Me Pwulopwul kan

Sahm Nanleng Ketin Mahseniengie sang ni ehu Padahk en Kapokon lap

Sang Anne Laleska Alves de Souza

Me ntingiadao kin koukouson nan Sergipe, Brazil.

I ahniki peikasal kei ong dahme I anahne onop oh esehla ni universityo. Pali laud en aramas kauwe duwen audepen kaskuhl me I men aleo, eri I kapakapkiheng Kauno pwe I en wehwehki ma E ketin sapwellimankihda ahi pilipilo.

Ahi pasapengo lelodo mandahsang rahno ni ansou me I wadewadek padahk en kapokon lap ehu nan Liahona. I kehn me Sahm Nanleng ketin mamahsanihongie me E sohte ketin kak pilohngie—met wia pilipil ieu me ngehi kelehpw pahn pein wiahda. I ese me sohte lipilip dahme I piladahr, I pahn doadoahk laud pwe I en kak pweida.

I ese me ahi kapakap pasapenglahr. Dahme Ngehn Sarawi ketin kaweidekiniehier seweseie wiahda ehu pilipil I eselahr me ma I wia uwen ahi kak koaros oh ese me Sahm Nanleng pahn ketin seweseie.