Iren Mahsen en Padahk en Pas, Mahs 2017
Manaman Lap en Sises Krais oh Sapwellime Tomwo
Onop ni kapakap dipwisou wet oh rapahki kaweid en esehla dahme ke pahn ehukihiheng mehteikan. Ia duwen wehwehki kahrepen Pwihn en Sawas en Lih eh pahn kaunopada Sapwellimen Koht lih akan ong kapai kan en mour soutuk?
Pwoson, Peneinei, Sawas
“I kakohng mehkoaros sang ni manamano me Krais kin ketikihongie” (Pilipai 4:13). President Dieter F. Uchtdorf, Sounsawas Keriau nan Presidensi Keieu patohwan: Tehn kitail koaros ahneki luwet, kitail kak powehdi. ”Mehlel sang ni kalahngan en Koht, ma kitail pahn karakarahkiala pein kitail oh ahniki pwoson, soahng luwet akan kak kehlailla.”1
Atail Sounkomouro mahsani nan Doctrine and Covenants: I pahn tihengla mwohmwail. I pahn mi ni palimaun en pehmwail oh ni palimeing, oh Ngehniet pahn ket nan mohngiongimwail kan, oh Sapwellimei tohnleng kan pahn kapelkumwailpene, pwe ren pwengkumwailda (DC 84:88).
Elder David A. Bednar sang Pwihn en Wahnparon Ehk-riemeno patohwan: Nephi wia mehn karasaras en aramas emen me kin ese, kin wehwehki, oh kin kehleki manaman lap en Sounkomouro. Rien Nephi pwutak ko saliekihdi sahl oh pwungkihda irail en kemehla ih. Menlao tehk ahn Nephi kapakapo: O maing ahi Kaun, ni duwen ahi pwoson komwi, komw ketin doareiehsang riei pwutak kan; ehi ketikihengie kehl pwe ien kak kawehla sahl pwukatme salihiepenehr 1 Nephi 7:17; liphw tohrohr kapatapatehng).
“… Nephi sohte kapakapiki dahme wiawihengehr ko en wekidekla. Ahpw, e kapakapki en ale kehlail pwe en kak pein wekidasang dahme wiawiongehr ko. Oh I kamehlele me e wia soangen kapakap me duwehte met pwehki e ese, wehwehki, oh pehmehr manaman lap en Tomwo.
”I sohte leme me sahl kan me salihpene Nephi oudahte sapwedeksang ni peh kan oh kumwut en peh kan. Ahpw, I mwelekih me e alehdi koaros kapai en ahneki kanengamah oh kehlail laudsang uhdahn ah kehl, ih eri, sang ni roson en Kauno’ (Mosiah 9:17) koadoahke oh pirer oh waik sahl oko, oh ni imwio oudahte kamweid sahl oko pwehki karoson me e alehier.2
Pwuhk Sarawi oh Ire Kapatapat kan
© 2017 by Intellectual Reserve, Inc. Kolokol pwuhng koaros. Ntingdahr nan USA. Kamanaman ong lokaiahn wai: 6/16. Kamanaman ong kawehwe: 6/16. Kawehwehpen Visiting Teaching Message, March 2017. Pohnpeian. 97923 885