Klumech er a Oldingel e Olisechakl, Ongeuid el buil 2017
Me Bol Sebechir Eldi Mo Tang
Mosuub er tial tekoi lokiu a nglunguuch e mosiik el mo medengelii a bo mobang lolisechakl. Ng mekera sel klemedengei er a moktek er a Relief Society e kudmekelterir a rengelekel a Dios el redil el kirel a klengeltengat er a diak a ulebengelel klengar?
Klaumerang Telungalek Ngesou
“A Jesus a tilketekii sel cherrengelel a kltalreng lobengkel a Demad el lodersii, er a tech me a reng, lotireklii a soal a Chedam,” ngolsisechakl a Elder D. Todd Christofferson er a Chelechad er a Teruich me a terung el Apostol.
“… Ng uaisei el diak el sebeched el mo imong lobengkel a Dios me a Kristo dilmerekmo a de ketmokl a urungulir me a sorir el mo kot el doureng. Tial blekongesenges el reng a diak el dil ta el sils el meketmokl, engdi ngokiu a Chedaol Reng, e a Rubak a mo olsisechakl er kid alsekum kede kongei el dilmerkmo, sel telkelel, eng sebeched el dula el kmo Ngii a mla me kie er a rengud el di ua Chedam kiei lobengkel.”1
A Linda K. Burton, General President ra Relief Society, a ulsisechakl el kmo ng mekerang a doureor el kirel tial kltalreng: “A meruul e oltirakl a telbiled a olechotel a blaklreng eldi mo ua Osobel. Sel uldasu a kired el mo melasem el kirel a ungil blekeradel el ulecholt er a bebil er a llechukl er a ungil chelitakl: ‘I’ll go where you want me to go. … I’ll say what you want me to say. … I’ll be what you want me to be.’”2
A Elder Chrstofferson a dirrek el omeklatk er kid el kmo “Me sel dolasm er a bek el sils me a bek el sandei el mo oltirakl er a rolel a Kristo, e a reng er kid a merael mo mesisiich, e a uldikel el de ngara chelsel a mo diak, me a ongetikaik a mo diak lolibas er kid.”3
A Neill F. Marriott, Ongerung el Counselor er a Young Women General Presidency, a olecholt er a klaumera er ngii er a klengeltengat sel dolasem el nguu a rengud lotireklii a soal a Dios: “Ak mla melasem el loriid er sel reng er a klechad el di ngak, e mo metik el kmo sel teletelek a olngesonges, kedeb, e diak el bol uai sel rolel a Jesus Kristo. ‘A rolel [A Demad er a Babeluades] a rael el mekrolid el mora deureng er tial klengar me a diak a ullebengelel klengar er sel beluulechad el merael mei.’”4 Me dolasem el ngara kle ngariou reng el mo tang lobengkel a Demad er a Babeluades me a Ngelekel er a, Jesus Kristo.
Lmuut el bebil er a Chedaol llechukl me a Omesodel
Johanes 17:20–21; Ephesians 4:13; Doctrine and Covenants 38:27; reliefsociety.lds.org
© 2017 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/16. Kengei er a oidel: 6/16. Oidel a Visiting Teaching Message, July 2017. Palauan. 97927 881