2016
Akwuck ac Olwelah ke Tempuhl
June 2016

Pweng ke Forfor Luti, Jun 2016

Akwuck ac Olwelah ke Tempuhl an

Pruhe in lutlutkihn kuhfa inge ac suk in etuh ma in akacsruhi kac. In etwaclah ke “Sucu: Sie Mwe Fahkwack nuh fin Facluh” e ahkyohkye fuhkah luhlahlfongi ke God ac ahkinsewowoye fuhkah mwet suc kuht liyacacng ke forfor luti yohroh uh? Nuh ke kuhtuh pac ma in etuh, som nuh ke reliefsociety.lds.org.

Luhlahlfongi, Sucu, Kahsruh

Petsac
Akucl luhn Rilif Sosaiti

Akwuck nuh kwewa ma enenweyuck nuh ke molwelah ac moul ma pahtpaht ac wi na olwelah sin God uh. “Oraclah ac liyacacng olwelah kalmac pa in sulaclah in sifacna eiskuhtyang nuh sin Pahpah Lucng ac Jisus Kraist,” Linda K. Burton, prestuhn luhlahp luhn Rilif Sosaiti.1

Elder Neil L. Andersen ke U luhn mwet Sap Singucul Luo el fahk, “Leum El fahk, ‘Ke akwuck uh … kuh luhn wolacna ac sikyak.’

“Oasr mwe insewowo sin God nuh sin mwet suwohswohs nuh kwewa suc ma pacptaislac, ipeis ke Nguhn Muhtahl, ac ipeis kuhfa luhn Leum.”2

“Ke mukul ac muhtwacn uh som nuh in tempuhl uh,” Elder M. Russell Ballard ke U luhm Mwet Sap Singucul Luo el fahk, “elos kwewa eis mwe sang muhtahl ke kuh sac pacna, suc pa kuh luhn pristut …

“… Mukul ac muhtwacn nuh kwewa kuh in eis kuh se inge in kahsruh ke moul lalos sifacna. Elos kwewa ma olwelah nuh sin Leum ac suc liyacacng olwelah ingacn fah kuh in eis ma lukmac la sifacna, in fah ahkinsewowoyeyuck ke lutiyuck luhn lihpufacn uh, in sramsram yurin God, in ipeis ke fohnlah luhn wosasuc, ac, yohk liki nuh kwewa, in fah mwet usrui wi Jisus Kraist ke ma nuh kwewa luhn Pahpah tuhmasr.”3

Ma Suhmuhslah Ituckyang Sahyac

1 Nephi 14:14; Doctrine and Covenants 25:13; 97:8; 109:22

Sramsram Moul

Ke 2007, lwen ahkosr tukun kusrusr luhlahp se fin acn Peru, Elder Marcus B. Nash ke Mwet Itngucul el ohsun sin pracns prestuhn Wenceslao Conde ac muhtwacn kiyacl uh, Pamela. “Elder Nash el siyuck sel Tahmtahel Conde lah fuhkah tuhlihk srihsrihk nahtuhl ah. Ke isrwacsr srihsrihk lal, el topuk ke wolacna luhn God lah elos kwewa sef ac kuh. El siyuck lah fuhkah lohm sel Conde ma ah.

“‘Wacngihnlac,’ el fahk.

“… ‘Ac srack,’ Elder Nash el fahk, ‘kom isrwacsr srihsrihk ke kuht sramsram ah.’

“‘Ahok,’ el fahk, ‘Nga pruhe tari ac nga oasr in mihslac. Oasr ma nuh kwewa kuht enenuh uh. Kuht karihngihn sie sin sie, oasr tuhlihk nahtuhsr, kuht siliyucki lun tempuhl, Alu se inge ma lasr, ac Leum El ma lasr. Kuht kuh in sifil muhsaheack ke kahsruh luhn Leum.’ …

“Meac se ke oraclah ac liyacacng olwelah nuh sin God uh ma use kuh nuh sesr in engan ke pacl upac, in ekuhllah ma upac nuh ke kuhtanglah … ?”

“Ma sin God me. Innek lasr nuh ke kuh sacn pa ke olwelah lasr nuh Sel uh.”4

© 2016 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/15. Ahkkweyeyucklac ke lweng: 6/15. Lwenglah luhn Visiting Teaching Message, June 2016. Kosraean. 12866 868

Mwe kahsruh

  1. Linda K. Burton, “Kuh, Engan, ac Luhngse ke Liyacacng Olwelah uh,” Liahona, Nohfuhmpuh 2013, 111.

  2. Neil L. Andersen, “Power in the Priesthood,” Liahona, Nohfuhmpuh 2013, 92.

  3. M. Russell Ballard, “Men and Women in the Work of the Lord,” Liahona, Eprel 2014, 48–49.

  4. Liye D. Todd Christofferson, “The Power of Covenants,” Liahona, Mei 2009, 19, 20–21.

Nuhnkuh Ma Inge

Akwuck ac olwelah ke tempuhl uh e ahkkweye ac ahkfokokoye kuht fuhkah?

Print