Yalen e Machib, July 2018
Ngan Pii’ e Ayuw u Fthik e Runguy
Nap’an ni garam laek wo’en fare runguy rok fare Tathapeg, gara piri’eg ni rayag rom ni ngam thilyeg e yafos rok boech e gidii’.
Runguy e woed ni yibe guy e tin nib t’uf rok boech e gidii’ nib mu’un ni yiba a’dag ni ngan motoyil fa ngan pii’ e ayuw. Ba motochiyel ni nga laek wo’en fare Tathapeg e ba motochiyel ko runguy ni “ngam ayuweged gimed ni nge yag ni ngam ba’ud gaed” (Mosiah 18:8). Ba murwel ni ngan gafaliy boech e gidii’ e reb e ngiyal’ ni rayag ni ngan machib ni rogon nra rin’ fare Somoel: nibay e “runguy, e pi’in yad be toruruw” (Jude 1:22). Me chiyliy Somoel, “Thingar mu t’ufeg nge wurengan’ ni bay thilmed ngomed” (Zechariah 7:9).
Runguy rok’ fare Tathapeg
Runguy e reb e ban’en ni machib nag fare Tathapeg (muguy ko sidebar: “A Compassionate Savior”). Runguy rok ngak fapi gidii’ Rok e aram fan Ke sap ngak fapi gidii’ u Charen ni gathi kemus ni t’abiyay. Ni mnang ko mang ab t’uf rok fapi gidii’, rayag ni nge yibliyrad me machibnagrad rogon ni yad ra nangfan. N’en ni ba’adag fare Tathapeg e nge chubiydad nglang ko fapi mgagawon rodad me dag ngodad fare murnguy: Fare Bayul rok nifan fapi denen ko gidii’ ni gubin.
Rogon ni be ayuweg e gidii’ nib t’uf e ayuw rorad e ban’en nrayag ni ngad gayed rogon ko nap’an ni gadad be pigpig. Nap’an ni gadad ra par ni gadad ba yul’yul’ ma gadad be motoyil ko fare thothog rok e Kan ni Thothup, me ran nog rogon ngodad rogon nran pii’ e ayuw mab t’uf.
Pi Motochiyel ko Murnguy
Chitamangdad ni bay u Tharmiy e ba’adag pifak ni nge par nibay e murnugy u wan’rad (muguy ko 1 Korinth 12:25–27). Ni ngan mang pi gidii’en gachalpen nib yul’yul’, thingar da filed min dag e runguy ngak boech e gidii’, ni baga’ ni tin gidii’ nib t’uf e ayuw rorad (D&C 52:40).
Feked nga dakandad fithngan Yesus Kristus ko fare tawfe rodad, kad michegned ni gadad ra gay rogon ni ngad daged e murnguy. President Henry B. Eyring, Bin L’agruw e Counselor ulan fare Bin Somm’on e Presidency, e fil ni fare tawa’ath ko Kan ni Thothup e ra ayuwegdad ni ngad rin’ed e biney: “I gur pi gidii’en fare Galasia ku Yesus Kristus. …
“Aram fan ni gabe thamiy ni gaba’adag ni ngam ayuweg be’ nibe gafgow ni nge man’og me yan nga m’on ko fapi gafgow rok. Kam micheg ni garam ayuweg Somoel ni ngam ba’ud nag fapi gafgow rorad mag ayuwegrad. Kan pii’ gelngim ni ngam ayuweg ngam ba’ud nag fapi tomal u nap’an ni kam thapag fare Kan ni Thothup.”1
Ni woed, ni bay reb e bpin u Russia niba wagagay e tabinaew rok me de yag ni ngi’i un ko misa nike pag reb e duw. Reb e bpin ulan fare branch e ma kol nag ni gubin e Madnom nge weliy ngak mornga’agen e n’en ni kan weliy, fapi lesson ni kan fil, kol ko mission, cha’en ni kan gergelnag, nge ku boech e news ko fare branch. Nap’an ni ke fel’ rogon fare tabinaew ko fare bpin, ke thamiy ni kab mang bang ko fare branch ni bachan fapi kol ni’i tay e fagar rok ni gubin e week.
© 2018 rok Intellectual Reserve, Inc. All rights reserved. Kan yoloey u Meriken. Kan micheg nag ko thin nu Ngalis: 6/17. Micheg i pilyeg: 6/17. Pilyeg e thin ko Ministering Principles, July 2018. Yapese. 15050 905