2018
Unungat Mettoch ne Chechemeni
February 2018

Serafo

Unungat Mettoch ne Chechemeni

Ewe kapas chechemeni a pwa fan chommong me non ewe Puken Mormon. Nifai a pesei pwin kewe ar repwe chechemeni ifa usun Kot a fen amanaua ar kewe neuo. King Benjamin a tingorei noun kewe aramas ne chechemeni an Kot napanap. Me Moronai a auroura noun chon annea ne chechemeni usun umoumouchun ewe Samon.

Chechemeni ewe Chon Amanau mi auchea—sia pwan fori pwon mi pin ne chechemeni I iteiten sia angei ewe sakrament. Preseten Eyring a pese kich ne chechemeni ekkei unungat mettoch fansoun ewe sakrament:

  1. Chechemeni Jises Kraist: Anea pukefel usun ifan an ewe Chon Amanau angang me pwarano tong ngeni ekkoch. Ifa usun oua mefi An tong? Ifa usun oua tongeni angang me pwarano tong ngeni ekkoch usun chok ewe Chon Amanau a fori?

  2. Chechemeni met mi auchea ngonuk ne foriochu: Ekieki usun ami we wik a fen wesino ren netip niemam. Finata ew mettoch oua tongeni siwini, me makketiw ifa usun oupwe fori ena epwe ochuno. Watiw met ekkewe oua mochen angang ngeni ikewe oupwe kuna fan chommong.

  3. Chechemeni ewe fefeita oua fori: Tingorei Kot epwe anisuk ne kuna ewe fefeita mi och oua fori. Makketiw ifa usun oua mefi.

Sise unusoch, nge ewe Chon Amanau mi sinei ena. Ina pwata I a tingorei kich ne chechemeni I. Ach chechemeni I a awora ngeni kich apinukunuk me anisi kich ne mochen ochuno. Pwan mwo fansoun nupwen sise chechemeni I, Preseten Eyring a apasa, “I epwe chechemeni kemi fansoun meinisin.”