Visiting Tijing Mesej, Ogis 2016
Stap Lukaotem ol Famli Tugeta
Stadi long toktok ia wetem prea mo luklukgud blong save wanem blong serem. ?Olsem wanem nao taem yu andastanem “Famle Ofisol Toktok i Go long Wol” i leftemap fet blong yu long God mo blesem olgeta we yu stap lukaotem olgeta tru long visiting tijing? Blong kasem moa infomesen, go long reliefsociety.lds.org.
Fet, Famle, Help
Wan “hasben mo waef , tufala i gat wan strong mo tabu wok lavem mo lukaotem gud wanwan long tufala mo ol pikinini blong tufala.”1 “Hom hem i ples blong God blong mekem ekperimen long lav mo seves,” Presiden Rasel M. Nelsen, Presiden blong Kworom blong Olgeta Twelef Aposol i talem.
“Papa blong yumi long Heven i wantem ol hasben mo waef blong stap fetful long tufala mo blong respektem mo tritim ol pikinini blong tufala olsem wan raet blong olgeta we i kam long Lod
Insaed long Buk blong Momon, Jekob i bin talem se lav we ol hasben oli gat long ol waef blong olgeta mo lav we ol waef oli gat long ol hasben blong olgeta, mo lav we tufala i gat long ol pikinini blong tufala hem i wan long ol risen we long wan taem ol man blong Laman oli bin stap stret mo gud bitim ol man blong Nifae (luk long Jekob 3:7).
Wan long ol gudfala wei blong invaetem lav mo pis long ol hom blong yumi hem i taem yumi stap toktok kaen long ol famli memba blong yumi. Tabu Spirit i save kam taem yumi stap toktok kaen. Sista Linda K. Beton Rilif Sosaeti jeneral presiden, i bin askem long yumi blong tingbaot: “?Hamas taem nao yumi stap minim blong ‘toktok kaen long wanwan long yumi’?”3
Sam Moa Skripja
Ol Stori we Oli Tru
Elda D.Todd Kristofasen blong Kworom blong Olgeta Twelef Aposol i serem wan ekperiens blong hem taem hem i pikinini we i bin tijim hem wan lesen abaot impotens blong wan famli we i gat lav. Taem hem wetem ol brata blong hem oli smol, oli bin katem mama blong olgeta from kansa mekem se hem i stap harem i so tumas taem hem i stap yusum raet han blong hem. Wetem wan famli we i fulap long ol boe, i gat plante klos blong aenem, be taem mama blong hem i stap aean, bambae hem i mas stop mo go insaed long rum mo krae kasem taem we so ia i go daon.
Taem papa blong Elda Kristofasen i luksave wanem i stap hapen, hem i kipim i wan sikret blong no stap kakae long lanj blong kolosap wan yia blong save seven inaf mane blong pem wan masin we i save mekem i isi moa blong aenem klos. From lav we hem i gat long waef blong hem, hem i soemaot wan eksampol long ol boe blong hem blong stap kea gud long ol famli. From kaen fasin ia, Elda Kristofasen i talem se, “Mi o bin save long sakrifaes blong papa blong mi mo lav we hem i soemaot long taem ia long mama blong mi, be naoia we mi save, miwan mi wantem talem se, ‘Hemia nao wan man.’”4
© 2016 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/16 Oli letem translesen: 6/16 Translesen blong Visiting Teaching Message, August 2016. Bislama. 852
Tingting long Hemia
?Hao nao lav mo kea from wanwan long yumi i save invaetem Spirit i kam insaed long ol hom blong yumi?