Klumech er a Oldingel e Olisechakl, Ongetiu el Buil 2017
Oba Tal Reng
Mosuub er tial tekoi lokiu a nglunguuch e mosiik el mo medengelii a bo mobang lolisechakl. Ng mekera sel klemedengei el kirel a moktek er a Relief Society a le kedmekelterir a rengelekel a Dios el redil el mo ngmai a klengeltengat er a diak a ulebengelel klengar?
Klaumerang Telungalek Ngeseu
“Ea Rubak a ulemekedong er a rechedal el kmo zion, le tir el mle ta rengrir me a tal uldasou, e kiliei el ngara llemalt; e dimlak a chebuul er a delongelir” (Moses 7:18). Kede mekerang e mo tang?
A Elder M. Russell Ballard er a Chelechad er a Teruich me a teru el Apostol a millekoi el kmo: “Sel kmal techel a belkul er a tekoi er a Merikel e a tngakireng a belkul a kmo tang. Omko rokui el chad a mo medengelii tiang, e ng diak a chad el diak bo domdasou el kirel, el diak el iior er a rekil, chad er ker el beluu, sechal malechub e ng redil, klechelid er n gii, malechub a deruchelel er a beluu me a buai. Kede mo melasm lomekesiu er a Osobel e diak bol mekngit a blekerdeled, diak bo el ngodech omerelled, diak bo lak dongull, malechub e bo lak domdasou el kirir a rebebil.”1
A President Henry B. Eyring, el Kot el Counselor er a First Presidency, a ulisechakl el kmo: “A rechedak [sel] loba Chedaol Reng er a delongelir, e [te] kirir el mo tang. … A Chedaol Reng er a Dios a diak el sebehcel muchel a mondai (mesa 3 Nephi 11:29). …Ng mekrolid el mo er a budech e mo omelchesiu el tang lobengterir a rebebil.”2
Sera longedecheduch el kirel a mondai er a telungalek, e a Carole M. Stephens, el mle Kot el Counselor er a Cherrengelel a Cheldellel a Relief Society, a millekoi el kmo: “Ng dirkak kiei el mo mesa dertel a chebechilek, ringel me a sebek reng el kirel sel decheloit, malechub a berredel a ngerachel sel doungalek e demesobil chedil. Ng dirkak a ngelekek el mad, malechub e lak kumechell el redil, malechub el soak lousechelei er a redil. Ng dirkak siseb er a ringel, oberaod el secher, malechub a mekngit el kse. Aikaikid a dirkak bo er ngii el teletael.
“… E ng din g uaisei el ringel me a ongarm er a klengar ngak …a mla rullak el mo ungil medengelii ngike el Chimong el ngii a medengei. … Osisiu, e ak mla chuarm aike el rokui el skeng er a klengar er a beluulechad el blak basech lokiu a ngelekek el redil, delak, delak el mechas, odos er ngak, anti, me a sechelik.
“Sel techelled el meruul a telbiil el ngelekel a Dios el redil a diak di dengai a klubeled er a ikel desiseb er a chelsel ongarm; ng dirrek el lomudech er kid loba chubechub sel dosebechakl er a rebebil el chedal a telungalek er a Dios el tir a ngara chelsel a ringel.”3
Bebil er a Chedaol llechukl me a Tekoi
Johanes 17:20–23; Efesus 4:15; Mosiah 18:21–22; 4 Nephi 1:15
© 2017 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/17. Kengei er a oidel: 6/17. Oidel a Visiting Teaching Message, September 2017. Palauan. 97929 881