Poraus seni ewe Aewin Presetensi, February 2017
“Ussun Ai Tongek”
Seni Preseten Thomas S. Monson
Ekkoch ier ra no emon chiechiei itan Louis a atoura ngeniei ew porous usun inan ewe mi pwetete ne porous. Nupwen an ewe a mano, ese wor och tufich ren moni a nikitatiw ngeni noun kewe at me nengin nge ew mwirimwirin ren wou non awewe, non an fangafangoch, non anneasochis.
Mwirin ewe kapasen kinisou a tour me ewe amumun fansoun feinno ngeni ewe nenien peias a fis, faminien ewe mi mano ra nenengeni met pisekin ewe inenap a nikitatiw. Nein pisekin kewe, Louis a kuna echo taropwe me efoch ki. Ewe taropwe a awewetiw tetenin: “Non ewe pokukun ew rum, non ewe sikin me fan ai we nenien pisek, mi wor ew kukkun pwor. A masoweni ewe auchean pisek me non ngasangasei. Ei ki epwe suki.”
Meinisin ra ekieki ika epwe met ewe mi auchea iner ewe a isoni mi nokono me wor kian.
Ewe pwor a mokut seni nenien isoisan ewe me a suk ren ewe ki. Nupwen Louis me ekkewe ekkoch ra nenengeni masowen ewe pwor, ra kuna sasingin emon me emon ekkewe semirit, fiti iten ekkewe semirit me ranin ar uputiw. Louis a weitau echo valentine pusin forun mesen pau. Non foforun ese kon kan pwan nikinikoch, forien chok emon semirit, ewe minne a esinna pwe pusin forian, a anneani ekewe kapas a makkei 60 ier me mwan: “Achengicheng Inei, Ua tongek.”
Netip ra fokkun memef, pweteten mongungu, me mas ra chochon ren surun mas. An ewe inenap auchean pisek an ewe famini ese much. An pochokun a nonnom won ewe foun nongonongun “Ua tongek.”
Non ei fansoun ikenai, ese wor ian ena foun nongonongun tong a namot epwe nonom ian me nukun non imwach kewe. Me ese pwan wor ew neni ewe fonufan epwe kuna ew murinon nenien apirun ena nongonong me nukun non imwen ekkewe Souneng non Fansoun Soponon ekkewe ra fori tong pwe ewe aucheanapen non manauen ar kewe famini.
Ngeni kich ekewe sia fangeta pwe sipwe noun ewe Chon Amanau Jises Kraist chon kuno, a ngenikich ei aurour:
Ew minefon annuk ua fen ngenikemi, Pwe oupwe tong fengen nefinemi; ussun ua tongekemi.
“Ika oupwe tong fengen nefinemi, iwe, aramas meinisin repwe sinei pwe ami nei chon kaeo” (John 13:35).1
Ika sipwe aponueta ewe annuk ach sipwe tong fengen, sipwe awora fengen nefinach angangen tong me asufonoch, pwarano ach angangen tong non ran me ran. Tong a awora ew umoumochun kapas, ew nikitu ne ponueni, ew mokutukut esap fan itach nge fan iten ekoch, ew sening mi weweoch, ew netipe tong. Non meinisin ach foffor, ekkei mettoch me pwan napanap usun ekkei repwe anisi kich ne pwarata ewe tong minne a nom netipach.
Preseten Gordon B. Hinckley (1910–2008) observed: “Tong … ewe ainepochun koon a nom nesopun ewe resim. Nge a nap seni nesoponon ewe resim. Tong a pwan nom nepoputan, me seni ena tong a awora ewe ningeochun ena napanap mi aporopor fan nang non ew ran mi akasapwan. Tong ina ewe tumun minne semirit ra kechiweiti, ewe mochenin ekkewe sarafo, ewe appach a appacha fengeni pupunu, me ewe mettoch a epeti osukosuken non ewe imw; iei ewe kinamwein chinapen ier, ewe tinen akkaren aneanen epwe tineiti mano. Ifa me feiochun ekkewe ra aani pwapwan non ar kewe emwicheich ngeni famini, chiechier, mwichefen me chon arur.”2
Tong ina ewe urenapen ewe kapas annim, ewe auchenapen mettoch an aramas. Tong ina ewe echikaren osukosuken non famini, semwenin ekkewe neni, me semwenin ekkewe muu. Tong ew emenimen, ew nȍ, ew kirekirochun kapas, me ew kapasen ingeiti. Tong ew angangen fangeno, aninis, me angang fan iten ekkoch.
Mwan mi pupunu, oupwe tongei punuemi. Angang murinno ngenir fiti asomonuoch me menemenoch. Fefinei, oupwe tongei punuemi. Angang murinno ngenir fiti asomonuoch me pesepes.
Sam me in, oupwe tongei noumi. Iotek fan iter, osukuner, me pwarata ngenir. Semirit, tongei sememi me inemi. Pwar ngenir osufonoch, kinisou, me anneasochis.
Me nukun ewe tong an Kraist mi unusoch, Mormon a aiti ngenikich, “[kich] ese wor namotach.”3 Ai iotek pwe sipwe aponueta an Mormon kapasen aurour pwe sipwe “iotek ngeni ewe Sam ren unusen pochokunen netip, pwe oupwe ureno ren ei tong, minne a fen wata won ir meinisin chon ennetin tapweno mwirin Noun we, Jises Kraist; pwe oupwe winiti noun Kot; pwe nupwen i epwe pwato sipwe usun chok i,”4
© 2017 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/16. Kapungunon awewen: 6/16. Chiakun First Presidency Message, February 2017. Chuukese. 97922 901
Afanafan seni Ei Poraus
Preseten Monson a aitikich ewe auchean ach sipwe pwarano ewe ennetin tong ussun an Kraist tong, akkaewin non ekkewe imw. Anamota ne ureni ekkewe ka churir ar repwe chufengen ussun famini me porous won ifa ussun repwe tongeni anapano ar repwe pwarano tong nefiner. Meni kopwe apochokuna ngenir ar repwe fini ew me nein ekkei ekiek me fori kokkot won ar repwe aponueta ussun ew famini. Awewe ren, chon ewe famini ra tongeni kutta ar repwe awora ew mokutukutun aninis mi monomon ngeni pwan ekkoch chochon ew famini ew me ew wik. Ka tongeni urenir mwirin ar repwe nenengeni ifa ussun ar achocho ngeni ar repwe tori met ewe ra angang ngeni anapano ewe tong non imwer ewe.