Mbabun

Bɔ Adwenpɔw Nu Woho

President Monson kyerɛkyerɛ mu dɛ “hɛn asodzi nye dɛ yepegya fi mbrɛwyɛ mu kɔ abɔso mu, fi nkogu mu kɔ konyimdzi mu.’’ Hɛn edwuma nye dɛ hɛnara yebedzi mu ara yie.’’ Nyimpa dodowara tu Sanda bosoom si hɔ yɛ mpontu ho botae horow na adwenpɔw horow: dɛ wɔbɛyerɛw hɔn ano yie, wobedzi edziban papa, anaa woesua nsaano edwuma fofor bi. Ber a botae yinom botum aboa wo ma asesã ayɛ papa no, kwan papaapa a idze bɛsesã nam nnuhu do.Nnuhu

botum ayɛ dzen dze, naaso ɔyɛ akyɛdze! Ber a yɛdan Jesus Christ dze nu hɛn bɔn ho no, yetum yenyin na yɛkɔ kan. President Monson kãa dɛ,’’ Nyia ohia tsitsir wɔ [nkwagye] nhyehyɛɛ mu yɛ hɛn Agyenkwa, Jesus Christ. Ɔnnyɛ No werdam afɔrbɔ no a, nkyɛ obiara ayew.’’ Ɔnam nnuhu do, wobotum ahohor atsew hom bɔn efi hɔ na hom enyin abɛyɛ tse dɛ Ɔno.

Dwen adze bi a ebia orisiw wo kwan ma nnkɛyɛ tse dɛ Agyenkwa no ho. Ana ɔyɛ wo kasaae? Mbrɛ isi hwɛ w’anyɛnkofo anaa w’ebusua? Adwen dza ibotum ayɛ dze etu mpon ho ekyir no, bɔ mpaa ma Ɔsor Egya na da wo pɛ dɛ isesã no edzi. Kaa dɛ ɔnam No Werdambɔ no tum do no, Jesus Christ botum aboa wo ma ahyɛ wo mberɛwyɛ do. Dɛ mbrɛ President Monson kyerɛkyerɛɛ no “Nnuhu akyɛdze no, a hɛn Agyenkwa dze mae no, ma hɛn tum ma yɛtsentsen hɛn akwan.’’