2016
Peneinei wia Kosondien Koht
October 2016

Iren Mahsen en Padahk en Pas, Oaktohpe 2016

“Peneinei wia Koasoandien Koht”

Onop ni kapakap dipwisou wet oh rapahki kaweid en esehla dahme ke pahn ehukihiheng mehteikan. Ia duwen wehwehkihla “Peneinei: Kalohk Ehu ong Sampah” eh pahn kalaudehla amwail pwoson Koht oh kapaiada irail akan me kumwail kin pwukoahki ansoun padahk en pas? Ong pil ekei iren kapehse, tehk relief society.lds.org.

Pwoson, Peneinei, Sawas

Carole M. Stephens, Soun Sawas Keieunan Presidency Lap en Relief Society koasoaia, “Nan mahsen kan en [koul en Primary], ‘The Family Is of God,’ … kataman en padahk mwakelekel kin kohieng kitail. Kitail sohte kin sukuhlkihte me peneieni iei sapwellimen Koht ahpw me emen emen kitail pil wia kisehn Sapwellime peneinei. …

“… Sapwellimen Sahmo kosondi ong Sapwellime seri kan wia kosondien limpoak. E wia kosondi en kaminiminihpene Sapwellime seri kan—Sapwellime peneinei—Reh.”1

Elder L. Tom Perry (1922)–2015) en Pwihn en Wahnparon Ehk-riemeno koasoaia: “Kitail pil kamehlele me peneinei kehlail kan sohte wiahte pwihn kesempwal ong wei kehlail, kekeirdahn wei, oh ehu wiepen mour kehlail en kosondi mehlel kan—ahpw me re pil wia pwihn kesempwal ong mour poatoapoat oh wehi oh kopworment en Koht.

“Kitail kamehlele me pwihn oh kopworment en nanleng pahn kokouda rehn peneinei kan oh keinek kan.”2

Bonnie L. Oscarson, Presiden Lap en Peinakapw kan koasoaia: “Emen emen, menda ma pwopwoud de kiripw de naineki tohtohn seri, kak wia soun poadoandoar en Sapwellimen Kauno kosondi me sansal nan kalohk en peneineio, Ma iei e wia Sapwellimen Kauno kosondi, e uhdahn pil pahn wia atail kosondi!”3

Iren Pwuhk Sarawi Kapatapat kan

Tehk Doctrine and Covenants 2:1–3; 132:19

Padahk en Peneinei

Sister Julie B. Beck, Presden Lap en Pwihn en Sawas en Lih en mwoweo, padahngki me sukuhl en mwomwohdiso me pid peneinei poahsoankihda Kepikipiko, Pwupwilao, oh Tomwen Sises Kraiso.

“Kepikikpikdahn sampaho kasalehda wasa ieu me peneinei kan kak kousoanie. Koht ketin kapikada emen ohl oh emen lih me wia pali kesempwal riau en ehu peneinei. E wia kisehn Sapwellimen Sahm Nanleng kosondi me Adam oh Eve pahn katengtengpene oh wiahda ehu peneinei soutuk.

“… Pwupwilao kiheng ira kak en nainiki pwutak oh serepein.

“[Sapwellimen Krais] Tomwo kin mweidehng peneinei en katengtengpene kohkohlahte. E kin kiheng peneinei kan en ahniki keirda soutuk oh unsekla. Kosondien popohlo, pil adaniki kosondi en komour, wia ehu kosondi me wiawihda ong peneinei kan. …

“… Meteht iei Sapwellimen Christ padahko. … Ma sohte peneinei, sohte kosondi; sohte kahrepen mour wet.”4

© 2016 by Intellectual Reserve, Inc. All rights reserved. Ntingdahr nan USA. Kamanaman ong lokaiahn wai: 6/16. Kamanaman ong kawehwe: 6/16. Kawehwehpen Visiting Teaching Message, October 2016. Pohnpeian. 12870 885

Iren sawas akan

  1. Carole M. Stephens, “Peneinei Sapwellimen Koht,” Liahona,Mei 2015, 11, 13.

  2. L. Tom Perry, “Why Marriage and Family Matter—Everywhere in the World,” Liahona, Mei 2015, 41.

  3. Bonnie L. Oscarson, “Defenders of the Family Proclamation,” Liahona, Mei 2015, 15.

  4. Julie B. Beck, “Teaching the Doctrine of the Family,” Liahona, Mahs. 2011, 32, 34.

Medewe Met

Dahme kahrehda peneinei wiahki mehkot me keieu kesempwal ansouet oh kohkohlahte?