iTabagone

Tolu na Ka mo Nanuma

Na vosa nanuma e laurai vakavuqa ena iVola i Momani. E a vakayaloqaqataki ratou na tuakana ko Nifai me ratou nanuma na nona vakabulai ira na nodratou qase na Kalou. Ko Penijamini na Tui e a kerei ira na nona tamata mera nanuma na cecere ni Kalou. E vakasalataki ira na wilika nona ivola o Moronai mera nanuma na yalololoma ni Turaga.

Sa ka bibi na noda nanuma na iVakabula—eda veiyalayalati mada ga meda nanumi Koya ena gauna vakayadua eda vakayagataka kina na sakaramede. E sureti keda o Peresitedi Eyring meda nanuma na tolu na ka oqo ena gauna ni sakaramede:

Nanumi Jisu Karisito: Wilika ena ivolanikalou se a veiqaravi vakacava na iVakabula ka vakaraitaka vakacava na loloma vei ira na tani. O vakila vakacava na Nona loloma? O na rawa beka ni veiqaravi se vakaraitaka vakacava na loloma vei ira na tani me vaka ka dau cakava na iVakabula?
Nanuma na ka e dodonu mo cakava vakavinaka cake: Vakananuma na macawa sa sivi ena yalo ni veivutuni. Digitaka e dua na ka ko rawa ni veisautaka, vola se ko na vakavinakataka vakacava. Mo qai biuta na ka ko vola mo cakava ena vanua ko rawa ni raica kina vakawasoma.
Nanuma na toso ko sa cakava tiko: Kerea na Kalou me vukei iko mo raica na toso vinaka ko sa cakava tiko. Vola na cava o vakila.

Eda sega ni vinaka sara, ia e sa kila tiko oya na iVakabula. O ya gona na vuna e kerei keda kina meda nanumi Koya. Na noda nanumi Koya ena solia vei keda na vakanuinui ka vukei keda me da vinakata meda vinaka cake. Ena veigauna mada ga e dau luluqa kina na noda nanumi Koya, e kaya o Peresitedi Eyring, “Sa dau nanumi iko tu ga o Koya.”