Visiting Tijing Mesej, Jun 2016
Ol Tabu Wok blong Tempol mo Ol Kavenan
Stadi long toktok ia wetem prea mo luklukgud blong save wanem blong serem. ?Olsem wanem nao taem yu andastanem “Famle Ofisol Toktok i Go long Wol” i leftemap fet blong yu long God mo blesem olgeta we yu stap lukaotem olgeta tru long visiting tijing? Blong kasem moa infomesen, go long reliefsociety.lds.org.
Fet, Famli, Help
Evri odinens we yumi nidim long plan blong fasin blong sevem man mo fasin blong kam olsem wan god i kam wetem ol kavenan we yumi mekem wetem God. Linda K, Beton, Rilif Sosaeti jenerol presiden i talem se “Blong mekem mo kipim ol kavenan i minim blong jusum blong fasem yumiwan wetem Papa long Heven mo Jisas Kraes”1
Elda Nil L. Andesen blong Kworom blong Olgeta Twelef Aposol i talem se, “Lod i talem se, ‘Tru long ol odinens…paoa olsem hemia blong wan god i hapen.’
“I gat ol spesel blesing we oli kam long God we i blong evriwan we i klin inaf we i baptaes, kasem Tabu Spirit, mo i tekem sakramen oltaem.”2
“Taem ol man mo ol woman oli go long tempol,” Elda M Rasel Balad blong Kworom blong Olgeta Twelf Aposol i talem, “tufala tugeta oli endao wetem semmak paoa, we hem i prishud paoa. …
“…Evri man mo woman oli save yusumpaoa ia blong helpem laef blong olgeta. Evriwan we i bin mekem ol tabu kavenan wetem Lod mo oli givim ona long ol kavenan ia, oli save kasem revelesen blong olgetawan, oli save kasem blesing tru long seves blong ol enjel, mo oli save toktok wetem God, oli save kasem fulwan blong gospel, mo long en, oli save kam blong save kasem, wetem Jisas Kraes, evri samting we Papa blong yumi i gat.”3
Sam Moa Skripja
Ol Stori we Oli Tru
Long 2007, fo dei afta we graon i seksek long Peru, Elda Makas B. Nash blong Olgeta Seventi i mit wetem branj presiden Wenselao Kond mo waef blong hem, Pamela. “Elda Nash i askem Sista Kond se ol pikinini blong hem oli olsem wanem. Wetem wan smael, hem i ansa se tru long gudfala fasin blong God, olgeta i bin sef mo stap gud. Hem i askem abaot hom blong olgeta.
“Hem i nomo gat,” hem i talem nomo olsem.
“…’Be yet,’ Elda Nash hemi talem, ‘yu stap smael taem yumitu stap toktok.’
“Yes,” hem i talem, ‘Mi bin prea, mo naoia mi stap long pis. Mifala i gat evri samting we mifala i nidim. Mifala i gat wanwan long mifala, mifala i gat ol pikinini blong mifala, mifala i bin sil long tempol, mifala i gat wan naesfala Jos, mo mifala i gat Lod. Mifala i save bildimap haos bageken wetem help blong Lod’ …
“Wanem nao i stap insaed long fasin blong mekem mo kipim ol kavenen wetem God we i givim yumi paoa blong smael tru long ol hadtaem, blong jenisim hadtaem i kam wan taem blong glad…?”
“Stampa hem i God Wei we yumi save yusum paoa ia hem i tru long ol kavenan we yumi mekem wetem Hem.”4
© 2016 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/15. Oli letem translesen: 6/15. Translesen blong Visiting Teaching Message, June 2016. Bislama. 12866 852
Tingting long Hemia
?Olsem wanem nao ol tempol odinens mo ol kavenan i save mekem yumi stap strong mo givim paoa long yumi?