2017
Pwon sia akaponu me Pwon mi pin an ewe Pristut
April 2017

Poraus seni Fefin Chon Amwa, April 2017

Pwon sia akaponu me Pwon mi pin an ewe Pristut

Anneani ekkei puk fiti iotek me kutta om kopwe sinei met kopwe aporausa. Ifa usun ach weweiti ewe popun Fin Anisi a amwonata noun Kot fopun ngeni ekkewe feiochun manau esemuch?

Relief Society seal

Nuku Famini Aninis

Ew napanon an kich kewe sister weweiti pwe ewe pwon sia akoponu me ewe pwon mi pin an ewe pristut a fis ngeni pusin won winikapach, pwan ew napenon ach sipwe kamoch ekkewe feioch me pwon an ewe pristut.

Elter M. Russell Ballard seni ewe Mwichen Engon me Ruemon Aposel a apasa, “Meinisin ekkewe ra fori pwon mi pin ren ewe Samon me ekkewe ra afona ekkena pwon mi pin ra fich ngeni ar repwe angei pwisin ar pwarata, ar repwe feioch me ren angangen chon nang, ar repwe nonnom ren Kot, ne angei unusen ewe kapas allim, me, amuchunon, ar repwe fiti Jises Kraist ne winiti chon muuni mettoch meinisin an Semach we.”1

Ekkewe feioch me pwonen ewe pwon sia akaponu me pwon mi pin an ewe pristut a fich ngeni mwan me pwan fefin. Sister Sheri L. Dew, akkomwen chon aninis on ewe Presetensin Fin Anisi Unus, a apasa, “Ewe unusochun ewe pristut mi nom non ewe ekkewe angangepin mi tekia non ewe imwen ewe Samon a tongeni kawor ngeni chok emon mwan me fefin fengen.”2

Sister Linda K. Burton, Presetenin Fin Anisi Unus, a awora ei kokko, “Ua tingor ngenikemi oupwe chechemeni ewe pwon sia akkaponu me pwon mi pin an ewe pristut, minne a tongeni pwa me non Doctrine and Covenants 84:33–44. Ren ami fori, ua pwon ngenikemi pwe ewe Ngun mi Fel epwe awatteno ami weweiti ewe pristut me pesei kemi me seikata kemi non napanap mi amwarar.”3

An Joseph Smith kewe aurour ngeni ewe Fin Anisi ir mi fis pwe repwe amwonat fefin ar repwe “angei tufich me feiochun me niffangen ewe pristut.” Ei epwe tongeni pwonueta me non ekkewe angangepinen ewe tempel.

“Angangepinen ewe tempel [ir] angangepinen pristut, nge rese awora wisen mwichefen won mwan ika fefin. [Ekkei angangepin ra apwonueta] an ewe Samon pwon pwe noun kewe aramas—fefin me mwan—repwe ‘feioch ren manaman seni won tekia’ [D&C 38:32].”4

Pwan ekkoch Uwokisin me Porous

Doctrine and Covenants 84:19–40; 121:45–46; reliefsociety.lds.org

© 2017 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/16 Kapungunon awewen: 6/16. Awewen Visiting Teaching Message, April 2017. Chuukese. 97924 901

Esinesin

  1. M. Russell Ballard, “Men and Women and Priesthood Power,” Liahona, Sept. 2014, 36.

  2. Sheri L. Dew, in Daughters in My Kingdom: The History and Work of Relief Society (2011), 128.

  3. Linda K. Burton, “Priesthood Power—Available to All,” Ensign, June 2014, 39–40.

  4. Itenapen Kapas Allim, “Joseph Smith’s Teachings about Priesthood, Temple, and Women,” topics.lds.org.