Milwol ko Bin Somm’on e Presidency, February 2012
“Ni Woed Rogon ni Gab Tu’uf Rog”
Yib rok President Thomas S. Monson
Boech e duw kafram ma bay reb e fagar rog ni kanoeg Louis ngak’ ni gamow gidii’ ni weliy mornga’egen e chitinngin ngog. Nap’an ni yim’, ma dani tay e salpiy ni fan pifak ni pagal nge ppin machane falel’ ko fal’rogon wo’en, athamgil, nge tayfan.
Nap’an tomren fare magawon ni kan tay nge kirban’ nib gel, ma fatin nib illal pifak e raned u fathik e chugum rok’ nge tin nike digiy. U fathik rad, ma Loise e piri’eg fare kiy nge letter. Ma fare babyor e be ga’ar: “Ko tabthung ko senggil rog, u bin nga butt’ e drawer ko gini guma tay e mad rog riy, e bay buchi kahol riy nib achichig. Bay e tin ni rib tu’uf nga gumircha’eg riy. Re kiy ney era bing era kahol nem.”
Miyad be lamnag ko mang e ribay ni rib ga’fan nike lok nag ere nina’ rorad nem.
Miyed chuweg fare kahol ngar tiyed nga biyang nib yal’uw miyad bing ni rib sasaga’al. Nap’an Loise nge ku boech e yad be guy fare kahol, miyed piri’eg e sasing ni ya’an rad, nibay fithngan rad riy nge rofen nin gergel nagrad. Me gerngiy Louise ba letter ni kanoeg e valanetine nike cha’ariy fare nina’ rok’. Yol ku be’, e bay riy ni woed e yol ko bitir, ni poey ni yol rok’, me be’eg fapi thin ni bay riy nike yoloy 60 duw kafram: “Dear Nina’, Ri gab tu’uf rog.”
Gumircha’enrad me munguy, nge laman raed, me yib e luu’ nga owchraed. Chitinngin maed e n’en nib tu’uf rok’ e tabinaew rok’ ni manemus. Gelngin e biney e bay u dakan e daef ni “Ri gab tu’uf rog.”
Daban’ey e rran, dariy u bang ma re tu’ufeg ney a kari tu’uf ni ngad faked nga langin e tabinaew rodad. Ma dariy u biyang ni ra piri’eg e fayleng e biney e wo’en ko daef ulane tabinaew ko Gidii’en Got ko TinTomur e Rran ko tin gidii’ nike tay fare tu’ufeg u gumircha’enraed ulane yafos ko chongin e tabinaew roraed.
Pi cha’en ni gadead nima yoeg ni yaed gachoelpan fare Tabiyul Yesus Kristus, Ke pi’ rogon ni ngan rrin’:
“Ba’aray e n’en ni nggu ning chiylen ngomed, Nge bigmed me t’uf bigimed rok, ni bod rogon ni gimed ba t’uf rog.
“Fa’anra um pired nib t’uf bigimed rok bigimed, ma aram e urngin e gidii’ ni yad ra nang ni gimed pi gachalpeg.”1
Fa’an ni gadaed ra fol ko motochiyel ni ngad tu’ufeged gadad, ma thingar da tayed fadad ma ngad thamiyed e murnguy, ma gadad dag e tu’ufeg roadad ngodad ni gubin ngiyal’. Tu’ufeg e ma pi’ e thin nib mangil, guman’, rin’ ni fan ngak’ be’, ma motoyil, ma n’agfan gumircha’en. Ko gubin e tafagar rodaed, ma pi n’ey nge kuboech e ra ayuweg boech e gidii’ ni ngar guyed e tu’ufeg u lan gumircha’daed.
President Gordon B. Hinckley (1910–2008) yaliy rogon: “Tu’ufeg … e ir fare thi’ib ko gold nima par u tabanggin fare rainbow. Machane woed ni bay u barba’ ko fare rainbow. Tu’ufeg e kubay ko gin somm’on, nima sum fal’ngin nga lane tharmiy nib fel’ ya’an ko ngiyal’ ni bay e yoko’. Tu’ufeg e amfan nima yor e bitir, nge pi fal’yangran ni pifakdead, fare mabgol, nge n’en ni darma tagan nang e tabinaew; i ir fare gapas ni gubin mfen, fare ra’en fare athapeg ni be gal ram’en nga fithik e yam’. Ma pi cha’en ni yad ra fek nga lane tabinaew rorad, pi tafgar, galasia, nge pi gubuliyiror roraed e yad ra falfalan’ nib gel.”2
Tu’ufeg e ir fare luk’ngun ko fare gospel, ni’ir fare sobut’an ku be’. Tu’ufeg e ir fare falay ko yaram u tabinaew, non ni dani fel’, nge tin ni dani ga’fan ban’en. Tu’ufeg e ir fare minmin, fingichiy be’, non ku be’ nib mangil rogon, nge thin nib mat’aw. Tu’ufeg e ir fare athamgil, ta pigpig, nge bin ni damu lem nigem.
Figirngin, mu tu’ufeg figirngim. Mu tay fared mag pining e magar ngorad. Pi ppin, mu tu’ufegned e pi pumo’on romed. Mu tay fared magmed pi’iyed e ayuw nga laniyan’rad.
Pi galibthir, mu tu’ufegned pi fakmed. Meybil ni fanrad, mu fill ngorad, mag micheg ngorad. Pi bitir, mu tu’ufegned e galibthir romed. Mu tayed farad, pining e magar ngorad, magmed fol.
Fa’an ra dariy fare tu’ufeg rok Kristus, Mormon e michib nag, “[Gadad] e dariy fadad.”3 Meybil rog e thingari dlaked rogon e machib rok Mormon “meybil ngak fare Chitmangdad nib polo’ u gamircha’endaed, ni [ngayog] ngad thamiyed e biney e tu’ufeg, nike pi’ ngodad ni gubin e pi cha’en ni ra lek Fak, Yesus Kristus; ni [ngayog] ni ngad boeded pifak Got; ni nap’an ni rabi m’ug ma gadad boeded ir.”4
© 2017 by Intellectual Reserve, Inc. All rights reserved. Kan yoloey u Mariken. Kan micheg nag ko thin nu Ngalis: 6/16. Micheg nag i pilyeg: 6/16. Pilyeg thin ko First Presidency Message, February 2017. Yapese. 97922 905
Rogon ni ngan Fil ko Biney e Mulwol
President Monson e ke fill rogon ngodad nib ga’fan ni ngad daged fare tu’ufeg ni woed Kristus, ni rib ga’ ni tabinaew. Mu lamnag rogon ni kam fith ngak chongin e tabinaew rom ni ngan mukun gaed nga ta’abang min weliy rogon ni rayog ni nge mon’og nag e tu’ufeg u ta’abang. Rayog ni ngam pi’ e athamgil nga laniyan’rad ni ngar feked reb e pi n’ey ni ngar gayed rogon ngan thapag ulane tabinaew. Ni woed, rayog ni be’ ulane fare tabinaew e nge mith nge rin’ ban’en nib mangil ni fan reb chongin fare tabinaew ulane reb e wiik. Ra taboech riy ma rayog ni ngam fith ko uw rogon e pi n’ey ni yibe rin’ e be ga’nag fare tu’ufeg u lan fare tabinaew rorad.