Iren Mahsen en Padahk en Pas, Epreil 2016

Sapwellimen Samatail Sahm Soutuk Serepein kan

Onop ni kapakap dipwisou wet oh rapahki ken ese dahme ke anahne ehukihong mehteikan. Ia duwen wehwehkihla “Peneinei: Kalohk Ehu ong Sampah” eh pahn kalaudehla ahmw pwoson Koht oh kapaiada irail akan me ke kin pwukoahki ansoun padahk en pas? Ong pil ekei iren kepehse, tehk reliefsociety.lds.org.

Pwoson, Peneinei, Sawas

Pwuhk sarawi kan kasukuhliekin kitail me “kitail me wia Sapwellimen Koht seri” (Wiewia Kan 17:29). Koht masaniheng Emma Smith, ahn Soukohp Joseph Smith pwoud, kowe “nei serepein” (D&C 25:1). Kalohk en peneineio kin kasukuhliekin kitail me emen emen kitail “wia ngehn kempoake … nein sahm oh ihn en Nanleng serepein.”¹

Carole M. Stephens, soun sawas keieu nan presidensi lap en Pwihn en Sawas en Lih, koasoia, “Nan mour [mwohn met], kitail esehla duwen atail wia lih sarawi soutuk kei.”

“Atail seiloakodo sampah nan mour wet sohte wekidala mehlel ko.”²

Elder Jeffrey R. Holland en Pwihn en Wahnparon Ehk-riemeno koasoaia, “Samamwailo Nanleng mwahngih adamwail oh mwangih amwail wiewia kan.” E kin ketin karonge amwail kapakap akan. E mwangih amwail koapworopwor kan oh amwail ouraman kan, iangahki amwail lemw kan oh pwunod kan.”³

Sister Stephens koasoia, “Emen emen kitail wia towe oh mie anahnepe nan peneinei en Koht.” Peneinei kan sampah koaruhsie wekpeseng. Oh ni atail kin wia uwen atail kak koaros en wiahda peneinei kodoudoudo kehlail kan,wia tohn peneinei en Koht sohte duwehte soangen dake da—dakehn pwopwoud, dakehn pahpa/nohno, dakehn nainiki mwohni, dakehn aramas, de soahng me kitail kin kihda nan mehn kepehse kan.”⁴

Pwuhk Sarawi Kapatapat kan

Seremaia 1:5; Rom 8:16; Doctrine and Covenants 76:23–24

Sang ni Poadoapatail

Nan keieun ah kawehwe me pid duwen Keieun Kairoiro,⁵ Soukohp Joseph Smith kamehlelehieng—kitail soahng mehlel tohto me iangahki Sahm Nanleng ketin mwahngih ihs kitail.

Joseph ni eh pwulopwulo doahk laudki mehnia mwomwohdiso me e pahn iangala oh e ahpw diar kaweid nan Seims 1:5. Joseph eri kaimwsangkihla me e pahn peki rehn Koht.

Ehu ni menseng en nan 1820, e kohla nan tuhke ko pwe en kapakap ahpw rotorot mosul ehu eri mwadangete karotongehla. Pwehki met e ntingihdi:

Ni ansouon kepehm laud wet, I kilangada uhr en marain ehu mihte pohn moangeiet, pohnangin marain en ketipino, me kohdi lao e mihla pohi.

“Sohte pwand mwurin eh pwaradao I diarada me I saledeksangehr imwintihti me koliehdio. Ni ansou me maraino sereiedahro I kilangada Kahlap riemen, me sapwellimara marain oh lingan sohte me kak kawehwehda, ketin uh pohi nan wehwe. Emen ira mahsendohngie, lukwerihkinie edeio oh mahsanih, idilahng mehteio—Met iei Nei Pwutak Kempoakeo. Rong Ih!” (Joseph Smith—History 1:16–17).

© 2016 sang Intellectual Reserve, Inc. Kolokol pwuhng koaros. Ntingda nan USA. Kamanaman ong lokaiahn wai: 6/15. Kamanaman ong kawehwe: 6/15. Kawehwehpen Visiting Teaching Message, April 2016. Pohnpeian. 12864 885

Iren sawas akan

1. “Peneinei: Kalohk Ehu ong Sampah,” Liahona,Nohpempe 2010, 129.

2. Carole M. Stephens, “Peneinei Sapwellimen Koht,” Liahona, Mei 2015, 11.

3. Jeffrey R. Holland, “Ong Serepein Pwulopwul kan,” Liahona, Nohpempe. 2005, 28.

4. Carole M. Stephens, “Peneinei Sapwellimen Koht,” 11.

5. Tehk Oaralap kan en Rongamwahuo, “Audepen Keieun Kairoiro,” topics.lds.org.

Medewe Mwahu Met

Ia duwen ahmw ese me ke wia Sapwellimen Koht serepein eh kak wekidala ahmw pilipil?