Osisecheklel a Omesiou, October 2018

Melai a Ngeseu el mo Olngeseu er a re Bebil

Kede mekerang a dolsiseb ra rebebil sel dousbech a ngeseu el mo mesiou? Bom ngara cheldecheduch ra omesiou me sel kot-el Sandei el miting ra ongdibel.

A Kathy ra bol secher er a rakt el mengitechut a bedenged meng di ngara wheelchair, eng mlo medengei el kmo ngousbech a ngeseu er a bek el kesus el ngara kingellel el mo er a dukelel. Tial ngerachel a kmal mle klou el mora di chimol chad. E solang me a elders quorum a mlo kadecheduch el kirel tial teletelel e tilbir el mo rulii a iotei el mo olngeseu er ngii er a bek el kesus.¹

Me sel bo dodengei aikel ulsbechall me a klisichir tirkel dosiou er tir, e kid a locha mo metik el kmo kede ousbech a ngeseu meng mo sebeched el kudmokl a ulsbechall. A cheldecheduch er a omesiou mesel kot elSandei el miting ra cheldebechel a eru el techall el mo mesaod er a ungil bo dolsiseb er a rebebil.

Cheldecheduch er a Omesiou

Aikal cheldecheduch ra bekl el ledei el buil er a delongelir a re mesiou el rodos me a Relief Society presidency malechub eng omesiou er a rodam me a elders quorum presidency a kmal di taltokubetsel report el doruul el kirel tirkel dosiou er tir. A cheldecheduch a techall el sel bek el ledei el buil el mo (1) mesaod el kirel a klisiich, ulsbechall, me a ikel olibesongel mora re telutk el telungalek me a dersta el chad; (2) momtab aikel lousbech el cheldebechel, Relief Society, malechub a ward council a sebecherir el lolngeseu el kirel; e (3) mosuub er a remerredel me bol blak a rengum ra urelel a omesiou.

A president er a elders quorum me a Relief Society a kadecheduch a meklou a utetelel ulsbechall el di melemalt el mo er a bishop e mo ngmai a olisechakl ma rael el mla er ngii.

Ng sebechem el metik a betok el omesodel kirel a cheldecheduch er a omesiou er a ministering.lds.org.

Rulii a Cheldecheduch er a Omesiou el mo Ngar ngii a belkul

Sel dolngeseu er a President Russell M. Nelson ra tekingel el kmo sel prokuram er a omesiou e a mo telil a omerolel a Ikelesia, e a Elder Gary E. Stevenson er a Chelechad er a Teruich me a terung el Apostol a ulsisechakl, “Sel ues er ngii a mo tekoi … el di mo ultuil er a kmo te mlo ungil mosisechakl a remesiou el rodam me a rodos el mesiou me te ulsiseb er a cheldecheduch er a omesiou.”²

Eim el tekoi el kirel a re omesiou el rodam me a rodos.

• Bo er a cheldecheduch e losiik a olisechakl. Bom keldmokl el mo mesuub.

• Bom keldmokl el mo mesaod a ulsbechall el kau a ousbech el mo remuul a ngerchelem.

• Bo modengei aikel klisichir me a dechal a rengrir a dersta el chad, e bai diak dil ikel lousbech.

• Mosaod el kirel a kekka el ngii mo olechotel a kmo a omosiungem a mle ungil.

• Mongedecheduch er a presidency er a delongelel aikel bek el ledei el buil a le kirem.

Eim el tekoi el mo er a remerredel.

• A cheldecheduch a diak el kirel mo kemanget, eng di mesa delbodeb el taem el bo moldingel er a basio el ngii a sebechel el mekdebechii a ungil a belkul el cheldecheduch.

• Mnguu tial techall el mo mesiou er a re mesiou el odam me a odos.

• Lak moker a ker el uai a lolechotel a kmo kau a bai di omechur er tial loldingel malechub e kedi omes el kmo te mlo merek el mesiou(“Kau ke mla mo merek el mesiou?”). Lak ke moker a ker el uai a lolechotel a teletael(“Ngeral lodubech a bla molchesuar sera moluluuch el kirel a telungalek? Ngera dilubech sera moruul aikel lodubech?”).

• Bo rengii ra rengum el lorrenges e mluches a uleklatk.

• Mdak el kadecheduch. Kldemel ra omesiou a sebechir el melai a ocholt el kirel tirkel tir a miltuk el bo losiou er tir.

Ker me a Nger el kirel a Cheldecheduch er a Omesiou.

Ngerang a cheldecheduch er a omesiou?

Tiang a cheldecheduch er a delongelel a re mesiou el rodam me a chedal a elders quorum presidency malechub eng delongelel a re mesiou el rodos me a chedal a Relief Soceity presidency el ngara basio el sebechel ngusuterir el ngmai a mellomes luldasu el mla ra Chedaol Reng. Mal uaisei, ea re mesiou el rodam me a rodos a sebecherir el ngmai a llomes el mo omes, oubeltikelreng, olisechakl, e mengelaod loba teletelel a Osobel.

Aikal mo chadecheduch ra bek el buil ng kirel a chad el medal el mong?

Blechoel ngar ngii el chad a mong, eng di sebechel mekedmokl lokiu a dengua malechub eng online alsekum te mo diak el sebecherir el kasues. Ma le uaisei, tirkal terung el kaukledem a mo dmak el ngara cheldecheduch alsekum meng ungil besul.

Ngera moktek ra cheldecheduch er a omesiou?

Chledecheduch er a omesiou a techall ra remesiou el rodam me a rodos e lomes aikel teletael er a chelchal taem, e meruul a moktek ra ike el ngara medad el taem, e mo smiik a ngeseu el mo er a dersta el chad malechub eng telungalek el tir a mesiou el kirir. Tiang a techall el mo mesaod el kirel a kmo ngeral donguu a sebechir a quorum me a Relief Society lotobed el mo usbechall.

Ng mekerang a kuureor lolab a berrotel malechub eng okedeldaol el tekoi?

A remesiou el rodam me a rodos a di kirir louchais a berrotel el tekoi el lobengkel a elders quorum malechub eng Relief Society president—malechub eng di melemalt el mo er a bishop. Berrotel me a lechub eng okedeldaol el tekoi a diak el kirel mouchais er sel council miting er a kot el Sandei.

Ng sebechem lomes a video er a oslisechakl el lolecholt er a cheldecheduch er a omesiou el ngara ministering.lds.org.

Council Miting er a Kot el Sandei

Uldimukl er a cheldecheduch er a omesiou, sel council miting er kot el Sandei a tara teletael el mo uldimukl er a rebebil el mo mesiou. Chelsel a miting er a Relief Society me a elders quorum, e a llomes a sebechel mo er tirkel ngar tial miting lokiu a Chedaol Reng me a rebebil er a rechad el ngar tial miting.

A moktek ra council miting a mo:

• “Dmak el kadecheduch el kirel a ngerachel, techall, me a olibesongel;

• “Mosuub er a ta me a tang er a llomes me a okesiu; e

• “Molib a obo moruul el mo otirakl a odubech el mla er a Chedaol Reng.”³

A council miting a diak el dil teletael er a omsaod: a miting a omekrael er kid el mo meruul er sel di mle kid me a lechub eng delbechelir a rechad el mlodubech er a Chedaol Renng. A rechad er a Ikelesia a mo ngar ngii a klemeriar reng el mo remull a urelel a Rubak eleng uchul aikal miting.

Ongit el mo Meruul

“A nglunguched er a chelechal sils,” el dilung a Elder Jeffrey R. Holland er a Chelechad er a Teruich me a terung el Apostol, “a kmo rokui el sechal me a redil— me a remeklou el rengeasek el sechal me a rengeasek el redil—a sebecherir [el] mo meral ngar ngii ra rengrir el mo omtebechel er a ta me a tang, el blakelreng lokiu sel meral klikiid el beltkil a rengul a Kristo el mo meruul aikang.”⁴

© 2018 lokiu a Intellectual Reserve, Inc. Urrekodel a rokui el klisiich.Milluches er a USA.Kengei er a English: 6/17. Kengei er a oidel: 6/18. Oidel a Ministering Principles, October 2018. Palauan. 15053 881

Uleklatk

• Mesa Mormon Messages video “Lift,” lds.org/media-library.

• Gary E. Stevenson, ngara “Ministering Interviews” (video), ministering,lds.org.

• Come, Follow Me—For Melchizedek Priesthood and Relief Society, ngaraEnsign malechub Liahona, Nov. 2017, 140; dirrek el ngara comefollowme.lds.org.

• Jeffrey R. Holland, “Be With and Strengthen Them,” Ensign malechub Liahona, May 2018, 103.

A Jesus a Ulusbech er a Rebebil

A Jesus ulmekang er a eim el telael el rechad lolab a eim el blauang me a teblong el mekekerei el ngikel. Mchiuii Johanes 6:5–14 el bo modengei el telal taem el Osobel a ulusbech er a rebebil er tial teletael er a omesiou.

A “Osisechklel a Omesiou” a kirel mo olngeseu er kid el mo meduch el mo omekerreu er a ta me a tang— ng diak el klumech el douchais el kirel. Me sel bo dodengelterir tirkel dosiou er tir, e a Chedaol Reng a odbechid el mo medengei aikel klumech el bai lousbech luldimukl a ulekerreuid me a klechubchub er kid.

Kaingesei er a uldasou el kirel aikel lousbech a rebebil a kmal sel reng er a cheldecheduch er a omesiou. Dirrek el mesang a Ministering Principles article, “Counsel about Their Needs,” ngara September 2018 issue.