Naan in Katak an Kōrā, Juun 2016
Kain̄i ko im Bujen ko an Tampeļ
Kanooj jar ilo am̧ ekkatak kōn katak in im pukōt n̄an jeļā ta eo kwonaaj kwaļo̧k. Ewi wāween naaj meļeļe “Juon Naan in Kean̄ n̄an Laļ in” kōļapļo̧k tōmak eo am̧ ilo Anij im kōjeraam̧m̧an ro kwoj mije ilo am̧ loļo̧k im katakin er? N̄an meļeļe ko reļļapļo̧k, etal n̄an reliefsociety.lds.org
Tōmak, Baam̧le, Deeor
Aolep kain̄i ko remenin aikuj n̄an lo̧mo̧o̧r im mour ijo eutiej tata rej ekkeijel kōn bujen ko ippān Anij. “Kōm̧m̧ani im kōjparok bujen ko ej meļele in kālet n̄an wūjlepļo̧k kōj make n̄an Jemedwōj ilo Lan̄ im Jisōs Kraist,” Linda K. Burton ekar ba, būreejtōn eo eutiej an Doulul eo an Kōrā ro.1
Elder Neil L. Andersen jān Doulul eo an Jon̄oulruo Rijilōk ro ekar ba, “Irooj ekar ba, ‘Ilo kain̄i ko … kajoor in āinwōt anij ej waļo̧k.’
“Ewōr kōjeram̧m̧an ko rejeno̧lo̧k jān Anij n̄an aolep armej ro rerreo me emōj aer peptaij, bōk menin letok an Jetōb Kwojarjar, im iien otemjeļo̧k bōk kwojkwoj eo.”2
“N̄e em̧m̧aan ro im kōrā ro rej etal n̄an tampeļ,” Elder M. Russell Ballard ekar ba jān Doulul eo an Jon̄oulruo Rijilōk ro, “er rej jim̧or bōk menin letok kwojarjar eo kōn ejja kajoor eo wōt, eo ej kajoor in priesthood eo …
“… Aolep em̧m̧aan im kōrā ro ewōr aer maron̄ n̄an kajoor in n̄an jipan̄ ilo mour ko aer make. Aolep ro raar kōm̧m̧an bujen ko rekwojarjar ippān Irooj im ro rej kautiej bujen ko rekkar n̄an bōk m̧adenļo̧k ko an juon make, n̄an maron̄ kōjeram̧m̧an jen enjeļ ro rej kwaļo̧k, n̄an kōnono ippān Anij, n̄an bōk tarlep in gospel eo, im, eļap tata, n̄an erom rijolet ro ippān ļo̧k Jisōs Kraist aolep men ko ewōr ippān Jemen.”3
Bar Jet Eoon Ko
Bwebwenato ko rem̧ool raan kein emōj Jeiki
Ilo 2007, emān iiō ālkin an kar waļo̧k juon m̧akūtkūt in laļ ilo Peru, Elder Marcus B. Nash jān Jiljilimjuonn̄oul eo ekar ioon branch būreejtōn eo Wenceslao Conde im kōrā eo pāleen, Pamela. “Elder Nash ekar kajjitōk ippān Sister Conde ejet an ajri ro nejin reddik pād. Kōn juon ettōn̄ dikdik, ekar uwaak bwe jān em̧m̧an eo an Anij er aolep rekar maron̄ lo̧mo̧o̧r im em̧m̧an aer pād. Ekar kajjitōk kōn m̧weo imōn Conde.
“‘Erub,’ liin ekar ba.
“… ‘Im kiiō,’ Elder Nash ekar jeje, ‘kwoj ettōn̄ ilo ad kōnono.’
“’Aaet,’ liin ekar ba, ‘Ikar jar im ij aenōm̧m̧an. Epād ippād aolepān men eo jeaikuji. Kōm̧ aolep im pād, epād ippām̧ ajri ro nejim̧, emōj am liāp ilo tampeļ eo, epād ippām̧ Kabun̄ in ekabwilōn̄lōn̄, im epād ippām̧ Irooj. Jemaron̄ bar ekkal kōn jipan̄ eo an Irooj.’ …
“Ta eo kōn ad kōm̧m̧an im kōjparok bujen ko ippān Anij me ej letok n̄an kōj kajoor eo n̄an ettōn̄ ilo iien ko reppen, n̄an ukōt iien en̄taan ko n̄an anjo̧ … ?”
“Jipan̄ eo ej Anij. Ad bōk kajoor in ej jān bujen ko ad Ippān.”4
© 2016 Intellectual Reserve, Inc. Aolep jim̧we ko rej pād ippān. Jeje ilo USA. Kōmālim ilo kajin English: 6/15. Kōmālim an ukook: 6/15. Ukook eo an Visiting Teaching Message, June 2016. Marshallese. 12866 874
Ļōmņak kōn Menin
Ewi wāween an kain̄i ko an tampeļ im bujen kōkajoorļo̧k im kōmaron̄ kōj?