Kairake

Teniua Bwaai aika Ko na Ururingii

Te taeka uringnga e mwaiti kaotina n ana Boki Moomon. Nibwaai e kaungaia tarina bwa a na uringa aron te Atua n tia ni kamaiuia aia bakatibu. Te Uea Beniamina e tuangiia ana aomata bwa a na uringnga korakoran te Atua. Ao Moronaai e tuangiia ana taan wareware bwa a na uringa aron ana nanoanga te Uea.

Ururingan te Tia Kamaiu e kakaawaki—ti berita naba bwa ti na Ururingnga n tainako ni katoa te tai are ti kana iai te toa. Beretitenti Eyring e kaoira bwa ti na ururingii bwaai aika teniua aikai n tain te toa.

1. Ururinga Iesu Kristo: Wareki koroboki aika a tabu n rongorongon te Tia Kamaiu ni beku ao ni kaota ana tangira nakoia tabeman. Ko kanga n namakina Ana tangira? Ko kanga ni beku ao ni kaota am tangira nakoia tabeman n aron are e karaoia te Tia Kamaiu?

2. Ururinga te bwai ae ko riai ni katamaroa riki: Iangoa kanoan te wiiki ae nako ma te rairannano. Rinea teuana te bwai ae ko kona ni bitia, ao koreia bwa ko na kanga ni katamaroa. Katuka am kouru n te tabo ae ko kona n nooria iai n tainako.

3. Ururinga te rikirake are ko karaoia: Butiia te Atua bwa e na buokiko n noora tamaroan te rikirake are ko karaoia. Korea aron am namakin.

Ti aki kororaoi, ma te Tia Kamaiu e ataa anne. Anne bukina e tuangiira bwa ti na ururingnga. Ururingana e anganiira te kantaninga ao e buokiira bwa ti na tangiria n rikirake. Riki n taai ake ti kabwaka iai n uringnga, Beretitenti Eyring e taku, “E ururingngko n tainako.”