Vrouebesoek-boodskap, Desember 2017
Gewillig om Mekaar se Laste te Dra
Bestudeer hierdie materiaal biddend en vra om inspirasie om te weet wat om te deel. Hoe sal ʼn begrip van die doel van die Verligtingsvereniging dogters van God help om voor te berei vir die seëninge van die ewige lewe?
Geloof, Familie, Verligting
“Ons is omring deur diegene wat ons aandag benodig, ons aanmoediging, ons ondersteuning, ons troos, ons goedheid,” het President Thomas S. Monson gesê. “Ons is die Here se hande hier op aarde, met die opdrag om te dien en sy kinders op te hef. Hy is afhanklik van elkeen van ons.”1
President Henry B. Eyring, Eerste Raadgewer in die Eerste Presidensie, het gesê: “ʼn Groot verandering het in jou hart plaasgevind toe jy besluit het om by die Kerk aan te sluit. Jy het ʼn verbond gesluit, en jy het ʼn belofte ontvang wat jou hele aard begin verander het. …
“… Jy het belowe dat jy die Here sou help om [ander se] laste ligter te maak en hulle te vertroos. Jy is die mag gegee om te help om daardie laste ligter te maak toe jy die gawe van die Heilige Gees ontvang het.”2
“Ons wil die lig van die evangelie gebruik om ander mense te sien soos wat die Saligmaker hulle sien—met barmhartigheid, hoop, en naasteliefde,” het Jean B. Bingham, die Algemene President van die Verligtingsvereniging gesê. “Die dag sal kom wanneer ons ʼn volledige insig sal hê in die harte van andere en sal dankbaar wees wanneer genade aan ons betoon word—net soos wat ons mensliewende gedagtes en woorde aan andere toon. …
“Ons verpligting en voorreg is om verbetering in elkeen aan te gryp terwyl ons strewe om meer soos ons Saligmaker te word.”3
Terwyl ons mekaar se laste dra en ons verbonde onderhou, maak ons die weg oop vir Christus om andere te genees. Ouderling Jeffrey R. Holland van die Kworum van die Twaalf Apostels het geleer dat: “Wanneer ons die onbegryplike prys van die Kruisiging en die Versoening in ag neem, belowe ek jou dat Hy nie nou sy rug op ons sal draai nie. Wanneer Hy aan die armes in gees sê, ‘Kom na My toe,’ bedoel Hy dat Hy die pad uit en die pad op ken. Hy ken dit want Hy het dit al self geloop. Hy ken die pad want Hy is die weg.”4
Addisionele Skrifgedeeltes
© 2017 deur Intellectual Reserve, Inc. Alle regte voorbehou. Gedruk in VSA. Engelse goedkeuring: 6/17. Vertalingsgoedkeuring: 6/17. Vertaling van Visiting Teaching Message, December 2017. Afrikaans. 97932 501