Visiting Teaching Fapem, Sanda 2018
Enye Akyerɛbaa no Ndzi Nkitaho Ber Biara, Beebiara, Kwan Biara Mu
Visiting Teaching fa ɔsom ho. Jesus somee ber biara na wɔ beebiara. Yebotum ayɛ dɛmara.
“Yɛbɔsom’’ nye dɛ yɛsom, ɔfa hɛn ho, anaa yɛma mboa a ɔkyekye obi ne werɛ anaa ɔma no enyigye. Visiting Teaching fa yɛrohwehwɛ akwanhorow dze asom hɔn a yɛserɛ ho asɛm. Jesus Christ somee obiara—ber biara na wɔ beebiara. Ɔnyeen 5,000 no, kyekyee Mary na Martha hɔn werɛ ber a hɔn nuabanyin wuii, na Ɔdze N’asɛmpa no kyerɛkyerɛɛ ɔbaa no wɔ bura no ho. Ɔyɛe osian No nokwar ɔdɔ ntsi.
Yeridzi Ne fasusu do no, dɛ yɛyɛ visiting teacherfo no yebotum ebohu na yɛadɔ akyerɛbaa biara a yɛserɛ no, a yɛrekaa dɛ ɔdɔ nye dza yɛyɛ nyina ne fapem. Sɛ yɛbɔ mpaa nya nkenyan dze hu mbrɛ yebesi asom akyerɛbaa no na yɛaboa no ahyɛ ne gyedzi dzen a, “wonnkotum esiw abɔfo no kwan dɛ wɔbɛyɛ [ hɛn] aboafo.’’1
Ofitsi Relief Society ne nhyehyɛɛ wɔ afe 1842 dze besi ndɛ no, mbaa hɔn som ehyira abrabɔ. Mfatoho, Joan Johnson, mfe 82- kunafo bi, na ne visiting teaching nyɛnko serɛ hɔn fipamfo bi a oedzi mfe 89 na ɔwɔ mfẽmu yarba. Wotumii hun dɛ hɔn fipamfo no nnhia hɔn prɛko pɛr wɔ bosoom mu ara, ntsi no wɔhyɛɛ ase dɛ wɔkɛsera no anaa wɔfrɛ no foon do dapɛn biara.
Visiting teacherfo binom dze, wɔrekyerɛw “text”, “email” dze rema nkuranhyɛ botum ayɛ adze papa a wɔbɛyɛ ama akyerɛbaa bi wɔ dɛm bosoom no. Hɛnankasa reserɛ no na yɛdze ɔdɔ su retsie no yɛ visiting teaching su tsitsir. Abaaefo mfir na mber a wodzi do nyimpa hɔ serɛ boa hɛn ma yɛyɛ no ber biara, beebiara,na wɔ akwan horow mu.2 Iyi nye som no a Jesus dze soomee no.
© 2018 by Intellectual Reserve, Inc. Wɔakora do tumdzi nyina. Wotsintsimii wɔ USA. English approval: 6/17. Translation approval: 6/17. Visiting Teaching Principles, January 2018. ne Nkyerɛasee Fante. 15045 502