2017
Pwe Irail En Wiahla Ehu
July 2017

Iren Mahsen en Padahk en Pas, Sulai 2017

Pwe Irail En Wiahla Ehu

Onopki ni kapakap dipwisou wet oh rapahki kaweid en esehla dahme ke pahn ehukihieng mehteikan. Ia duwen wehwehki kahrepen Pwihn en Sawas en Lih eh pahn kaunopada Sapwellimen Koht lih akan ong kapai kan en mour soutuk?

Relief Society seal

Pwoson Peneinei Sawas

Elder D. Todd Christofferson en Pwihn en Wahnparon Ehk-riemeno padahngki me; “Sises ketin sapwellimankihda minimin unsek ong Semeo ni Ah ketin pwilikihdi Kahlepe, paliwar oh palingehn, en kapwaiahda kupwuren Semeo.”

“… Mehlel kitail sohte pahn kak ehuieng Koht oh Krais lau kitail wiahkihla Kupwurera oh sapwellimara koasoandi atail anahn keieu laud. Soangen mwekid karakarahk wet sohte kak pweida nan rahn ehu te, ahpw sang ni kaweid en Ngehn Sarawi oh Kauno ma kitail pwungki, mwurin ansou kis, kitail kak nda me E ketin ketiket rehtail duwehte en Sahmo ketin ketiket Reh.”1

Linda K. Burton, Presiden Lap en Pwihn en Sawas en Lih, padahngki duwen alahldi en ehupene wet: “Wiahda oh kolokol atail inou kan wia ehu kasansalpen atail inengieng duwehla Sounkomouro. Keieu kitail anahne alasang wiewia me koasoiepe sansal nan koul kaselelo; I pahn kohla wasa me komwkupwurki ien kohla ie. … I pahn nda dahmekomw kupwurki ien nda. … I pahn duwehla dahme komw kupwurki ien duwehla.”2

Elder Christofferson pil katamanehng kitail ehr me “ni ansou me kitail pahn nantihong nan rahn akan oh wihk kan pwe kitail en idawehn ahl en Krais, pali ngenitail kin alehdi nsenamwahu, oh kin powehdi kasongosong kan.”3

Neill F. Marriott, Sounsawas Keriau nan Presidensi Lap en Peinakapw kan, wia kadehdehn kapai kan en nantiong kakainene atail wiewia ong kupwuren Koht: “I nannantiongehr ien kauhdi pein ahi ineng en wia mehkan nin duwen nsenei, I apw diaradahr me pein nsenei kan me inenin sohte katepe, sohte itar, oh sohte ekis karani kupwuren Sises Krais. ‘Kupwuren Samatail Nanleng iei ahl me kahlwalahng popohl nan mour wet oh mour soutuk nan mour kohkohdo.’”4 Kitail nantiong karakarahkidi pwehn ehuiengala Samatail Nanleng oh Sapwellime Ieros, Sises Krais.

Pwuhk Sarawi oh Ire Kapatapat kan

Sohn 17:20–21; Episos 4:13; Doctrine and Covenants 38:27; reliefsociety.lds.org

© 2017 by Intellectual Reserve, Inc. Kolokol pwuhng koaros. Ntingdahr nan USA. Kamanaman ong lokaiahn wai: 6/17. Kamanaman ong kawehwe: 6/17. Kawehwehpen Visiting Teaching Message, July 2017. Pohnpeian. 97927 885

Iren sawas akan

  1. D.Todd Christofferson, “That They May Be One in Us,” Liahona, Nohpempe 2002, 72, 73.

  2. Linda K. Burton, “The Power, Joy, and Love of Covenant Keeping,” Liahona, Nohpempe 2013, 111.

  3. D. Todd Christofferson, “That They May Be One in Us,” 71.

  4. Neill F. Marriott, “Yielding Our Hearts to God,” Liahona, Nohpempe 2015, 32.