Karihngihn Ip Yohk, Ohktohpa, 2018
Eis Kahsruh in Kahsruh Mwet Sahyac
Kuht ac wi mwet sahyac fuhkah ke kuht enenuh kahsruh ke orekma in kahsruh lasr? Wi ke karihngihn siyuck an ac toeni ke kahsruh luhn Sacnri se met.
Ke mas multiple sclerosis sruhkuhl Kathy nuh ke wheelchair, el konwacack el enenuh kahsruh ke kais sie fong ke siyah lal nuh ke bed. Orekma sac arulacna yohk nuh sin oacna sie mempucr. Oruh tamuhlwel ke u luhn mwet kahsruh ke elyah lal ac otwelah in orwaclah sie pacl kais sie in kahsrwel ke ekuh.1
Ke kuh tuhkuh in etuh enenuh ac kuh luhn elos kuht kuhlwacnsuhpuh, kuht fah konwacack lah kuht enenuh in kahsruh in sun enenuh lalos. Karihngihn siyuck ac toeni ke kahsruh luhn Sacnri se met pa luo ohiyac wo in sramsramkihn lah fuhkah in wi na pwacye mwet sahyac.
Karihngihn Kihsensiyuck
Kihsensiyuck ke kohtoh se inge inmahsrlon kahsruh tahmtahel ac prestuhnsi luhn Rilif Sosaiti kuh tamuhlwel karihngihn ac prestuhnsi ke u luhn elder pa ripohrt fal se fanna kuht oruh fal nuh ke elos suc kuht karihngihnkihn kac. Kihsensiyuck uh el sie ohiyac wo ke me enenuh sikyak puhslac liki pacl ahkosr ke yac in (1) kahsruh ke kuh, enenuh, ac kahsruh kais sie sucu ac mwet se suc akiyucki; (2) nuhnkuh mwe enenuh luhn u, Rilif Sosaiti, kuh mwet in kahsruh ke ward fah wi kahsruh; ac (3) etwaclah ke mwet kol ac kwacfe in karihngihn ma upac.
Prestuhn luhn u ke elder ac prestuhn luhn Rilif Sosaiti sramsramkihn enenuh yohk suwohswohs nuh sin pisap ac fah eis kahsruh ac kolyuck sel.
Kom kuh in konwacack mwe fahkwack puhs ke karihngihn kihsensiyuck ke ministering.lds.org.
Oruh Karihngihn luhn Kihsensiyuck in Oasr Kalmac
In kahsruh sramsram lal Prestuhn Russell M. Nelson lah prokracm ke karihngihn fah sie ip suc Alu uh fah tuhngal. Tamuhlwel Gary E. Stevenson ke U luhn Mwet Tuhmal Lutlut Singucul Luo el luti, “Nuhnkwaclah ke ararama lal … sahp wiwina fuhkah woiyacn karihngihn tamuhlwel ac tahmtahel lutiyuck ac kahsrweyuck ke karihngihnyuck luhn kihsensiyuck.” 2
Ohiyac limekohsr in karihngihn tamuhlwel ac tahmtahel:
-
Som nuh ke kihsen siyuck in suk kahsruh. Ahkolah in lotwelah.
-
Ahkolah in sramsramkihn enenuh ma kom enenuh in kahsruh ke toeni.
-
Lohacng nuh ke fokoko ac kuhiyacn kais sie, tiac mwe enenuh muhkwena.
-
Kahsruh ke ma sikyak ma oasr kalmac muh karihngihn lom el oasr srihpac.
-
Ohsun nuh sin prestuhnsi in kahsruh kihsensiyuck inmahsrlon kohtoh ke enenweyuck.
Ohiyac limekohsr nuh sin mwet kol:
-
Kihsensiyuck tiac enenuh in loes, tuhsruhk orwaclah pacl fal in muhtwacta ke kais sie acn ma lwelah ke sie sramsram oasr kalmac.
-
Eis ohiyac wo ke karihngihn in karihngihn tamuhlwel ac tahmtahel.
-
Tiac siyuck kihsensiyuck ma siyuck ke pihsen muhtwacta kuh pacl ekahsr eltahl liye kais sie mwet (“Kuh kom oruh karihngihn lom tari?”). Siyuck kihsensiyuck ma pahtok kena luhn ohiyac (“Meac siyuck kom puhla ke kom pruhe ke sucu?” Meac sikyak ke kom oruh ke moklweyuck ingacn?”).
-
Lohacng ahkwoyac ac sihmlac mwe kahsruh an.
-
Tuhkweni sramsram in akacsruhi. Mwet kawuck karihngihn pa lwelah nuh ke fwackyuck nuh sin elos suc akwucki in karihngihn.
Kihsensiyuck ac Top ke Karihngihn Kihsensiyuck
Meac kihsensiyuck in karihngihn?
Pa sie mwe sramsram inmahsrlon tamuhlwel karihngihn ac mempucr ke prestuhnsi luhn un elder ac inmahsrlon tahmtahel karihngihn ac mempucr luhn prestuhnsi luhn Rilif Sosaiti ke sie acn ma lwelah nuh selos in suk ac eis moklweyuck sin Nguhn Muhtahl. Ke sie ma sikyak, karihngihn tamuhlwel ac tahmtahel kuh in moklweyuck in karihngihn, luhngse, luti, ac ahkkweye ke ohiyacn Mwet Lahngo.
Yac kisensiyuck ke kais sie ke pacl ahkosr ke yac enenuh in ohsun sifacna?
Ohiyac wo pa in ohsun asramsrami, tuh elos kuh pac in oruh ke fon kuh internet ke toeni tuhkweni el tiac arlac fihsrwacsr. Ma yohk srihpac an, kwewana mwet aetuhi enenuh in wi ke kihsensiyuck ke pacl fal.
Mac kalmacn sie karihngihn kihsensiyuck?
Karihngihn kihsensiyuck el sie ohiyac wo in karihngihn tamuhlwel ac tahmtahel in liye ma sikyak ingena, orwaclah plwacn nuh ke pacl fahsruh, ac eis kahsruh nuh sin kais sie kuh sucu elos kahsruh kac. Pa sie pacl wo in sramsram ke kanon ma u ac Rilif Sosaiti kuh in kahsruh.
Nga ac oruh fuhkah ke ma lukmac ac ohiyac sensenkihnyuck?
Karihngihn tamuhlwel ac tahmtahel akacsruhi mwe fahkwack lukmac muhkwena nuh sin u luhn tamuhlwel kuh prestuhn luhn Rilif Sosaiti—kuh suwohswohs nuh yurin pisap. Ma lukmac kuh mwe fahkwack sensen tiac enenuh in akacsruhi ke kahsruh in toeni ke Sacnri se emet.
Toeni Kahsruh ke Sacnri Se Met
In weacng ke karihngihn ke kihsensiyuck, toeni luhn kahsruh ke sacnri se met pa sie ohiyac sahyac in wi karihngihnyuck sahyac. Ke Rilif Sosaiti ac toeni luhn un elder, moklweyuck kuh in tuhkuh nuh selos ke oasr luhn Nguhn ac nuh selos sahyac ke u.
Srihpen toeni kahsruh pa in:
-
“Tuhkweni kahsruh ke ma kunac, pacl wo, ac mwe upac ke acn se;
-
“Lotwelah ke kuhiyac ac puhla luhn mwet sahyac; ac
-
“Plwacni inek in ahkfalye moklweyuck ma tuhkuh sin Nguhn.”3
Toeni ke kahsruh el yohk likina mwe sramsram: toeni uh kol kuht in oruh oacna kais sie kuh oacna u oacna kena luhn Nguhn. Mempucr kuh in puhla sie kena in ahksahfye orekma luhn Leum sikyak ke toeni inge.
Solsol nuh ke Mukwikwi
“Pruhe lasr mihsenge,” Tamuhlwel Jeffrey R. Holland ke U luhn Mwet Sap Singucul Luo el fahk, “pa mukul ac muhtwacn nuh kwewa—ac mukul mahtuh fuhsr lasr ac muhtwacn fuhsr—fah [pa] loal yohk in sang puhla karihngihnyuck ke inse pwacye nuh sin mwet sahyac, moniyuck muhkwena ke luhngse pwacye luhn Kraist in oruh kac.”4
© 2018 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/17. Ahkkweyeyucklac ke Lweng: 6/17. Lwenglah luhn Ministering Principles, October 2018. Kosraean. 15053 868