Shikshan Sandesh Bhent, November 2016
Khushiyaali tak ka Sampurn Maarg
Pradhaan Thomas S. Monson Dwara
Mai us mahaan uphaar ki gawahi deta hoon jo hai hamare Pita ka yojna hamare liye. Yeh ek sampurn maarg hai shaanti aur khushiyaali paane ka.
Mere priye bhaaiyo aur bahano, yahan Sammelan Kendra aur duniya bhar mein bhi, mai kitna abhaari hoon aaj subha apne vichaar aapke saath baatne ke mauke ke liye.
52 saal pehle, July 1964 mein, mujhe New York Shahar mein ek kaarye diya gaya tha jis samay par World’s (Mela)Fair wahan ho raha tha. Jald ek subha ko mai Mormon Pavilion ghumne gaya jo mela par tha. Mai ek Girjaghar ka film Man’s Search for Happiness dikhane se kuch pehle aaya tha, jis mein uddhaar ke yojna samjhata hai jo ab Girjaghar ka ek classic ban gaya hai. Mai ek jawaan purush ke bagal mein baetha tha jo lagbhag 35 saal ka tha. Hum thoda-moda baat kar lete the. Woh Girja ka ek sadasye nahin tha. Phir raushni kam hui, aur show shuru hua.
Hum narrator ke aawaaz ko sunn rahe the jab usne woh zaroori aur saarvajanik sawaal ko pucha: Mai kahan se aaya hoon? Mai yahan kyun hoon? Mai kahan jaaunga jab yeh jiwan chodunga? Sabhi kaan jawaab sunne ka intazaar kar rahe the, aur sabhi aankhein dikhaae jaane waale chitra par gadi thi. Hamare maransheel jiwan se pehle ka jiwan ka huliya bataya jaa raha tha, tatha dharti par hamara lakshye. Humne dekha kaise ek budha naana is jiwan ko chodta hai aur kaise woh aatmik(spirit) duniya mein unse pehle ke priyejanon se khushi se milta hai.
Swarg ke Pita ke yojna jo hamare liye hai ke is sundar dikhawa ke ant mein, log shaant se baahar gaye, kayi is film ke sandesh se prabhawit the. Mere bagal mein baetha jawaan darshak nahin utha. Maine pucha kya use yeh pradarshan pasand tha. Uska jawaab tha: “Yeh sach hai!”
Hamare Pita ka yojna hamare khushiyaali aur uddhaar ke liye duniyabhar ke hamare prachaarakon dwara baata gaya hai. Jo sab is divye sandesh ko sunte hai nahin swikaarta aur amal karte. Haalaanki, sab jagah ke purush aur mahila, mere jawaan dost ki tarah us New York ke Worlds Fair mein, sachchaiyon ko pehchaante hai, aur woh us maarg par nikalte hai jisse woh surakshit ghar pahunch sakte hai. Unke jiwan hamesha ke liye badal jaate hai.
Hamare Uddhaarkarta, Ishu Maseeh is yojna ke liye zaroori hai. Unke praeshchit waale balidaan ke bina, sab kho jaata. Yeh paryaapt nahin, ki, hum sirf Unmein aur Unke mission par vishwaas karein. Hamein mehnat karna aur seekhna hai, dhoondhna aur prarthna karna, pashchataap aur sudhaar laana hai. Hamein Parmeshwar ke kaanoon ko jaanna aur unpar amal karna hai. Hamein Unke bachaane waale dharamvidhiyon ki zaroorat hai. Sirf aysa karne se hum sachcha, anant khushiyaali paa sakte hai.
Hamein ashish praapt hai ki hamare paas sachchaai hai. Hamara kartavvye hai sachchaai batana. Aao hum sachchaai ko jeeye, ki hamein woh mile jo Pita ne hamare liye rakha hai. Woh kuch bhi bina hamare suvidha ke nahin karta. Usne hamein batlaya hai, “Yeh mera kaarye aur mahima hai—ki manushye ko amaransheelta aur anant jiwan mile.”1
Mere hriday ke gehraai se aur pure vinamrata ke saath, mai gawahi deta hoon us mahaan uphaar ki jo hamare Pita ka hamare liye yojna hai. Yeh shaanti aur khushiyaali tak ka ek sampurn maarg hai donon yahan aur aane waali duniya mein.
Mere priye bhaaiyo aur bahano, mai apna pyaar aur ashirvaad ant mein aapke saath chodta hoon, aur mai aysa hamare Uddhaarkarta aur Muktidaata, jo ki Ishu Maseeh hai ke naam se kehta hoon, amen.
© 2016 dwara Intellectual Reserve, Inc. Pure adhikaar surakshit. USA mein chaapa gaya. Angrezi swikriti: 6/16. Anuwaad swikriti: 6/16. Visiting Teaching Message, November 2016. Hindi, Fijian. 12871 298 ka anuwaad.