2017
Asɔfodzi Nsewdzi na Ahyɛmudzi
April 2017

Visiting Teaching Amandzɛɛbɔ, Ebɔbira 2017

Asɔfodzi Nsewdzi na Ahyɛmudzi

Mpaabɔ mu ara sũa adzesũadze yi na hwehwɛ dɛ ibohu dza ibɛkyɛ. Yɛretse Relief Society no botae ase no besi dɛn esiesie Nyankopɔn mbabaa no ama onnyiewiei nkwa ho nhyira?

Relief Society seal

Gyedzi, Ebusua, Mboa

Dɛ yɛyɛ nkyerɛbaa yi, mber dodow a yenya ntseasee dɛ asɔfodzi nsewdzi na ahyɛmudzi no fa hɛnankasa hɛn ho no, mber dodow a yebofua asɔfodzi nhyira na anohoba horow no a.

Elder M. Russell Ballard a ɔkã Asomafo Duebien no hɔn Quorum ho no ase dɛ, “Hɔn a wɔnye Ewuradze eedzi ahyɛmudzi krɔnkrɔn no na wodzi hɔn ahyɛmudzi nyi no, fata dɛ wonya ankorankor nyikyerɛ, abɔfo som ho nhyira, wɔnye Nyame kasa, wonya asɛmpa ne mãhyɛ, na, ewiei no, wɔnye Jesus Christ bɛyɛ adzidzifo wɔ dza hɛn Egya wɔ nyina mu.”1

Nhyira na anohoba horow a ɔwɔ asɔfodzi nsewdzi na ahyɛmudzi ho no fa mbanyin na mbaa ho. Akyerɛbaa Sheri L. Dew a nkyɛ ɔyɛ ɔpamfo wɔ Wiadze Mfɛndzanan Relief Society Presidency mu no, kãa dɛ, “Asɔfodzi ne mãhyɛ no a ɔwɔ Ewuradze fie ayɛdze mu a ɔkrɔn no, gyedɛ ɔbarimba nye ɔbaa bɔmu ana nsa akã“2

Akyerɛbaa Linda K. Burton, Wiadze Mfɛndzanan Relief Society President, ama ɔfrɛ yi, “Moto nsa frɛ hom dɛ hom nsũa asɔfodzi nsewdzi na ahyɛmudzi no a, wobohu no wɔ Nkyerɛkyerɛ na Ahyɛmudzi 84:33–44 mu no ngu hom tsir mu. Hom yɛ dɛm a, mobɔ hom anohoba dɛ Sunsum Krɔnkrɔn no bɛtserɛw hom ntseasee wɔ asɔfodzi no ho na Oekenyan hom na Oepegya hom wɔ akwan soronko mu.”3

Joseph Smith ne nkyerɛkyerɛ ma Relief Society no no botae nye dɛ obesiesie mbaa ma “woebenya asɔfodzi ho ndzinoa na nhyira na akyɛdze.” Iyi wɔbɛnam temple ayɛdze do dze benya.

“Temple ayɛdze yɛ asɔfodzi ayɛdze, naaso wɔmmfa do mma asɔfodzi dzibew mma mbanyin anaa mbaa. [Ayɛdze yinom hyɛ] Ewuradze N’anohoba mã dɛ no nkorɔfo—mbaa na mbanyin—benya ‘adom akyɛdze tum a ofi sor’ N & A 38:32].”4

Kyerɛwsɛm a Ɔkã ho

Nkyerɛkyerɛ na Ahyɛmudzi 84:19–40; 121:45–46; reliefsociety.lds.org

© 2017 Intellectual Reserve, Inc. Wɔakora do tumdzi nyina. USA na wotsintsimii. English approval 6/16. Translation approval 6/16. Visiting Teaching Message, April 2017 ne Nkyerɛasee. Fante. 97924 502

Nsɛnsin

  1. M. Russell Ballard, “Men and Women and Priesthood Power,” Liahona, Fankwa 2014, 36.

  2. Sheri L. Dew, in Daughters in My Kingdom: The History and Work of Relief Society (2011), 128.

  3. Linda K. Burton, “Priesthood Power—Available to All,” Ensign, June 2014, 39–40.

  4. Asɛmpa Nsɛngyinado, “Joseph Smith ne Nkyerɛkyerɛ a ɔfa Asɔfodzi, Temple, na Mbaa ho,” topics.lds.org