Naan in Katak an Kōrā, M̧aaj 2017
Kajoor in maron̄ an Jisōs Kraist im Pinmuur eo an.
Kanooj jar ilo am̧ ekkatak kōn katak in im pukōt n̄an jeļā ta eo kwonaaj kwaļo̧k. Ekōjkan ad naaj meļeļe unleplep eo an Doulul eo an Kōrā ro rej kōpooj leddik ro nejin Anij n̄an kōjeraam̧m̧an ko an mour indeeo?
Tōmak, Baam̧le, Deeor
“I maron̄ in kōm̧m̧an men otemjej ilo Eo ej kakajoor eō” (Pilippai 4:13). “ewōr ad aolep m̧ōjņo̧, jej ke depļo̧ki,”Būreejtōn Dieter F. Uchtdorf eaar ba, Rikapilōklōk eo Kein Karuo ilo Būreejtonji eo Kein Kajuon. Ilo m̧ool, menin ej jān tiriam̧o̧ an Anij bwe, n̄e jej kōttāik kōj make im wōr ad tōmak, mōjņo̧ ko ad rej erom kajoor.”1
Ad Rilo̧mo̧o̧r ej ba ilo Katak im Bujen ko, “Inaaj ilo̧k im̧aami. Enaaj pād ilo tuanbwij maron̄in peid im ilo tuanmiin̄, im Jetōb eo aō enaaj pād ilo būruwōd, im enjeļ ro An renaaj jepooļ kōj, n̄an jipan̄ kōj (lale K&B 84:88).
“Nipai ej juon waanjon̄ak eo ejeļā, meļeļe, im kar pedped wōt kajoor in kōmaron̄ eo an Rilo̧mo̧o̧r eo,” Elder David A. Bednar jān Doulul eo an Jon̄oulruo Rijilōk ro ekar ba. “Ļōm̧aro jein Nipai rekar likoje kōn to ko im kar karōk n̄an ko̧kkure. Jouj im keememej jar eo an Nipai: “O Irooj, kōn tōmak eo aō eo ej ilo Kwe, kwōn kōjoor eō jān pein m̧aan rein jeiū; aaet, letok n̄an eō kajoor n̄an timwi to kein ko ij lokjak kaki” (1 Nipai 7:17 eoon eo eaorōk kar kobaiktok).
“… Nipai eaar jab jar n̄an kōm̧m̧an bwe jekjek ko an ren kar oktak. Ijjello̧kin, eaar jar kōn kajoor n̄an ukōt jekjek ko an. Im ij tōmak eaar jar ilo jekjek in eļaptata kōnke eaar jeļā, meļeļe, im eaar jeļā kōn kajoor in jipan̄ eo an Pinmuur eo.
“Ijjab ļōmņak to ko me kar lukōj Nipai kaki raar jab baj make wōtlo̧k jān pein im jibwin pein. Ijjello̧kin, Ij eņo̧ik ļo̧k eaar jeram̧m̧an kōn jim̧or kije im kajoor an make eļapļo̧k jān maron̄ eo an make, innām bwe eaar “ilo kajoor an Irooj” (Mosaia 9:17) jerbal im ukukōt im kanōk to ko, im āliktata im jejjet tata kar maron̄ mejaļ to ko.”2
Bar jet Eoon ko im Meļeļe ko
© 2017 jān Intellectual Reserve, Inc. Aolep jim̧we rej pād ippān. Jeje ilo USA. Kōmālim ilo kajin English: 6/16. Kōmālim an ukook: 6/16. Ukook eo an Visiting Teaching Message, March 2017. Marshallese. 97923 874