Mulwol Ni Ngan Fil Ni Ngan Nang, May 2017
Gelngin fare Babyor ku Mormon
Gube wenig ngodad ni ngad biy’eged ma gadad be meibil mani gay rogon fare Babyor ku Mormon ni gubin e rran.
Pi walageg ni pumoon nge ppin, gube piningmed u fithik e falfalan’ni nga kud madaq gad ko biney e general conference ko Fare Galasia ku Yesus Kristus ni fan e Gidii’en Got ko Tin Tomur E Rran. U m’on ni ngug weliy rogon e milwol rog e dobaa, ma guba’adag ni ngugog laal e temple ni bay ni toey ko yu yang I n’en ni baray: : Brasília, Brazil; greater Manila, Philippines, area; Nairobi, Kenya; Pocatello, Idaho, USA; and Saratoga Springs, Utah, USA.
Re kadbul ney e ngug non ni ngug weliy marangagen gelngin fare ke Babyor ku Mormon nge fani tu’uf ni gadad chonggin e Glasia ni ngad filed, ngan gay, mani rin’ e tin be weliy u lane yafas rodad. Fani gaaq fan ni nge yaag e mich rodad ko re Babyor ku Mormon ney e badiyog I weliy.
Gadad be par u bingiyal ni bo’or e kireb me me’ewar. Mang e rayog ni nge ayuwegdad ko denen nge kireb ni ke nomow u daken e fayleng e chiney? Gag e kug yung e mich rog nib gel ko fare Tabiyul rodad, Yesus Kristus, nge fare gospel ni ra ayuwegdad ni ngad guyed e yoror fa rungrung rodad. Fa’anra gur beq ni damur ma bi’eg e Babyor ku Mormon ni gubin e rran, wenig ngom mu rin’. Fa’an gara bi’eg u fithik e meibil nge ba arar ni gaba’adag ni gnam nang e tin nib riyul’, ma fare Kan Thothup e ra gagiyal nage tin riyul’ ngom. Fa’anra ba riyul’—me gag e ri gube yoeg e mich rog ni riyul ni Joseph Smith e— ir rebe profet ni ke guy Got ni Chitamangiy nge Fak, Yesus Kristus.
Ya bochan ni fare Babyor ku Mormon e riyul’, Fare Glasia ku Yesus Kristus ko Tin tomur e rran e ire Glasia rok Samol u roy u fayleng, ma fare priesthood nib thothup rok Got e kani pii’ nga but’ ni fan ko yibil nge pi murwel rok pifak.
Fa’anra dariy e mich rom nib gel ko pin’ey, mu rin’ e tini thingar mu rin’ ni nge yaag reb ngom. Riba gaaq fan ni nge yaag rebe mich ngom ni gur rom ko ngiyal ney ni ke yo’or paaq, ya tirok boch e girdiiq e kemus ni nge fekem buuchuw nga palog. Machane, napan ni ra yaag ngom, ma mich e ba tu’uf ni nga I par nib gel maba fas ni fa’an gara ululuy e fol ko pi motochiel ku Got nge meibil ni gubin e rran nge ku arogon e bible ni nga un fil.
Gimed chonggin e murwel rok Samol, ri gube yoeg ngak beq nge beq ni ngarin fil banen u fithik e meibil mani gay fare Babyor ku Mormon ni gubin e rran. Napan ni gadad ra rin’ ni aram rogon, ma gadad ra par nga bayang ni ra udi rung’aged laman fare Kan, ni ngan pag e lumel, ni nge chuw e murus nge tamarwar, ma nge yaag ngodad e ayuw nu tharmiy nga lane yafas rodad. Ri gube weliy rogon e mich rog u lani gumircha’eg u daken fithngan Yesus Kristus,Amen.
© 2017 by Intellectual Reserve, Inc. All rights reserved. Kan yoloey u Mariken. Kan micheg nag ko thin nu Ngalis: 6/16. Micheg nag i pilyeg: 6/16. Pilyeg thin ko Visiting Teaching Message, May 2017. Yapese. 97925 905