Visiting Teaching Amandzɛɛbɔ, Ɔbɛsɛ 2017
Edze Ɔdɔ Rofoa Hɔn a Wɔatɔ Dɔnsuar
Mpaabɔ mu ara sũa adzesũadze yi na hwehwɛ dɛ ibohu dza ibɛkyɛ. Yɛretse Relief Society no botae ase no besi dɛn esiesie Nyankopɔn mbabaa no ama onnyiewiei nkwa ho nhyira?
Gyedzi, Ebusua, Mboa
President Dieter F. Uchtdorf, Ɔpamfo a Otsĩa Ebien wɔ President a Odzi Kan na n’Apamfo kãa dɛ “Nokwarsɛm no nye dɛ ebusua ebusua biara nnyi hɔ a wodzi mu krɔnn … .” “Ɔhaw biara hom ebusua rehyia no, adzebiara otwar hom bɛyɛ dze esiesie no, nyiano n’ahyɛse na n’ewiei yɛ ayamuyie, Christ no dɔ mapã no.”1
Ɔfa hɔn a wɔmmfa hɔn ho nnhyɛ asɛmpa no mu emudzi mu no, Linda K. Burton, a nkyɛ ɔyɛ Widze Mfɛndzanan President wɔ Relief Society, kaã dɛ: “Ɔsor Egya dɔ Ne mba nyinara. … Ɔmmfa ho mbrɛ wɔwɔ biara—wɔnam anaa woefi anamɔn kwan no do no—Ɔpɛ dɛ wɔsan ba fie.”2
President Joseph F. Smith (1838-1918) kyerɛkyerɛɛ dɛ “Dɛ mbrɛ [wo mba] esi ayɛ asokyew biara no, … sɛ erekasa kyerɛ hɔn a, mma nnyɛ no ebufuw mu, mma nnyɛ no dzendzenndzen, wɔ afɔbu sunsum mu.” “Kasa kyerɛ hɔn anyɛnkoyɛ mu.”3
Elder Brent H. Nielson a ɔkã Eduosuon ho no sanee kyerɛɛ Agyenkwa ne nkyerɛkyerɛ a ɔdze maa hɔn a wɔwɔ ndwetɛ 10 na wɔyew mu kor no bio: “Hom nhwehwɛ kesi ber a hom bohu. Sɛ nyia ɔayew no yɛ wo babanyin anaa wo babaa, wo nuabanyin anaa nuabasia a, …dza yebotum ayɛ nyina ekyir no, yɛmfa hɛn akoma nyina ndɔ nyimpa no. …
Nkyɛ emi na hom nyina yebenya nyikyerɛ ama yeehu kwan pa a yɛdze bɛbɛn hɔn a wɔwɔ hɛn abrabɔ mu a wɔayew, na sɛ ho hia a, yebenya abotar na ɔdɔ a ofi Hɛn Egya a ɔwɔ Sor, na Ne Ba Jesus Christ, dɛ yɛdɔ, yɛweɔn, na yɛtweɔn dzesɛɛfo no.”4
President Henry B. Eyring, Ɔpamfo a Odzi Kan wɔ President a Odzi Kan na n’Apamfo mu, kãa dɛ: “Medze gyedzi abɔ mpaa dɛ obi a madɔ no bɔhwehwɛ na ɔatse tum a ɔwɔ Werdambɔ mu no ne nkã. Medze gyedzi abɔ mpaa dɛ nyimpa abɔfo bɛba abɛyɛ hɔn mboa, na wɔbae.
“Nyankopɔn ayɛ akwan a Ɔdze gye Ne ba biara nkwa,”5
Kyerɛwsɛm na Nsɛm a Ɔkã ho
© 2017 by Intellectual Reserve, Inc. Wɔakora do tumdzi nyina. USA na Wotsintimii. English approval: 6/17. Translation approval: 6/17. Visiting Teaching Message, October 2017. ne nkyerɛasee Fante. 97930 502