Mbabun

Erekaa Ewuradze Dabiara

Anyɛnkofo, fie adzeyɛ, skuul adzesuã a wɔyɛ no wɔ fie, TV—ndzɛmba pii wɔ hɔ a wɔgye hɛn mber. Naaso dapɛn biara, yɛbɔ Ɔsor Egya anohoba “dɛ aber nyina [yɛ] kaa [Ne Ba, Jesus Christ]” (N&A 20:79).

President Eyring kãa dɛ “yebotum “ayɛ nsanmuyi dabiara” a ɔbɔboa hɛn ma yɛkaa Agyenkwa no. Susu ho dɛ ebɛyɛ wo botae bosom yi dɛ ebɛkaa Agyenkwa no yie dabiara. Ibotum ayɛ bosoom no mu nhyehyɛɛ esiado dze esi nkitse dze ayɛ adzekor dabiara a ɔbɛma enye No hɔn nkitahodzi mu ayɛ dzen. President Eyring akyerɛw ndzɛmba nkorkor binom tse dɛ erekenkan kyerɛwsɛm, erobɔ mpaa wɔ gyedzi mu, nye erosom Agyenkwa na binom. Afei so journal mu nkyerɛwee, erokɔ Asɔr nhyiamu, eretsie wiadze mfɛndzanan ehyiadzi, erokɔ temple, erotow asɔr ndwom---na dza wɔakyerɛw a ɔtoa do. Ber a yɛkaa Agyenkwa no daa daa no, President Eyring bɔ hɛn anohoba dɛ “nhyira no … no bɔkɔ do aba berɛww … [na] ɔbɛsakyer hɛn ma yɛabɛyɛ Ewuradze Jesus Christ esuafo anokwafo.”