Iren Mahsen en Padahk en Pas, Pepweri 2017
Sapwellimen Krais Tomwo Wia Kadehdehpen Limpoak en Koht
Onop ni kapakap dipwisou wet oh rapahki ken esehla dahme ke pahn ehukihiheng mehteikan.
Pwoson, Peneinei, Sawas
Wehwehki me Samatail Nanleng ketkihdahr Sapwellime Ieroso pwe kitail en kak komourla oh ahneki mour soutuk kin sewesei kitail en kehn sapwellimen Koht limpoak poatopoato oh kapwuriamweio ong kitail. Atail Sounkomouro pil poakepoake kitail.
“Eri ihs me kak irehdihsang kitail sang limpoak en Krais o? …
“Pwe I kin ese ni mehlel me sohte mehkot kak irehdihsang kitail ni sapwellime kupwur limpoak, pil sohte mehla, de mour, de tohnleng kan, de manaman en nanleng teikan, de kaun en nanleng kan, pil sohte mehkot me wiewiawi met, de me pahn wiawi muhr,
“Pil sohte mehkot pohnangin sampah, de pahnangi-mehlel sohte mehkot nan audepen lahng oh sampah koaros, kak irehdihsang kitail sang limpoak en Koht, me kitail ahneki rehn Krais Sises atail Kaun” (Rom 8:35, 38–39).
Me pid sapwellimen Sises Krais Tomwo, Elder D. Todd Christofferson en Pwihn en Wahnparon Ehkriemeno nda me: En Sounkomouro lokolok nan Kedsemeni oh Sapwellime weirek pohn lohpwuo kapitkitailsang nan dihp ni eh kasohrala anahn en kapwung. E kin ketkihda mahk oh kupwur mahkehng koaros me kin koluhla. Tomwen Sises Krais pil kin kasohrala pweipwand en dihp kan ong kitail ni eh kin kakehlaka kitail oh katingih kin kitail ki lokolok me kitail kin ale ni sohte kahrepe. ‘Pwe kilang, e ketin lokolongki dipen me momour koaros, ohl, lih, oh serihkan me wia kisehn peneinei en Adam’ (2 Nephi 9:21; pil tehk Alma 7:11–12).”1
Krais ketin “ntingihdier [kitail] nan [Lime] kan” (Aiseia 49:16). Linda K. Burton, Presiden Lap en Pwihn en Sawas en Lih nda me, “Wiewiahn limpoak kapwuriamweio konehng en kahrehiong atail kelepwidi ni kapakap oh kaping kalahngan ong Samatail Nanleng pwehki uwen laud en limpoak me kahrehda E ketkihdo Sapwellime Ieros unseko en lokolongki dipatail kan, atail pahtou kan oh soangen sapwung koaros me mie nan atail mour kan.”2
Pwuhk Sarawi oh Ire Kapatapat teikan
© 2017 sang Intellectual Reserve, Inc. Kolokol pwuhng koaros. Ntingdahr nan USA. Kamanaman ong lokaiahn wai: 6/16. Kamanaman ong kawehwe: 6/16. Kawehwehpen Visiting Teaching Message, February 2017. Pohnpeian. 97922 885
Medewe Met
Ia mwomwen atail kak wia atail kaping kalahngan oh limpoak ong Koht oh pil ong Sises Krais pwehki kisakis en Tomw sang atail Sounkomouro?