akande uyama eke utin, nte osuhore sung-sung tutu edifuk mi.

“Ke ndo-ndo oro ebiet nte ke ema ekpok mi esio ke ubok owo-usua emi okobopde mi. Ini emi unwana oro okodoride mi ke idem ami mma nkut Mbiet-owo mbiba, eke uyama ye ubong mmo akande ofuri se ekpeting, adade ke enyong-ibuot mi ke ofim. Kiet kotu mmo eting iko ye ami, okot mi ke enying onyung odoho ete, anyan-ubok owut kiet eken ete—Emi edi Edima Eyen Mi Ekpang utom eno Enye!” (Mbuk-uwem eke Joseph Smith 1:16-17).

© 2016 eketode Intellectual Reserve Inc. Ekpan kpukpru unen ndiming nwed emi. Ekeming ke USA. Enyime ediming ke Iko Mbakara 6/15. Enyime edikabare 6/15. Edikabare Etop eke Visiting Teaching Message, April 2016. Efik. 12864 553

Kere banga Emi

Didie ke ndidiongo ete ke afo edi eyenanwan eke Abasi okpuho ye mme ubiere mbufo?