Bin Somm’on e Mulwol ko Presidency, April 2016
Prophecy nge Yi’iy
Yib rok President Henry B. Eyring
Bin Somm’on e Counselor ulane Bin Somm’on e Presidency
Fare Galasia rok Yesus Kristus nib riyul’ e kan fulweg ma bay u fayleng e daba’. Fare Galasia rok Yesus Kristus ni fan ko gidii’en Got ko Tin Tomur e Rran e gubin ngiyal’ ma bay fapi profet nge pi apostle riy ni ma yarmiy fare galasia, ni yad ma motoyil ko fapi wo’ ni ma yib u tharmiy.
Ra wo’en ney e k’arogon ni ba riyul’ ni ku’un rin’ ni kakrom. Kad filled u langin fare Bible: “Somoel ni th’abi toling e dariy ben’en nma rin’ nder ma dag ngak e pi profet, ni aram e pi tapigpig rok” (Amos 3:7).
Got e ke non biyay ko ngiyal’ rodad, u daken fare Profet Joseph Smith. Ke dag ngak fare Profet Joseph fare gospel rok Yesus Kristus ni ga’ngin yang. Ke fulweg fapi priesthood Rok nib thothup nib mu’un fare kiy nge mat’won, gelngin, nge yarman ko priesthood nib machmach.
U lane pi rran rodad, profet nge apostles rodad ni bay nib fas e kan pi’ mat’won rad ni ngar nonad, filed, ma kiyad powi’iy dad ko fare gelngin ni ke yib rok Got fare Chitamandad nge fare Somoel Yesus Kristus. Fare Tathapeg e ke yog ngak fare Profet, Nen’ ni ku gog ni gag fare Somoel, e ku gog, ma dagur tal’egneg; ya fare tharmiy nge fayleng e ra chuw, ma thin rog e dabi chuw, machane gubin ma ra buch, demtrug ko ra yib ko thin rog fa ra yib ko thin rok fapi ta pigpig rog, demtrug rogon ma ta’ab rogon (D&C 1:38).
U lane fare general conference ni l’agruw yay u lane duw, ma kan pi’ ngodad fare tawa’ath ni ngad motoyil gad ko fare thin rok Somoel ni be yib ko fare ta pigpig Rok. Biney e tawa’ath e dariy’ pulwon’ ni ngan thang. Machane ga’ngin fare fal’ngin ko binem e tawa’ath e be yan u rogon ni kad feked e tinem e thin ni ke yib ko fapi ta pigpig u dakan fare Kan ni Thothup (mu guy ko D&C 50:19–22). Ku woed ni ke thap ngorad fare wo’en u tharmiy, ere thingar da rin’ed ni woed rogon. Ma ta’ab rogon ngodad ni ngad gayed rogon ni ngad thamiyed fare thothup ni kar thamiyed.
“Mu rin’ e Murwel Rom”
Boech e duw kafram ma bay reb fare chongin fare Ulung ko fare Ragag nge L’agruw i Apostle e fith ngog ni ngu bi’eg fare talk rok ni be yoloey ni fan fare general conference. Ngiyal’ nem me kemus ni gag reb e chongin nib bitir ko fare ulung. Ba mich u wan’ ni rayog rog ni ngu ayuweg ko thin ni ra yog ni ke yib rok fare Somoel. Ke yog ngog nibe siminmin, “Oh, iraray e bin raliw’ nge l’agruw e babyor ko re numon ney.”
Me yib ngan’ug ba mulwol ni pii’ President Harold B. Lee (1899–1973) ngog ni ga’ar: “Hal, fa’an ra gaba adag ni nge yog ngom fare yi’iy, mu rin’ e murwel rom.”
Ku bi’eg, tafiney nag, mug meybil ni fan ko re raliw’ nge l’agruwi babyor nem. Mugu fil ni gelngin ni rayog rog u dakan fare gelngin ko fare Kan ni Thothup. Napa’an e ngiyal’ nem ni ke pi’ fare chongin e ulung e talk rok, ma Ku mu’ i fal’eg fare murwel rog. Danug nang ko yag ni ngu pii’ e ayuw fa danga’, machane Gumnang rog ni kug thil napa’an ni Kug rung’ag e ra talk nem. Mulwol e yib ngog nib gel gelngin ko fapi thin ni Ku bi’eg nge tin ni kug rung’ag ni ke yog. Fapi thin e ke ga’ fan ngog ko tin ni Kug bi’eg u lan fapi page. Ma fapi thin e woed ni kanog ni fan ngog, ma be ayuweg neg ko tin nib tu’uf rog.
Fare ta pigpig rok Got e ke balay nag e abich rok ma ke meybil ni ngayog ni nge thapeg fapi thin Rok ko pi cha’en nib tu’uf rorad e athamgil nge yi’iy. N’en ni kug fil ko binem ni ke buch, nge ku boech nib chuchugur ko biney, e ngan fek urngin gelngin ni rayog ni ngan motoyil ko fapi profet nge apostles nib fas, thingar da feked nga dakan dad e biney e pulwon ni nge yog ngodad fare thap ko yi’iy.
Fare Somoel e ba tu’uf rodad nge gubin ni rayog ni nge motoyil ko fapi thin Rok, ma manang gamircha’en dad nge magagawon rodad ni gubin. Ma nang ko mang e fel’ kanawo’en, mang e ma pii’ e athamgil ngodad, nge pi thin ko fare gospel e ra uyuwegdad ngad feked fare kanawo’ ko yafos ni manemus.
Gadad e picha’ ni kad motoyil gad ko fapi thin ko general conference e boechi ngiyal’ me gadad be leam, “Mang e kugum nang?” Fare Somoel e be athapag ni urngin fare fulweg ko duwer e: “Ri dabgu pagtalin fare ngiyal’ napa’an ni kug thamiy laman fare Kan ni Thothup ulane tafiney nge gamircha’eg ni be yog ngog ni ngu rin’ ni woed rogon ni ra adag fare Chitamangig u Tharmiy nge fare Tathapeg.”
Rayog ni ngad thapaged fare yi’iy napa’an ni gadad ra motoyil ko profet nge apostles nge ngiyal’ ni gadad be murwel u dakan e mich ni nge yog ngodad, woed rogon ni ke yog President Lee. Gum nang ni ba riy’ul’ e pin’ey ni ke buch u dakan fare pow ko fare Thothup.
© 2016 by Intellectual Reserve, Inc. Gubin mabay matwon. Kan yoloey u Mariken. Kan micheg nag ko thin nu Ngalis: 6/15. Micheg nag i pilyeg: 6/15. Pilyeg thin ko First Presidency Message, April 2016. Yapese. 12864 905
Rogon ni ngan Fil ko Biney e Mulwol
Tafiney nag marang’agen President Eyring nge salpan ni nge fil fare talk nifan e general conference ni fan reb fare chongin e ulung ko galasia. Bay ni gadad ra fith, “Mang pulwon fare thap ko yi’iy?” Tomran ni kam weliy e pi thin ney, rayog ni ngam pining e pi cha’en ni kam fek rad ngar tafiniyed rogon ni ngar fal’agned rogon rad ko bin migid e general conference “u tangin pa’ fare Kan ni Thothup ni ke yib rok fare ta pigpig rok [Got].”