Mulwol ko Bin Somm’on e Presidency, March 2017

Gelnigey ko tin nib Mangil Ban’en

Yib rok President Henry B. Eyring

Bin Somm’on e Counselor u lane Bin Somm’on e Presidency

Profet rok Got ni bay u fayleng, President Thomas S. Monson, ke weliy, “Chiney, e boed ni kad pared u fithik e denen, ma ku boed ni, fapi tagan ban’en e ku bay u peqochendad.”¹

Ra gin owchem ngay ni pi thin ney nike weliy President Monson e weliy ni ka napan 50 e duw kafram? Fa’an ra be liyegdad e denen kafram, mara chiney ma u uw urngin e denen nge tagan ni bay ni be wawliydad e dobaaq? Bay fan, ni fare Somoel e weliy bugithin ni fan ngodad e chiney, “Arogon, ni gubin e denen ma kan puthuy nga tabang” (D&C 38:12).

Fare mal ni, “gadad gubin ma ka daraed ngay”² ni tabab u m’on ni kan gergel nagdad nga fayleng. Ni tabab u m’on ni kan sunumiy fare fayleng. I tabab ni bukum i mir’ay e duw ni kakrom u nap’an fare bin som’on e yafos, ni gin ni tagopluw Moniyan’ ni “gay rogon ni nge kireb nag fare puf matowon rok’ e pumon’” (Moses 4:3).

Waer Moniyan’ ko binem e mal ni buch, “min thargiy nga fayleng” (Revelation 12:9), ni gin ni kube ul’ul nag e mal rok’ riy ko daban’ey e rran. U roy u fayleng, “ma be tabab nag e mal ngak fapi girdii’ rok Got, ni be waliy raed ni gubin ngiyal’”(D&C 76:29) ma be ban nagrad, lifith lugun ngorad, ma be yoeg ngoraed ni ngar denen gaed.

Ma kube mal ngak fapi profet nge apostle. Ma kube maal ngak fare tay chiylen ni dabni togan nag e par u m’on ko mabgol. Ma kube mal ngak chonggin e tabinaew nge fare temple. Ma kube mal ngak e tin nib mangil ban’en, tin nib thothup, nge tin nib thothup ban’en.

Uw rogon ni rayog ni nga darod ko mal ko biney? Uw rogon ni rayog ni ngad darod ngad cham gaed fare moniyan’ ni be m’ug u gubin yang u fayleng? Mang e tel e cham rodaed? Minii’ e mang ngodad?

Fare Gelngin rok’ fare Saf

Fare Profet Joseph Smith e fil ni Moniyan’ e bay gelngin ngodad ni kemus ni fa’an ni gadaed ra pag nge rrin’. ³

“Me yibi buch ni Gag, Nephi “e gguy fare gelingin fare Saaf ku Got, ni yibi aw nga dakean chongin e galasia rok’ fare Saaf, ngo dakean fapi girdii’ rok’ Somoel ni fal’eg ba m’ag nga thilraed, ni pi’in ni kar garar gaed u fayleng; ma kar longbiyed yaed ko fel’ u gelingin Got u fithik’ e rir” (1 Nephi 14:14; kan uneg boech ngay).

Uw rogon ni gadad ra ayuweg dad ko tin nib mangil ban’en nge fare gelngin? Gadaed ra tay fan fare rran nib Madnom makun tay fan fare priesthood. Gadaed ra fek min tay fan fapi motochiyel rodaed, magdaed rin’ e murwel ko pi chonggin e tabinaew rodaed kafram, min yan nga temple. Ma gadaed gay rogon ni ngad kalngan’ gaed ni gubin ngiyal’ magdaed wenig ngak fare Somoel ni “nge yib angin fare bayul ko racha’ rok’ Kristus ni gomange yog ni ngan n’eagfan e pi denen rodead” (Mosiah 4:2). Gadaed ra meybil min pigpig min micheg fare mich rodad ngak Yesus Kristus.

Gadad ra subliydaed ko tin nib mangil ban’en nge tin ni bay gelngin nap’an “ni gadaed [ra] tafiney nag fare thin ko yafos” (D&C 84:85). Gadad ra tay fan e pi thin ney ni fa’an ni gadaed ra b’eg fare scriptures rodaed nib thothup magdaed motoyil ngak fapi cha’ ni ke mel’eg Somoel, ni’ir e ra pi’ ngodad, ngetafiney, nge laman raed (mu guy ko D&C 68:4) ko bin migid e general conference.

U lane mal rodad ngak fare moniyan’, thingar da ted u wun’daed ni bay e ayuw ni l’agruw u barba’ fare veil. Mu’un ngodaed Got fare Chitmangdad ni Manemus, fare Somoel Yesus Kristus, nge fare Kan ni Thothup.

Ma kub mu’un ngodaed fapi salthaw ni bay u tharmiy. “Dab mu rus,” Elisha e yoeg ngak ba fal’yangran nib pumo’on nap’an ni kar ranoed ko mal ngak moniyan’, “ya kab pire’ e pi’in ni bay u ba’ rodad ko pi’in ni bay u ba’ rorad” (mu guy ko 2 Kings 6:15–16).

Dani t’uf ni ngad rus gaed. Got e ba tu’uf pi Fak Rok’. Dariy bi’id ni ra digey daed.

Gum nang ni Got, e ra fulweg taban e meybil, ma ke ayuwegneg ke chuwegneg ko tin nib dalib ban’en. Gube micheg ni ayuw rok Got fare Chitmangdad, fare Tabiyul ko fare fayleng, nge fare Kan ni Thothup, rayog ni nge pagan’ daed ngay ni ran pi’ gelngindaed nge pag rogon ni demutrug ko mang e gadad be gafgow riy.

Thingar da pired ni gadaed ba sug ko tin nib mat’aw ban’en ni ngayog ni ngad gel niged fare mal.

© 2017 rok Intellectual Reserve, Inc. All rights reserved. Kan yoloey u Mariken. Kan micheg nag ko thin nu Ngalis: 6/16. Micheg nag i pilyeg: 6/16. Pilyeg thin ko First Presidency Message, March 2017. Yapese. 97923 905

Pi Note

1. Thomas S. Monson, “Correlation Brings Blessings,” Relief Society Magazine, Apr. 1967, 247.

2. “We Are All Enlisted,” Hymns, no. 250.

3. Muguy Teachings of Presidents of the Church: Joseph Smith (2007), 214.

Rogon ni ngan Fil e Biney e Mulwol

President Eyring e be puguran ngodad ni gadad be yan ko mal ngak fatin nib dalib banen. Rayog ni ngam tabab i yon’ fare tang ni “We Are All Enlisted” (Hymns, no. 250)ko picha’ ni gimed be skul. Nge mu’ mag pining rad ngar weliyed rogon ni kan ayuwegraed ko ngiyal’ nib mat’aw miyad weliy rogon ni rayog ni ngar aywegnead chongin e tabinaew rorad rok Moniyan’, ni woed ko media nib fel’, mo’olung ko chonggin e tabinaew, fa family home evening ni gubin e wiik. Rayog ni ngam pining raed ngar meybil gaed ko rogon ni rayog ni ngar toyed e tabinaew rorad nge pi tafiney rorad.

• Ku Mu’ i Lamnag Rogon

  Madison Thompson

• Mu Tay nga Dakanem fare Mad nifean e Tale Cham