Klumech er a Oldingel e Olischakl, Ongeua el Buil 2016
Redil Ngelekel a Diak a Ulebengelel Chedam
Mosuub er tial tekoi lokiu a nglunguuch e mosiik el mo medengelii a bo mobang lolisechakl. Ng mekera klmedengei er kau er sel “Telungalek: Chais el mora Beluulechad” a bo le oisisii a klaumera er kau er a Dios e bo lomekngeltengat er tirkel moldingel er tir lokiu odingel me a osisechakl? A lmuut el bebil er a omesodel, e bo er a reliefsociety.lds.org.
Klaumerang, Telungalek, Ngeso
A chedaol llechukl olisechakl er kid el kmo “kede ulechellel a Dios” (Rrellir 17:29). A Dios a millekoi el kirel a Emma Smith, el bechil a Profet Joseph Smith, el kmo “ngelekek el redil” (D&C 25:1). Sel chais er a telungalek osischeklid el kmo a dersta er kid a “mekreos el … ngalek el redil er a reng er a rechad er a blid er a babeluades.”1
“Chelsel sel [klengar ra uchellel], e kede silubii sel chedaol lolengcheled a redil,”ng millekoi a Carole M. Stephens, el kot el counselor er a cheldellel omerredel er a Relief Society.
“A klengar kid er tial beluulechad a dimlak el ngedechii tial klemerang.”2
“A Demam er a Babeluades a medengelii a ngklem e medengelii a teletael el mseluk er a chelsel,” ng millekoi a Elder Jeffrey R. Holland er a Chelechad er a Teruich me a Terung el Apostol. Ngii a remenges a nglunguchem. Ngii a medengei a urungulem me a soam, luldimukl a dektem me a sebekreng.”3
“Kid a uldimukl e usbechall er a chelsel sel telungalek er a Dios.” Ng millekoi a Sister Stephens. “A rokui el telungalek er a beluulechad a di kakerous. Meng uaisei el demeringel loureor lomekdubech a uldelid el telungalek, eng di a telungalek er kid er a Dios a diak lultuil er a ngii di el ngerang—a obechiil me a lak, moungalek me a lak, ududem, deruchellem er a buai, malechub aikel deruchall el domerk el loeak a chais el merael ra melidiul.”4
Bebil er a Chedaol llechukl
Ngara Reksi er Kid
Chelsel sel cheldechedechal er a Kot el Ues,5 e a Profet Joseph Smith a miich a betok el klemerang—luldimukl er ngii sel Demad er a Babeluades a medengei a ngkled…
A ngeasek el Joseph a mle meringel losiik er a klemera el ikelesia le bor ngii e mlo metik a ulekrael er a chelsel a Jakobus 1:5. A Joseph a tilbir el mo oker er a Dios.
A tal dirke tutau er sera 1820, eng mirael el mora chereomel el mo meluluuch eng di a klou el klisichel a iilkolk a mlei er ngii. Ng milluches el kmo:
“Chelsel tiakid el taem el blok rereuchel, e ak milsa llomes er bebul a bdeluk, el llomes lengelakl er a dichel a sils, el mekokil mei er bebuk.
“Misei er a lemei er ngak, e ak miltik er ngak el mla mengubet er a cherarou el ulereked er ngak. Ma lemermang er ngak a llomes e ak milsterir a reterung el chad, el llomes ma klebkall lobang a diak a ngii di el ngerang el smodii, e dilechor er a melaongel. A chimong er tir a milngedecheduch er ngak, el ulemekedong er a ngklek, e melutk er ngikal chimong—Ngika Betik er Renguk el Ngelekek el Sechal. Mrengesii!”Joseph Smith—History 1:16–17).
© 2016 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/15. Kengei er a oidel: 6/15. Oidel a Visiting Teaching Message, April 2016. Language. 12864 881
Ka Momdasu er Tiang
Sel modengei el kmo ke ngelekel a Dios el redil e ngera ng rullii er a ikel molilt el mo meruul?