iVaqa ni Veisiko, Sepiteba 2017
Na Yalo e Duavata
Vulica ena masumasu na itukutuku oqo ka vakasaqara na veivakauqeti mo kila na ka mo wasea. Ena vakarautaki ira vakacava na luvena yalewa na Kalou kina veivakalougatataki ni bula tawamudu na kena kilai deivaki na inaki ni iSoqosoqo ni Veivukei?
Vakabauta Matavuvale Veivukei
“A sa vakatokai ira na nona tamata na Turaga ko Saioni, ni ra sa yalovata ka duavata ena nodra vakasama, ka ra kitaka na ivalavala dodonu; a sa sega vei ira sa dravudravua” (Mosese 7:18). E rawa vakacava meda na dua bau?
Elder M. Russell Ballard ena Kuoramu ni iApositolo Le Tinikarua, “Ena uto ni vosa na veisorovaki na vosa na dua. Kevaka eda kila matata na tamata taucoko na ka oqo, ena sega ni dua eda na leqataka, veitalia na yabaki, kawatamata cava, tagane se yalewa, matalotu cava se bula vakaveimalawai kei na ituvaki vakailavo. Eda na saga me vakatatamuria na Vakabula io eda na rawa nida sega vakadua ni cakava na vakarau ca, vakaduiduitaki dua, viavialevu, se sega ni vaka itovo vei ira na tani.”1
E vakavulica kina o Peresitedi Henry B. Eyring, Matai ni Daunivakasala ena Mataveiliutaki Taumada: “sa tu vata ga kei keda [na] Yalotabu sai koya na noda dusimaki ka vakasalataki ena Yalo Tabu [ena] veisiga ni noda bula. … Na Yalo ni Kalou e sega ni dau vakavure veileti (raica 3 Nifai 11:29). …Ena kauta mai edua na vakacegu kei na yalo ni duavata kei ira na tani.”2
Ni vosa tiko me baleta na veidredre era sotava na vuvale e kaya o Carole M. Stephens, a veiqaravi voli vaka Matai ni Daunivakasala ni Mataveiliutaki Raraba ni Soqosoqo ni Veivukei: “Au se sega mada ni lako curuma na veisere ni vakamau, na mosi kei na veilecayaki, e yaco ena veibiu, se na itavi e oka vua e dua na tina sega ni vakamau. Au se bera mada ni sotava me mate na luvequ lailai, sega ni vakaluveni, se domona e dua keirau mataqali vata. Au se bera mada ni vosota na rarawa ni veivakacacani, tauvimate levu, se vakatotogani tu. Oqo era a sega ni noqu madigi meu kaloci kina.
“… Ia ena noqu lako curuma na veivakatovolei kei na dredre … au sa kila vinaka e Dua e kila na kena ibalebale. … Me ikuri, au sa sotava na veivakatovolei taucoko ni veika vakayago, au sa vakamacalataka toka, mai na ituvaki niu luvena yalewa, tina, budra, tacina yalewa, nei, ka itokani.
Na noda madigi na luvena yalewa veiyalayalati vata kei na Kalou e sega walega meda vuli mai na noda bolebole; ia meda duavata ena vakasama kei na yalololoma meda tokoni ira na lewe ni matavuvale ni Kalou ena nodra sasaga, me vaka eda sa yalataka meda cakava.”3
iKuri ni iVolanikalou kei na iTukutuku
© 2017 mai na Intellectual Reserve, Inc. Dodonu kece e taqomaki. Tabaki e Amerika. Vakadonui me Vakavalagi 6/17. Vakadonui me vakadewa: 6/17. Vakadewa ni Visiting Teaching Message, July 2017. Fijian 97929 858