Me Pwulopwul Kan
Misineri men me sohte ah Tag
Nimwen sukuhlo mie ahi sounpadahk emen me mwomwen ah mwekid kin karehieng ekei aramas kin masak kasalehda ah madamadau me weksang ah tungoalo nan ehu ire. Ehu rahno se koasoia ire me pid misineri kan en Souleng en Imwin Rahn akan. I ese me I kak sapengala ah peidek kan, ahpw I kehn me I sohte konehng. Ngehi eri ndahte dahme e pahn pwungki ni ansou o.
Wihk kei mwurin mwou I sohte kak udihsang medemedewe aht koasokoasoi peneo. Mwurin mwo , I medewehda me I konehng kiheng ehu Pwuken Mormon me I pahn kasansalehda wasahkei loalle me pid doadoahk en misineri. I periki madamadauo, ahpw I doulahte wia. I ese me kaweid en ngehn sarawi met I anahne idawehn…
Ele sounpwong riau mwuri, I kaunopadahr Pwuken Mormon o. Rahno pwon ahi pepehm me dene pwuhko luldahr oh wiadahr pwoar ehu ni ahi pahkpahko. Nan irair en seken silu me I ale pwuhko ngehi kiong ih mwohn ahi mwesel lahng kommol en winter wia ansou me keieu kamasepwehk nan ahi mour.
Ni keieun rahn me I pwuredo sukuhl, I daulih ah pereho pwe I masak pidelongala. Eri I ahpw rong ah likiwerihie, e ahpw kiong ie kisin likou ehu. I wadek kisin likouo nan ihmwo. E ntingiedi me e onopkiher irehkan me I kasansalehda nan pwuhko, oh e kilangadahr kahrepeh kan me wia kisehn ahi pwoson.
I perenkihda ahi ehukihda rongamwahuo met, oh I pil ahneki peren laud en papah Semei Nanleng nan ehu ahi misin kohkohdo.