Me Pwulopwul kan

Ehu Sirei Kak Wekidala

President Uchtdorf kasalehiong kitail soahng riau me kitail anahne nan atail wiewia kan: poakohng Koht oh poakohng aramas koaros. Ahpw ekei pak e sohte mengei ken poakohng mehteikan. Nan ahmw mour unsek, mie ansou me ke diarada me e apwal wewehiong mehteikan—ele mie emen me kamedekeiukala de e apwalohnguhk ken wewehieng de patehng. Nan soangen ansou pwukat, nantiheng tamataman limpoak me ke alehsang rehn kempoakepahmw kan, peneinei, Sahm Nanleng, oh Sises Krais. Tamanda peren me ke kehn nan soangen ansou pwuko oh song medewe ma koaros iang ahniki ansou mwahu en pehm soangen limpoak wet. Tamataman me aramas koaros wie nannantiheng irail en warohng wia Sapwelimen Koht serepein de pwutak oh ahmw limpoak.

Tamanda emen aramas nan ahmw mour me apwalehnguhk ken wewehieng. Kihong irail nan ahmw kapakap akan oh peki rehn Koht en ketin ritingada ahmw mohngiong ong irail. Ke pahn mwadangete kilang ia mwomwen Eh kin doadoahk: ansou me Sapwellime seri kan kin anahne limpoak.

Mwurin omw kapakapehr, wia mehkot mwahu ong irail! Mwein luke irail ong ehu kemwekid en Mutual de iang kempoakepahmw kan mwemweit. Nda me ke kak sawasiki ehu doadoahk en sukuhl ni ihmw. De ndahte “kaselel” oh sireilahng irail. Mehkot tikitik kak wiahda wekdekla laud … nan amwa mour !