Ministering

Karihngihn Ip Yohk, Julahe 2018

Saplaklac ke Pahkomuhta

Ke kom ukwe srihkasrak luhn Mwet Lahngo ke pahkomuhta, kom ac konwacack lah kom kuh in oraclah eklac ke moul luhn mwet sahyac uh.

Pahkomuhta pa sie akihlen ke ongaiyac luhn mwet sahyac wi sie kena in ahkmuhlahlahye kuh ahkwoye. Sie olwelah in ukwe Mwet Lahngo pa sie olwelah luhn pahkomuhta in “us ma toasr luhn kais sie” (Mosiah 18:8). Sie kunohkohn in karihngihn mwet sahyac pa pacl wowo se in luti oacna ke Leum El ac oruh: ke “pahkomuhta, oraclah sie eklac” (Jude 1:22). Leum El sapkihn, “Kowos in kulang ac pakoten nu sin sie sin sie” (Zechariah 7:9).

Pahkomuhta luhn Mwet Lahngo

Pahkomuhta pa kuh in pahtok se ke luti luhn Mwet Lahngo (liye sidebar: “Mwet Lahngo Pahkomuhta Se”). Pahkomuhta Lal nuh sin mwet Wiyacl oruh Elan saplaklac nuh selos ma Raunwellah ke pacl puhs tiac kuh in oacwaclah. Akihlen enenuh ac kena luhn mwet uh, El kuh in ahkinsewowoyaclos ac lotwelos ke ohiyac ma ac wo emet nuh selos. Kena luhn Mwet Lahngo in sruhkkuhtyak liki ongaiyac lasr uh kol nuh ke mukwikwi sahflah luhn pahkotwen uh: Iwaclah luhn ma koluk ac kweok luhn mwet uh.

Luhpan kuh Lal in suhpang enenuh luhn mwet uh pa ma se ma kuht kuh in kwacfweacng nuh kac ke kuht kuhlwacnsap uh. Ke kuht moul in suwohs ac porongo moklweyuck luhn Nguhn uh, kuht ac pihrihkyuck in saplaklac ke ohiyac oasr srihpac.

Olwelah Lasr ke Pahkomuhta

Pahpah Inkuhsrao El kena tuhlihk Nahtuhl in pahkotwen (liye Sie Corinth 12:25 27). In eklac mwet tuhma lutlut pwacye, kuht enenuh in ahkyohkye ac ahkkahlwemye pahkomuhta nuh sin mwet sahyac, yohkna elos ma enenuh (liye D&C 52:40).

Eis nuh facsr inen Jisus Kraist ke olwelah lasr ke pacptais, kuht oraclah mwe loh lasr lah kuht luhngse in orekmakihn pahkomuhta. Prestuhn Henry B. Eyring, Mwet in Kahsruh Ahkluo ke Prestuhnsi Se Met, luti lah mwe sang luhn Nguhn Muhtahl kahsrwe kuht oruh ohinge: “Kom sie mempucr olwelah ke Alu luhn Jisus Kraist. …

“Pa oruh oasr sum sie puhla nuh ke kena in kahsruh sie kampare in kihluck nuh met ma oasr sel sie luhpan ahsor ac ma upac uh. Kom olwelah muh kom ac kahsruh Leum oruh ma toasr lalos in muhlahlah ac in puhla wo. Tuh utuckot kuh se nuh sum in kahsruh ahkmuhlahlahye ma toasr ingacn pacl se kom tuh eis mwe sang luhn Nguhn Muhtahl ah.”¹

In mwe srihkasrak, tahmtahel Russia se tuh puhlakihn elyah na upac se ke sucu lal ah ma tuh kutongilyac elan tiac wi alu loes likina yac se. Sie pac tahmtahel ke sie pracns saplaklac ke pahkomuhta ke Sacnri nuh kwewa pahnglol in fahk nuh sel ke sramsram, lesin, pahng nuh ke misin, tuhlihk isuslac, ac kuhtuh pac nus ke pracns sac. Ke elyah se ke sucu luhn tahmtahel muhta na lohm ah sac ahkwoyeyucklac ah, el tuh puhla oacna elan srackna ipin pracns sac ma ke pahng ke wik nuh kwewa luhn kawuck se lal ah.

© 2015 sel Intellectual Reserve, Inc. All rights reserved. Sihmlac fin acn USA. Ahkkweyeyucklac ke kahs English: 6/17. Ahkkweyeyucklac ke Lweng: 6/17. Lwenglah luhn Ministering Principles, July 2018. Kosraean. 15050 868

Mwe Kahsruh

1. Henry B. Eyring, “The Comforter,” Liahona, May 2015, 18.

Nuhnak Ahkosr nuh ke Ahkyohkyeyacn Pahkomuhta uh

Ke pahkomuhta uh wacna yohkwelihk tukun kuht puhlakihn srihkeyuck lasr sifacna uh, oasr kuhtuh ma suc kuht kuh in oruh mihsenge in ahkyohkye pahkomuhta uh. Nuhnkuh ke ohiyac ma kom kuh in orekmakihn ip yohk ahkosr inge uh:

• Pruhe kac. Ke kom nguhsr nuh sin Pahpah Inkuhsrao, El ac ikacslah insiyom, ac “kom eklac puhla sie nuhnak na pwacye ke kahsruh netok ac engan luhn mwet sahyac uh” (Preach My Gospel: A Guide to Missionary Service [2004], 118; liye pac Moroni 7:48).

• Pracktisi Kom kuh in ahkkahlwemye pahkomuhta ke lohng ac kahlwem. Eiskomyang sifacna nuh ke elyah lalos na nuhnkuh lah elos ac kuh in puhla fuhkah. Fin fal nuh ke elyah ac pacl an, kom kuh in siyuck in kahsruh ahksrihkye ngal, kweok, kuh ongaiyac lalos an.

• Ukwe moklweyuck uh. Leum El kuh in fahkwack nuh sesr ohiyac in ahkkahlwemye pahkomuhta ma kuht ac koflah in etuh sesr sifacna. Ke kom puhla sie pahtok srihsrihk luhm Nguhn in kahsruh mwet sahyac uh, nimet wetok in oruh.

• Srihke in sie kawuck. Ahkkahlwemye pahkomuhta uh kuh in fihsrwacsr oacna ahkkahlwemyeyacn pwacr na pwacye ke moul luhn mwet uh. Luti in porongo in wo (liye “Ministering Principles: Five Things Good Listeners Do,” Liahona, June 2018, 6–9). Luhngse lom nuh selos ac yohkwelihk, na ac fihsracsrlah in akihlen ohiyac in ahkkahlwemye luhngse sacn.

Sie Mwet Lahngo Pahkomuhta

Nuhnkuh in lutlut ke kuhtuh ma suhmuhslah inge in liye lah pahkomuhta luhn Jisus Kraist Moklacl fuhkah Elan unwe, ahkinsewowoye, ac luti elos ma oasr Yohrohl ke pacl in luti Lal: Matthew 9:35–38;14:14; 18:27, 33; 20:30–34; Mark 1:40–42; 5:19; 6:30–42; 9:22; Luke 7:13; 10:33; 15:20.

Luti ip yohk uh ma in kahsrwe kuht in etwaclah in karihngihn sie sin sie—tiac ma in akacsruhi ekihn pweng se na. Ke kuht eklac etuh elos ma kuht kuhlwacnsuhpuh, Nguhn Muhtahl ac moklwekuht in etuh pweng ma elos ac sahp enenuh in weacng luhngse ac pahkomuhta uh.