Ministering

Prinċipji tal-Ministeru, Lulju 2018

Nilħqu lil Ħaddieħor b’ Kompassjoni

Hekk kif intom timxu wara l-eżempju ta’ kompassjoni tas-Salvatur, issibu li intom tistgħu verament tagħmlu differenza fil-ħajja tal-oħrajn.

Il-kompassjoni tfisser li aħna nkunu konxji mit-tbatija ta’ ħaddieħor kif ukoll ikollna xewqa li nnaqsu jew intaffu dik it-tbatija. Patt li aħna lesti nimxu wara s-Salvatur huwa patt ta’ kompassjoni li lesti “nġorru t-tagħbija ta’ xulxin” (Mosiah 18:8). Essajnment li nħarsu lil ħaddieħor huwa opportunità li fiha aħna nistgħu nimministraw kif kieku jimministra l-Mulej: b’“kompassjoni, fejn nagħmlu differenza” (Ġuda 1:22). Il-Mulej talabna, “Uru tjieba u kompassjoni bħal aħwa lil xulxin” (Żakkarija 7:9).

Il-Kompassjoni tas-Salvatur

Il-kompassjoni kienet waħda mill-forzi fil-ministeru tas-Salvatur (araw fil-ġenb: “Salvatur Mimli Kompassjoni”). Il-kompassjoni Tiegħu lejn għajru wasslitu biex jgħin lil dawk ta’ madwaru f’ diversi okkażżjonijiet. Wara li kien jagħraf il-bżonnijiet u x-xewqat tan-nies, Huwa kien iberikhom u jgħallimhom skont il-bżonnijiet tagħhom. Ix-xewqa tas-Salvatur li jelevana ‘l fuq mit-tbatija tagħna wasslet għall-akbar att ta’ kompassjoni: l-Att tal-Fidwa Tiegħu għad-dnubiet u s-sofferenza tal-umanità.

Il-kapaċità Tiegħu li jwieġeb għall-bżonnijiet tan-nies hija xi ħaġa li nistgħu naħdmu għaliha hekk kif aħna naqdu lil ħaddieħor. Hekk kif aħna ngħixu b’ mod xieraq u nisimgħu mis-suġġerimenti tal-Ispirtu, aħna nkunu ispirati li nilħqu lil ħaddieħor b’ mod sinifikanti.

Il-Patt Tagħna ta’ Kompassjoni

Missierna tas-Smewwiet irid li wliedu juru kompassjoni (ara 1 Korintin 12:25–27). Biex insiru veri dixxipli, jeħtieġ li aħna niżviluppaw u nuru l-kompassjoni lejn ħaddieħor, speċjalment lejn dawk fil-bżonn (D&C 52:40).

Meta aħna nieħdu fuqna isem Ġesù Kristu permezz tal-patt tagħna tal-magħmudija, aħna nkunu qed nagħtu xhieda li aħna lesti li neżerċitaw il-kompassjoni. Il-President Henry B. Eyring, it-Tieni Kunsillier fl-Ewwel Presidenza, għallem li d-don tal-Ispirtu s-Santu jgħinna nagħmlu dan: “Inti membru tal-patt tal-Knisja ta’ Ġesù Kristu. …

“Għalhekk intom tħossu fikom li tridu tgħinu lil xi persuna li qed issibha diffiċli tibqa’ miexja ‘l quddiem minħabba n-niket u d-diffikultà li qed tiffaċċja. Intom wegħidtu li intom se tgħinu lill-Mulej itaffi t-tagħbija tal-oħrajn u jfarraġhom. Intom ġejtu mogħtija l-qawwa li tgħinu ttaffu dik it-tagħbija meta intom irċevejtu d-don tal-Ispirtu s-Santu.”¹

Per eżempju, waħda oħt ġewwa r-Russja kienet għaddejja minn sitwazzjoni diffiċli fil-familja tagħha li żammitha milli tattendi l-knisja għal aktar minn sena. Oħt oħra fl-istess fergħa wriet il-kompassjoni magħha billi kull nhar ta’ Ħadd kienet iċċemplilha biex taġġornaha dwar id-diskors, il-lezzjonijiet, is-sejħiet għall-missjoni, it-trabi li jkunu twieldu u xi aħbarijiet oħra tal-fergħa. Meta s-sitwazzjoni fil-familja ta’ din l-oħt, li ma setgħetx toħroġ mid-dar, irrisolviet ruħha, hija ħassitha li hi xorta waħda kienet għadha parti mill-fergħa minħabba t-telefonati ta’ kull ġimgħa tal-ħabiba tagħha.

© 2018 minn Intellectual Reserve, Inc. All rights reserved. Stampat fil-Ġermanja. Approvazzjoni bl-Ingliż: 6/17. Approvazzjoni tat-traduzzjoni: 6/17. Traduzzjoni ta’ Ministering Principles, July 2018. Maltese. 15050 159

Nota

1. Henry B. Eyring, “The Comforter,” Liahona, Mejju 2015, 18.

Erba’ Suġġerimenti kif Niżviluppaw il-Kompassjoni

Filwaqt li ħafna drabi l-kompassjoni tikber hekk kif aħna stess nesperjenzaw l-isfidi fl-ħajja tagħna, hemm ċerti ħwejjeġ li aħna llum nistgħu nagħmlu biex niżviluppaw il-kompassjoni. Ikkunsidraw ċerti modi kif intom tistgħu tapplikaw dawn l-erba’ prinċipji:

• Itolbu li tkunu mimlijin biha. Hekk kif intom titolbu lil Missierna tas-Smewwiet, Huwa jiftħilkom qalbkom, u “intom taslu biex tħossukom responsabbiltà b’ mod sinċier għall-benesseri etern u l-ferħ ta’ ħaddieħor” (Preach My Gospel: A Guide to Missionary Service [2004], 118; araw wkoll Moroni 7:48).

• Ipprattikawha. Intom tistgħu turu l-kompassjoni billi tisimgħu u tifhmu lill-oħrajn. Poġġu lilkom infuskom fis-sitwazzjoni tagħhom u kkunsidraw kif jistgħu jħossuhom huma. Jekk is-sitwazzjoni tkun waħda xierqa u l-mument ikunu wieħed opportun, intom tistgħu toffru li tgħinu tnaqqsu l-uġigħ, is-sofferenza u t-tbatija ta’ ħaddieħor.

• Imxu wara s-suġġerimenti. Il-Mulej jista’ jiżvelalna modi kif nistgħu nuru l-kompassjoni f’ sitwazjonijiet li aħna ma nkunux indunajna bihom. Meta intom tħossu fikom l-Ispirtu jnebbaħkom biex tgħinu lil ħaddieħor, toqogħdux taħsbuha biex tagħmlu xi ħaġa.

• Kunu ħabiba personali. Li aħna nuru kompassjoni tista’ tkun ħaġa sempliċi bħal li aħna nuru ġenwinament interess fil-ħajja ta’ dak li jkun. Tgħallmu isimgħu tajjeb lil ħaddieħor (araw “Prinċipji tal-Ministeru: Ħames Affarijiet li Jagħmlu Dawk li Verament Jisimgħu x’ Għandu Xi Jgħid Ħaddieħor,” Liahona, Ġunju 2018, 6–9). L-imħabba tagħkom lejhom tikber, u jkun aktar faċli li intom tagħrfu modi kif tistgħu turu l-imħabba.

Salvatur Mimli Kompassjoni

Ikkunsidraw li tistudjaw xi wħud minn din l-iskrittura biex taraw kif il-kompassjoni ta’ Ġesù Kristu wasslitu biex ifejjaq, ibierek u jgħallem lil dawk ta’ madwaru tul il-ministeru Tiegħu: Mattew 9:35–38; 14:14; 18:27, 33; 20:30–34; Mark 1:40–42; 5:19; 6:30–42; 9:22; Luqa 7:13; 10:33; 15:20.

Il-prinċipji tal-ministeru huma intenzjonati biex jgħinuna nitgħallmu nieħdu ħsieb xulxin—mhux biex naqsmuhom bejnietna f’ xi messaġġ. Hekk kif aħna nsiru nafu aħjar lil dawk li aħna nservu, l-Ispirtu s-Santu jgħidilna x’ messaġġ x’ aktarx għandhom bżonn li huma jisimgħu minbarra l-għajnuna u l-kompassjoni tagħna.