Pratham Adhyakshta ka Sandesh, May 2016
Chunaao
Hum hamesha aasaan galat ke jagah par kathin sahi ko chune.
Bhaaiyo aur bahano, mai aaj apna aupchaarik sandesh dene se pehle, mai chaar naye mandiron ka aelaan karna chahata hoon, jo aane waale mahino aur saalo mein, in sthaano par banenge: Ohio, Ecuador; Harare, Zimbabwe; Belém, Brazil; aur ek dusra mandir Lima, Peru mein.
Jab mai 1963 mein Barah Devduton ke Parishad ka sadasye bana, pure Girjaghar mein 12 chaalu mandirein thi. Do hafte pehle Provo Shahar Mandir ke samarpan se, ab duniya bhar mein 150 chaalu mandirein hai. Hum kitne abhaari hai un ashirvaadon ke liye jo hum in pavitra gharo mein paate hai.
Ab, bhaaiyo aur bahano, meri aarzoo hai ki mai aaj subha aapse apne vichaar kehne ke is mauke par abhaar vyakt karun.
Mai haal hi mein chunawo ke baare mein soch raha tha. Aysa kaha jaata hai ki itihaas ka darwaaza chote hinges par ghumta hai, aur manushyo ke jiwan bhi. Hamare banaye huwe chunaawo se hamara taqdeer tay hota hai.
Jab humne apna maransheel jiwan se pehle ki stithi ko choda aur maransheel jiwan mein daakhil huwe, humne apne saath chunaao karne ka uphaar laaya.Hamara lakshye hai swargiye mahima paana, aur jo chunaao hum lete hai, bhaari taedaad mein, tay karta hai ki hum apna lakshye paenge ya nahin.
Aap mein se kayi log Lewis Carroll ke classic kahani Alice’s Adventures in Wonderland se parichit hai. Tumhe yaad hoga ki woh chaurahe par aati hai jismein uske saamne do maarg hai, har ek aage badhta hai par do alag dishaaon mein. Jabtak woh tay kar rahi hai use kaun se maarg par jaana hai, waha Cheshire Billi aati hai, jisse Alice puchti hai, “Mai kaun se maarg par jaaun?”
Billi kehti hai, “Yeh to tum kaha jaana chahati ho par nirbhar hai. Agar tum nahin jaante tumhe kaha jaana hai, koi fark nahin padhta tum kis maarg logi.”1
Na ki Alice ki tarah, hum jaante hai hamein kaha jaana hai, aur fark padta hai kis maarg par hum jaaye, kyunki jis maarg par hum jaaenge is jiwan mein woh hamein hamare agle jiwan ke manzil tak pahunchaaega.
Hum chunaao kare apne andar ek mahaan aur shaktishaali vishwaas paeda karne ka jo hamara sabse laabhdaayak bachaao hoga virodhi ke yojnaaon ke khilaaf—ek sachcha vishwaas, waisa vishwaas jo hamein sambhalega aur sahi chunne ki hamare ichcha ki raksha karega. Is tarah ke vishwaas ke bina, hum kahi nahin jaa paaenge. Iske saath, hum apne lakshye ko paaenge.
Bhale hi yeh zaroori hai ki hum budhimaani se chunaao kare, kuch samay ayse hote hai jab hum murakh chunaao banaenge. Pashchataap ka uphaar, jo Uddhaarkarta ne hamare liye diya tha, hamein mauka deta hai ki us maarg par laot sakein jo hamein celestial mahima tak le jaaega jise hum talaashte hai.
Hum saahasi rahe logpriye vichaaro ko paalan na karke. Hum hamesha aasaan galat ke jagah par kathin sahi ko chune.
Jab hum apne jiwan ke har din ke chunawo ke baare mein sochte hai—kya hum yeh chunaao kare ya woh chunaao—agar hum Maseeh ko chunenge, humne to sahi chunaao kar liya hoga.
Ki aysa hamesha ho, hai mere tehdil ka aur vinamra prarthna Ishu Maseeh ke naam se, hamare Prabhu aur Uddhaarkarta, amen.
© 2016 dwara Intellectual Reserve, Inc. Pure adhikaar surakshit. USA mein chaapa gaya. Angrezi swikriti: 6/15. Anuwaad swikriti: 6/15. First Presidency Message, May 2016. Hindi, Fijian. 12865 298 ka anuwaad